太興 @ 九龍灣 ( 7-AUG-2019 )

脆香雞中翼拚迷你西多士 ($42) - 兩 Set 都係下午茶

煙三文魚菜粒炒飯 ($54) - 呢個炒飯好味呀   

( 7-AUG-2019  WED )

尋晚又凍醒   唔通臨瞓前食咗提子 ?!   因為我放喺雪櫃嘅   但我都會灘一灘先食   上次食完西瓜   半夜又凍醒   但食雪糕又問題㗎喎   呢排唔係凍醒就熱醒   好在起身都夠精神咋 ~

早餐食奶醬多   因為中午要食飽啲   早餐唔可以食勁嘢 ~

菇場唔太忙   可以做下自己嘢 ~

Lunch Time 出去買酸辣米線番菇場   食完抖半個鐘就飲中藥   之後真係連水都飲唔落喇   哈哈 ~

話咁快就放工   約咗里奧大人喺九龍灣等 ~

本來今晚約咗姊妹 J   所以 Lunch 食飽啲   但後尾里奧大人幫我搞掂   我可以唔駛滕來滕去   但我就仍然好飽啦   哈哈 ~

去到九龍灣都係 5 點幾   仍然下午茶時間   咁里奧大人話去太興   都好喎   好耐無試過   食完大約 6 點 45 分就去培靈會喇 ~

今晚嘅領受係神用衪的杖和杆安慰我   神都會給我痛苦   其實係要令我儆醒 ~

今晚 9 點半先散會   番到屋企都要快快沖涼喇 ~

睇多陣電視   11 點半都自己瞓先   呢排比較夜瞓   過埋今星期   應該可以校番 11 點瞓呢 ~

多點心點心專門店 @ 九龍灣 ( 6-AUG-2019 )

鹹魚肉餅飯 ($28) - OK 呀   飯係一粒粒   我鍾意嘅口感

鮮蝦炸雲吞 ($24) - 好大隻蝦

四寶滑雞扎 ($28) - 一般啦   不過賣相真係唔掂呢

蔗糖馬拉糕 ($23) - 都 OK 呀   比想像中好味道

( 6-AUG-2019  WED )

呢兩晚都係瞓到半夜凍醒   係凍到震   真係要拎多張冷氣被擺喺隔離   太凍真係好難瞓得番着   哈哈 ~

早餐食芝腿治烘底   塊臉又嚟痕   真係唔敢食蛋 ~

菇場唔忙呀   大粒又唔喺度   勁爽 ~

Lunch Time 出去行陣   再買魚片頭河番菇場食 ~

今日 1 點同 4 點半都飲中藥   希望定時飲   可以快啲知道中藥嘅醫療效呢 ~

放工即走   約咗里奧大人喺九龍灣等   今晚食點心   其實晚晚諗食咩真係好煩   哈哈 ~

食完坐陣都走喇   想快啲去培靈會 ~

今晚嘅領受係每個人都有罪性 (自私 貪心 妒嫉 懶惰等等)   我會認罪同時仍要承認上帝嘅恩典   感謝神喺黑暗中領我出來 ~

9 點幾散會   番到屋企都即開機洗衫   沖埋涼就睇上網睇嘢 ~

一睇就睇到 11 點半呀   我要瞓喇   里奧大人就繼續睇 ~

牛下新城 @ 九龍灣 ( 5-AUG-2019 )

大大碗酸辣粉 ($50) - 我要少辣   但都好辣

煎釀三寶   今次啲魚肉好實呀   麻麻哋

腸粉

我問里奧大人點解唔買肉燒賣嘅 ?!   佢知我想食   又即刻買   哈哈 

( 5-AUG-2019  MON )

今朝係 "8。5 星期一罷工"   但我都要番工嘅   咁正想入 Lift 嘅時候   見到西瓜嘅 Wechat 叫我哋全公司嘅人唔好番工   為着我哋安全起見   好在我當時唔係過馬路   如果唔係我唔會睇公司資訊息   會直接去搭車囉 ~

沖完涼再瞓過   其實都可以瞓到   因為尋晚瞓得唔好呀   唔知係咪打邊爐熱得滯呢 ?!

瞓呀瞓   瞓到 11 點幾   里奧大人原來已經一早醒咗   佢見我瞓得咁林唔想叫醒我 ~

咁沖埋涼就去食早餐喇   食完都番屋企   開埋機洗衫就繼續睇新聞 ~

無啦啦多咗一日假   所以執鞋櫃執衣櫃   實在太多衫褲鞋襪   兩年唔着都真係捐咗去喇   又捐咗 1 袋   所以依家都唔敢再買咁多嘢   浪費金錢買   浪費時間執 ~

今日可以飲 2 次中藥   平時就唔到時間   不過飲完都好飽下 ~

5 點半出發去食嘢   唔想成日咁趕 ~

里奧大人話去牛下   我話好呀   佢都估唔到   因為我平時實話唔好嘛   但我話我其實想食煎釀三寶好耐   不過我成日想食嘅時候   佢就成日唔舒服囉 ~

今晚食得好滿足   但唔知係咪又油又辣嘅關係   個肚成日搞搞下咁   下次都唔好咁食喇 ~

食完就去培靈會   依家都係早啲到   咁樣可以坐好啲嘅位置呢 ~

今晚嘅領受係神唔會比我哋終極目標   但我哋要憑信心向前行   神總會為我開路 ~

我相信神   正如我參加短宣嘅時候   我無猶豫就報名參加   我其實唔知道去到要做啲咩   好驚幫唔到手等等等等   但神總為我開路   係一次又一次為我開路   所以我好相信   神與我同在   我真係唔怕呢 ~

所以   不要懷疑自己所行嘅路   因為神是我的道路   最美善又完全的 ~

9 點幾散會   市面無哂車咁呀   好寧靜   好恐怖 ~

番到屋企就即大清潔廁所   沖埋涼就休息 lu ~

睇多陣電視   11 點幾都瞓   最搞笑里奧大人叫人瞓覺   自己又喺度睇 Youtube 囉 ~

吉野家 @ 九龍灣 ( 4-AUG-2019 )

相樸鍋配嫩滑雞肉 ($70) - 我要濃湯底   第1次雞肉邊爐   好似食緊白烚雞肉咁   哈哈   好在烏冬好煙韌咋   同埋烏冬底下原來仲有 8-9 件雞肉   所以叫里奧大人幫手食啲

海苔粟米牛肉飯 ($24) - 6 點前係下午茶餐   咁又抵喎   細細碗都唔錯

( 4-AUG-2019  SUN )

今朝有侍奉   所以 9 點半都起身喇   沖埋涼就出門口了 ~

發夢里奧大人喺大陸比人捉咗   家姐打比佢手機   有個國語女人聽   我勁驚啦   唔係驚里奧大人有女人   而係驚佢比人捉咗去邊   之後鬧鐘響   我心情仲未平復   我同里奧大人講話原來我好怕失去佢   之後佢話我平時對佢唔好嘛   我認㗎   哈哈 ~

食埋早餐就番教會   今日差唔多 1 點先走 ~

諗住買套衫影証件相   但唔啱心水   所以番屋企 lu ~

抖陣就去食下午茶   食完就去影證件相喇   雖然影幾張   但原來笑得多   真係越來越笑得唔自然㗎 ~

番到屋企都休息陣   5 點幾出發去食嘢喇 ~

好想打邊爐   所以去吉野家 ~

食完即番培靈會   感恩無遲到呀 ~

今晚嘅領受係要常睇聖經   聖靈就會與我同在   仍都要善用自己嘅靈同神禱告 ~

9 點幾散會   都即番屋企 lu   沖埋涼就休息喇 ~

青提 $38/磅  呢度 $114  我同里奧大人嚇咗一跳   我諗住 $70 左右咋   我問店主幾磅囉   佢話 2 磅 11 安士   依家買生果都好貴下   不過呢啲提子好甜好脆   都好在咋   哈哈

我 11 點幾都瞓   里奧大人就繼續睇 Youtube ~  

35 座車仔麵 @ 九龍灣 ( 3-AUG-2019 )

大碗麵 ($48) - 我要文記麻辣混醬   個醬無咩味喎

里奧大人要秘制辣汁   個汁真係幾辣   

腐乳通菜 ($15) - 個腐乳無味   好奇怪

跟餐 +$5

餐單

( 3-AUG-2019  SAT )

今朝 7 點鬧鐘響   其實我以為自己校咗 7 點 15 分添   瞓多 15 分鐘都好   哈哈 ~

約咗家姐食早餐  佢係都要請我食   話用 Wechat Pay 喎   佢話我成日請佢食早餐   依家有得 Wechat Pay   以後一定係佢比哂   真係好搞笑   成日驚用哂我啲錢   食得我幾多呀 ?!

榨菜肉絲公仔麵套餐傳統吐司 ($40)

肉鬆厚吐司套餐 ($38)

菇場忙忙哋啦   但唔想做長命 Report 住   清哂其他嘢先 ~

放工即走   搭地鐵去睇中醫   里奧大人約咗弟兄 J 兩公婆傾嘢　大家搞掂哂先再約食下午茶 ~

今次再量心跳係 89   算好咗啦   上次 110 㗎   但上下壓仍都係高囉   148 / 89   真係要做多啲運動   完咗培靈會   我就可以做運動 ~

差唔多 2 點半先睇完   里奧大人又啱啱傾完    咁去德福食下午茶喇 ~

洋蔥豬扒包   食咗啲生洋蔥   之後個口成陣味   哈哈

我比里奧大人睇   仲話好假呀   點解佢會有鬚 ?!   佢個樣好驚咁答我 : 佢本身係有鬚㗎喎   妳唔係唔知呀嘛   哈哈

食完去馬莎睇衫   又唔啱心水   所以都決定唔買衫喇   着番平時啲衫去影証件相算喇   不過原來無開舖   咁聽日再影過啦 ~

番到屋企   里奧大人都瞓晏覺   我好似 5 點鐘都瞓着    一起身已經 6 點   要即出發去食嘢喇 ~

食完即番培靈會   今晚趕唔切   所以聽唔到詩歌部份添 ~

今晚嘅領受係預備自己隨時傳福音   同時仍要為憎恨嘅人祈禱   呢點我仍在學習中 ~

9 點幾散會   番到屋企即拖地   沖埋涼就睇陣電視  ~

11 點幾都自己瞓先 lu   今日滕來滕去好攰呀 ~ 

海景粥店茶餐廳 @ 九龍灣 ( 2-AUG-2019 )

西蘭花炸蟹鉗雞扒意粉 (黑椒汁) - 里奧大人見到我叫呢個餐   佢覺得好驚訝   佢話多數係食佢   我好少食呢啲   哈哈   

里奧大人食艇仔粥

炸兩   今次油炸鬼唔多脆

( 2-AUG-2019  FRI )

尋晚瞓得唔錯   感恩感恩 ~

早餐食奶醬多   最緊要記得唔好食蛋   哈哈 ~

菇場忙下停下   小 A 一見到我就好驚訝咁問: 妳塊臉咩事 ?!   嗚嗚嗚嗚   塊臉敏感嘛   幾撻唔同位置   仲要好紅添   本來想戴口罩   但覺得焗住仲衰   好鬼煩呀 ~

Lunch Time 出去買嘢   船頭問我塊臉咩事 ?!   頭先好紅   但依家無咁紅   我咪話瞓得唔好   濕疹呀   所以真係好怕長時間瞓得唔好   依家一嘢就爆   點見人呀   嗚嗚嗚嗚 ~

行咗陣再去買魚片頭河番菇場食   抖半個鐘就飲中藥 ~

菇場忙啦   做長命 Report   感恩真係考完試呀   可以快啲做個 Report ~

放工即走   同溫總一齊落樓   點知一齊傾偈傾到 6 點 ~

咁啱里奧大人又搵朋友傾偈   所以今晚食完飯   7 點 45 分先聽培靈會呀 ~

今晚嘅領受係耶和華是我的牧者   我必不致缺乏   真的好感恩   因為我焦點對準神   我活着有盼望呢 ~

感謝上帝賜我聖靈   賜我平安   讓我避免試探 ~

仍讓我要掏空自己   我將自己嘅缺乏去幫助人哋嘅缺乏   我深信神嘅恩典夠我用   我有豐足嘅生命   感謝神保守帶領   榮耀歸神 ~

呢排我其實要反思   我成日安慰里奧大人唔駛驚   神同你同在同行   但當我話考試好驚   里奧大人反問番我   又叫我唔好驚?!   妳自己又驚 ?!   我真的無語了 ~

其實我唔係對神無信心   我做任何事都會依靠上帝   靠聖靈得力   我只係對自己無信心   我做基督徒咁耐   雖然都有苦難困難   但我相信神的美意   我要順服   因為我唔可以越過神嘅界限呢 ~ 

我 11 點半都自己瞓先喇   里奧大人就睇 Notes ~

栢檔極品海南雞飯 @ 九龍灣 ( 1-AUG-2019 )

二人套餐 ($175)
極品海南雞 (半隻) / 栢檔住家靚湯

香煎手剁魚香肉餅 / 健康翠綠時菜 / 油飯

( 1-AUG-2019  THU )

尋晚都瞓得算唔錯   可能真係考完試   個人無哂壓力呢 ~

又落超級勁大雨   真係要着水靴   雖然熱   但好過整到對鞋濕哂呢   同埋真係一年只係着幾次   點都着下啦   哈哈 ~

早餐食芝蛋治烘底   都幾好味   可能個人餓呀 ~

菇場超級忙呀   依家就可以專心做嘢喇   哈哈 ~

咁快又到 8 月了

唉   塊臉敏感一撻撻   咁照下鏡見到好似紅咗   唔知係咪食咗蛋呢 ?!

今日開始會為里奧大人禁食祈禱   我食完早餐之後到 Lunch 期間係唔食嘢   我想用時間作為禁食祈禱   今朝食到咁飽   但奇怪係 11 點就餓呀   我知道撤但想攻擊我   但我會更加緊緊倚靠神   靠神得力呢 ~

其實好多人都可能覺得 4 個鐘頭唔食嘢係完全無問題   但我真係太為食喇   個口係無時停   我櫃桶好多零食   特別係糖   無嘢做就係咁食   如果眼瞓仲要食餅添   所以我就要更加要呢個時間   作為禁食祈禱嘅時間喇 ~                       

Lunch Time 食 Flakes + 豆奶   唔想出街呀 ~

仍然忙呀   好在記得飲中藥   呵呵 ~

里奧大人 5 點已經放學   所以我放工都即走   本來諗住去德福食嘢   但沿途勁塞車   巴士轉咗喺淘大落   咁即轉去淘大食嘢喇 ~

呢排戒口先   所以唔食牛肉   咁去食海南雞飯喇 ~

食到 6 點 45 分要走喇   今晚去聽培靈會   一連十晚   如無意外應該會晚晚去呢   因為已經期待咗 1 年喇 ~

今晚嘅領受係感謝神揀選我   仍感謝神   神是我的唯一 ~

9 點 15 分就散會   即番屋企喇 ~

沖埋涼就開機洗衫   之後休息 lu ~

里奧大人 11 點唔夠都瞓   我就打多陣機   11 點半先瞓 ~