嘉華大酒樓 @ 官塘 ( 20-JUN-2014 )

金菇鮮竹蒸花尾躉頭腩

燒鴨 / 白切雞

蒜蓉炒勝瓜

沙薑雞腳

( 20-JUN-2014  FRI )

Happy Friday 喇   如果番 5 日幾咁好呢   呵呵 ~

今朝里奧大人上大陸   所以我就 7 點 45 分先起身   咁都幾爽㗎   叫做瞓多 20 分鐘嘛 ~

今朝要主力玩 Pokopang   所以去另一間食早餐   點知打打下機有人坐我對面   我無望嘛   但心諗   咁多吉枱都錯   做咩坐我對面   之後一望   原來係 8 卦   我問佢點解嚟呢間   佢話係出面望到我   所以入嚟食   我話佢勁啦   我頭 Dup Dup 打緊機都望到 ~

菇場唔忙   咁做自己嘢啦   咁先夠 Happy Rriday 嘛 ~

Lunch 食黑胡椒螃蟹味杯麵   都 OK 好食嘅   不過唔好食都要食啦   里奧大人唔鍾意食嘛 ~

放工去嘉華喇   我講咗啲嘢   媽咪又發脾氣   不過我唔鬼理佢㗎   我仲 Whatsapp 家姐   話第時每個月見一次最好   唔駛咁多磨擦 ~

今晚家姐今晚 7 點 15 分先到   之後媽咪食完就上去先   我同家姐又行萬寧   不過我今晚唔上媽咪屋企喇   諗起都火嘛   所以佢送我去搭車   哈哈 ~

番到屋企附近   原來里奧大人都出咗地鐵站 lu   咁等埋佢番屋企先沖涼   之後到佢沖   然後睇波   英格蘭 vs 烏拉龜   都幾好睇   最緊要有波入   唔係好悶 ~

今晚 11 點 45 分先瞓呀   聽朝 7 點起身   因為同家姐食早餐呢 ~  

黑椒牛展 + 節瓜鹹蛋瘦肉湯 ( 19-JUN-2014 )

 

( 19-JUN-2014  THU )

又好焗呀   所以一諗起行去地鐵站就好鬼驚   哈哈 ~

早餐食奶油脆豬   齋包多數係甜嘅   如果有鹹餐包就好 lu ~

菇場唔忙   又可以做自己嘢   呵呵 ~

Lunch Time 出去食   行陣就要番菇場喇   因為個天開始想落雨 ~

放工即番屋企   趕住打機呀   又有 Double Cherry   所以預備哂晚餐之後就打機 ~

今晚里奧大人 7 點 15 分就放工喇   咁我都等埋佢先一齊食呢 ~     

是日懶餐 - 黑椒牛展 + 節瓜鹹蛋瘦肉湯  

黑椒牛展 - 今朝先拎出嚟解凍   咁我唔駛特登又要再去買餸   加埋啲芋絲一齊炒   真係唔駛食飯都得呀 ~     

節瓜鹹蛋瘦肉湯 - 懶餐首選   又好味道喎 ~

開行 turbo 搞掂哂所有嘢就沖涼   之後打機   再叫里奧大人快啲沖涼   之後一齊睇波   荷蘭 vs 澳洲   都好睇喎 ~

11 點瞓喇   好鬼攰   里奧大人話晚晚睇波都好攰   我笑佢啦   人哋唔知以為你睇直播   其實我哋睇錄影算好啦   唔駛捱眼瞓 ~

蕃茄洋蔥豬扒 + 魚肉粉絲紫菜湯 ( 18-JUN-2014 )

( 18-JUN-2014  WED )

好焗呀   真喺企喺度都流汗 ~

早餐去另一間食喇   因為唔想知賽果   點知後面有幾個男仔講波   好在講之前幾場   不過其實真係無得避   但我都會盡量避開唔聽   哈哈 ~

呢間嘅奶油多真係好好食

菇場唔忙   勁開心啦   我要快啲寫 Blog 同 Load 相   最正係今日大粒唔喺度   同埋好多同事又唔喺度   勁爽呀   好似特別 Free 咁 ~

Lunch Time 買酸辣米線番菇場食   不過食完之後   個胃有啲唔舒服   但真係好鬼飽   所以食咗粒金桔   唔知係咪酸得滯   食完反而胃痛   好在痛幾個鐘咋   因為我唔想食胃藥呢 ~

放工番屋企 lu   即刻開機洗衫再預備晚餐   抖陣就煮飯   今晚又係我自己食先   所以 7 點半開飯   不過我就飲湯先   之後抹書房 ~

是日晚餐 - 蕃茄洋蔥豬扒 + 魚肉粉絲紫菜湯  

蕃茄洋蔥豬扒 - 買咗 5 個蕃茄 + 1 個大洋蔥 + 2 塊細豬扒   配菜多過主菜   不過我鍾意咁架   其實我只係鍾意食魚肉同牛肉   牛肉係因為要補血先食   唔係真係唔想食囉 ~      

魚肉粉絲紫菜湯 - 終於煮新嘢呀   我唔知做咩鬼   成日以為要放節瓜   好在再睇番 Recipe   唔係加埋節瓜就怪啦   不過我其實已經買咗瘦肉同鹹蛋   應該就係滾湯啦   唔明點解成日諗住放節瓜 ~

里奧大人 8 點幾番到屋企   我都同佢一齊食飯啦   之後搞掂哂就即沖涼   叫埋里奧大人快啲沖涼   咁可以一齊睇波   巴西 vs 墨西哥   勁好睇呀 ~

11 點 15 分都要瞓喇   聚精會神咁睇   好鬼攰   哈哈 ~   

蜜糖黑椒雞翼 + 唐生菜 ( 17-JUN-2014 )

( 17-JUN-2014  TUE )

出門口又落過雲雨   呢排又係唔帶遮唔得呢 ~

早餐食奶醬多   之後阿爽又嚟埋   我錄咗德國 vs 葡萄牙   所以我一睇到新聞播體育消息   我就即刻聽歌   我唔想知賽果呀 ~

番到菇場   賓賓好大聲講賽果呀   整鬼佢吖   不過佢成日傾偈都好大聲   驚無人知佢存左咁   好煩   同埋聽佢講嘢   一個話題講好耐   聽到我識背 ~

Lunch Time 同 8 卦出去食   熱鬼到呢   所以一開工   我同佢都好鬼眼瞓   哈哈 ~

同 PMS skype   佢問我覺唔覺渠王有口氣 ?!   我話我一早知啦   但我只係問 8 卦聞唔聞到咋   佢話聞到有少少口氣   不過我無問其他同事呀   我驚係得我一個聞到嘛   咁 PMS 都話佢都驚得佢一個聞到呀   咁即係渠王真係有口氣啦   仲要係好嚴重嗰隻   佢話有時渠王同佢講嘢   渠王好鍾意挨到好埋同人講嘢   所以佢要閉氣   之前我搭 Lift   見到渠王挨埋阿花度講嘢   仍即刻縐哂眉頭呀   真係好慘   晨早流流吸毒氣 ~

今日黐咗線   同 8 卦 Skype 咗成日   打 Keyboard 打到手指痛   不過佢難得 Free 啦   阿頭仲係 Off 嘛   20 號之後就要回復正常 lu ~

好焗呀   不過放工都要去買餸   買完真係成身汗呀 ~          

醃好雞翼再浸埋菜就拖地喇   之後就煮飯   因為我要 9 點睇波 ~

里奧大人 7 點半放工   不過我都食先喇   好鬼熱呀   食完快快趣沖涼 ~   

是日懶餐 - 蜜糖黑椒雞翼 + 唐生菜  

蜜糖黑椒雞翼 - 本來諗住煮新嘢架   不過真係無咩時間   所以煮番舊嘢   哈哈 ~  

唐生菜 - 想食腐乳   所以煮唐生菜   浸又方便   煮又方便   真係唔錯 ~

叫里奧大人食完抖陣好沖涼   我要 9 點睇波呀   實在太開心   我最愛嘅德國隊贏咗 4:0   呵呵 ~

呢兩日瞓得唔係咁好   所以 11 點瞓喇 ~  

元氣壽司 @ 九龍灣 ( 16-JUN-2014 )

三文魚頭湯 - 上次好好飲   今次好鹹   同埋終於比我見到我最驚嘅嘢   就係大大對魚眼   嗚嗚

( 16-JUN-2014  MON )

尋晚食完冬瓜盅   半夜去咗 2 次廁所   即係瞓得唔好   所以好似無瞓過咁   哈哈 ~

今朝一路食早餐一路睇報紙   有個人打我隻腳   嚇死我   原來係阿爽   之後 8 卦都嚟埋   講下世界盃   勁開心呀 ~

番到菇場做埋 Report 就 Hea 過   阿 Head 放大假   勁爽呀我 ~

差唔多 1 點先食杯麵   其實唔餓   所以個杯麵食到 1 點半   無哂啲湯   呵呵 ~

喺新加坡買嘅冬蔭海鮮杯麵   我鍾意個設計   唔係發泡膠   同埋有坑嘅位置係唔熱    咁拎起上嚟就唔驚辣手   不過我覺得呢款味道都好辣呀   里奧大人叫我留哂比佢食   食得辣過我喎 

又繼續 Load 相   做私人嘢啲時間真係好快過   話咁快就放工喇 ~

今晚唔煮喇   因為真係好攰   番到屋企開機洗衫   無啦啦勁餓   炒埋尋晚食剩嘅牛柳粒   補充完體力之後就熨衫   6 點 45 分里奧大人打嚟話放工   話想去元氣喎   咁好啦   衫都唔熨住呀   要即去攞位   因為 7 點左右會好多人等 ~

好感恩又無咩人等喎    等咗 8 張飛   我坐低無耐   里奧大人都嚟埋 ~

食滿 $200 可以用 $20 Coupon   不過真係食唔到   只係食咗 $150   可能我頭先食咗牛柳粒   所以唔係咁餓   哈哈 ~

比錢嘅時候   有個女人嘈嘈閉   話點解 2 個人食咗 $400 咁貴   講真   依家食壽司都唔會平啦   一件都要 $10   之後佢問佢個女有無數過啲碟   個女話佢無數   元氣啲人數   咁個阿媽就好悔氣同 Cashier 講   依家死無對証   其實我覺得佢都有問題   自己食過咩都唔知咩   好話人收錯   阻鬼住哂人哋比錢 ~

超焗熱呀   所以同里奧大人講話唔好行   要番屋企沖涼呀 ~

叫埋里奧大人快啲沖涼   之後一齊睇波   不過唔好睇嘅   所以我睇咗半場   10 點半瞓喇   好鬼眼瞓呀 ~   

嘉華大酒樓 @ 官塘 ( 15-JUN-2014 )

燒汁腰果牛柳粒 ($98) - 平時係  $68 咋

  
乳豬 (例牌) $138 - 我唔想食嚟食去都嗰啲   所以我要食乳豬   哈哈

竹笙冬瓜盅 ($138) - 平時 $108   即係樣樣都比平時貴 $30 

( 15-JUN-2014  SUN )

今朝勁喇   瞓到 11 點 20 分   里奧大人話無得去食早餐   我話麻酸樂早餐到 12 點   之後佢話我講嘢唔好咁盡   因為我成日話唔會去麻酸樂食嘛   但其實我只係話唔去食佢哋嘅米線之嘛 ~

食完番屋企沖涼   12 點半就同媽咪飲茶   里奧大人就做公司嘢 ~

其實我真係食唔到嘢㗎   真係主要陪媽咪囉 ~

差唔多 2 點就走人喇   媽咪做運動   我去買生果   之後番媽咪屋企抖 lu ~

里奧大人 6 點上到媽咪屋企   叫佢推媽咪去酒樓   咁樣快好多   哈哈 ~

我其實知今日係父親節   但唔知點解仍然去嘉華   今餐食咗 $500 呀   真係好唔值囉 ~

7 點半走喇   上媽咪屋企坐到 8 點半就走喇   因為要去買坐地式風扇 ~

番到屋企即沖涼喇   里奧大人諗住去徑步   不過佢搞呢樣嗰樣   差唔多 9 點半先出門口   咁啱我同家姐 Whatsapp   家姐話我知落雨   咁即話比里奧大人知啦   無得跑就沖涼 lu ~

諗住睇波家嘛   但都已經 10 點   如果睇哂要 12 點先瞓   都係唔睇喇 ~

我就 Load 相   里奧大人就睇電視   11 點半瞓喇 ~

齋滷味 (外賣) + 杯麵 ( 14-JUN-2014 )

( 14-JUN-2014  SAT )

今朝 7 點起身喇   約咗家姐 7 點半去太興食早餐   之後佢係都要送我去搭車   不過佢都行慣嘅   送完我就去銀行   周身唔得閒咁   哈哈 ~

輕盈香辣肉碎扎肉米粉

人氣早餐 

冰鎮奶茶 

菇場唔忙   所以勁 Load 相   想快快搞掂呀 ~

Load 呀 Load   好快放工喇   約咗里奧大人喺九龍灣地鐵站等   一齊去鰂魚涌   因為我之前團購咗 Burger Mix   其實諗住比家姐嘅   不過佢有啲事所以唔食到   咁唯有我同里奧大人去食啦   好在平時睇完中醫   家姐會同我周圍行   佢會話邊間邊間食啲咩   咁我有印象家姐講過 Burger Mix   所以認得點行   我覺得自己好勁架   識得去   因為我係路痴嘛   里奧大人都覺得我今次勁呀   無帶錯路 ~

和牛安格斯芝士磨菇漢堡套餐 ( 團購價 $30 原價 $48)

個包軟熟   Burger 又 Juicy   芝士又香濃   好味道呀

我要蘑菇湯

里奧大人要巨蜂提子

我鍾意張梳化

食完去北角買鞋   咁啱原來水姑又喺鰂魚涌工場   所以搵佢   之後傾咗陣就走喇 ~

又係我帶里奧大人由鰂魚涌行去北角   佢以為好近   不過都行咗起碼 15 分鐘   之後佢話其實唔近   話估唔到我平時睇完中醫行去北角呢   哈哈 ~

經費 Michel Rene  里奧大人又入去睇睇   今次好感恩買到 1 套 Suit 再加 1 條西褲   $1,700 咋   因為做緊 Promotion 先咁平咋 ~

諗住買鞋又買唔到   又走去新都城百貨行下   買咗個十字架頸鍊同一隻蘇聯石戒指   $970   想買好耐啦   又比我買到   好感恩呀又 ~

行完都差唔多 4 點半   去完三德買齋   再去聖羅蘭買眉豆茶果就諗住走   但里奧大人話要去南記食喎   見到唔食   對唔住自己喎   不過頭先 3 點佢都話口痕   問我食唔食雞蛋仔   但真係食唔落囉 ~

豬腩肉春卷小鍋米線 (中辣) - 可惜完全唔覺得辣

眉豆茶果 @ 聖羅蘭 - 之前舖頭喺鰂魚涌   問番家姐   佢話搬咗   原來搬咗北角

坐 619 去媽咪屋企喇   其實今晚唔駛同媽咪食飯   媽咪已經整好哂自己食嘅嘢   但驚無人睇住佢   所以去陪下佢啦   坐到 8 點半就走喇 ~

番到屋企即沖涼   之後叫埋里奧大人沖涼   咁就一路食杯麵同齋   一路睇波   錄咗西班牙 vs 荷蘭   勁好睇呀 ~

差唔多 12 點先瞓   不過聽朝可以自然醒   因為我要陪媽咪飲茶   番唔到教會呢 ~