元氣壽司 @ 九龍灣 ( 16-JUN-2014 )

三文魚頭湯 - 上次好好飲   今次好鹹   同埋終於比我見到我最驚嘅嘢   就係大大對魚眼   嗚嗚

( 16-JUN-2014  MON )

尋晚食完冬瓜盅   半夜去咗 2 次廁所   即係瞓得唔好   所以好似無瞓過咁   哈 ~

今朝一路食早餐一路睇報紙   有個人打我隻腳   嚇死我   原來係同事阿爽   之後 8 卦都黎埋   講下世界盃   勁開心呀 ~

番到菇場做埋 report 就 hea 過   阿 head 放大假   勁爽呀我 ~

差唔多 1 點先食杯麵   其實唔餓   所以個杯麵食到 1 點半   無哂 d 湯   呵呵 ~

喺新加坡買嘅冬蔭海鮮杯麵   我鍾意個設計   唔係發泡膠   同埋有坑嘅位置係唔熱    咁拎起上黎就唔驚辣手   不過我覺得呢款味道都好辣呀   里奧大人叫我留哂比佢食   食得辣過我喎   勁  

又繼續 load 相   做私人嘢 d 時間真係好快過   話咁快就放工喇 ~

今晚唔煮喇   因為真係好攰   番到屋企開機洗衫   無啦啦勁餓   炒埋尋晚食剩嘅牛柳粒   補充完體力之後就熨衫   6 點 45 分里奧大人打黎話放工   話想去元氣喎   咁好啦   衫都唔熨住呀   要即去攞位   因為 7 點左右會好多人等架 ~

好感恩又無咩人等喎    等咗 8 張飛   我坐低無耐   里奧大人都黎埋 ~

食滿 $200 可以用 $20 coupon   不過真係食唔到   只係食咗 $150   可能我頭先食咗牛柳粒   所以唔係咁餓   哈哈 ~

比錢嘅時候   有個女人嘈嘈閉   話點解 2 個人食咗 $400 咁貴   講真   依家食壽司都唔會平啦   一件都要 $10   之後佢問佢個女有無數過 d 碟   個女話佢無數   元氣 d 人數   咁個阿媽就好悔氣同 cashier 講   依家死無對証   其實我覺得佢都痴痴地   自己食過咩都唔知咩   好話人收錯   阻鬼住哂人地比錢   煩 ~

超焗熱呀   所以同里奧大人講話唔好行   要番屋企沖涼呀 ~

叫埋里奧大人快 d 沖涼   之後一齊睇波   不過唔好睇嘅   所以我睇咗半場   10 點半瞓喇   好鬼眼瞓呀 ~