阿桂老友粉 @ 官塘 ( 22-FEB-2017 )

酸辣炸醬腩肉米線 - 我要小辣   里奧大人要微辣   肉醬就多   但腩肉好似得 2 片細細嘅 


   
麻辣雞軟骨 - 好味呀   但唔夠麻辣   但食完之後覺得自己成口油呀   哈哈



煎韭菜餃 - 里奧大人話碗米線唔夠餸喎   所以叫個餃子   仲話知我鍾意食韭菜餃喎   我覺得好味呀   又唔係好油呢 



( 22-FEB-2017  WED )

尋晚瞓得 ok 啦   可以天氣凍凍地   哈哈 ~

早餐食沙爹牛米粉   8 卦一見到就問我係咪好肚餓 ?!   我話 Lunch 食麥皮   所以早餐食飽啲囉 ~



菇場唔太忙   咁就好喇   唔係咁想做   哈哈 ~

Lunch 食麥皮加杏仁條   我覺得仲肥   不過想清埋包杏仁條   因為係過年前家姐喺多多買比我㗎   再唔食驚會腍   咁就嘥咗喇 ~

無杏仁味   得個甜字   但杏仁面整到好似蛋白餅咁   我又勁鍾意喎



里奧大人 2 點半喺紅磡見客   咁 4 點半都番到屋企 lu ~

臨放工先有 Urgent 嘢   好在 5 分鐘搞掂   放工即走 ~

今晚同里奧大人食麻辣米線   先到先等位呢 ~

我覺得 OK 呀   但里奧大人覺得麻麻   唔醒起佢鍾意酸辣多過麻辣添 ~

里奧大人話想食湯丸   諗住買碗紅豆沙同綠豆沙   我就咁淥啲湯丸就得   唔駛麻煩   但我話係咪都要淥   買唔買紅豆沙都無問題   原來佢係想我食紅豆沙補血   不過我真係好飽   唔想食糖水囉   之後佢都只係買紅豆大菜糕就算喇 ~

買完就即番屋企   開機洗衫再沖埋涼   之後就休息   今晚有啲攰   唔想做家務呀 ~

其實 10 點左右已經眼瞓   我估我都應該睇睇下電視瞓着咗 lu   之後一醒都 10 點 45 分   咁瞓覺喇   瞓到就即瞓呢   呵呵 ~

住家飯 @ 姑奶屋企 ( 21-FEB-2017 )

百佳買嘅雲耳雞 - 啲雞肉口感好腍   我覺得係霉添呀  



因為我同里奧大人都唔食魚頭   咁姑奶話唔要個魚頭   里奧大人好大反應話要個魚頭呀   話有面豬 "dun" 肉㗎   因為佢次次都會夾面豬 "dun" 肉比我食   好似呢條魚根本真係無咩面豬 " dun" 肉   佢點都要夾出嚟   呢下係好感動嘅   哈哈



炒西芹 - 好多渣   同埋無拻條 "衣"   食咗幾嚿都無食 lu    



生菜 - 我一見到就勁驚   因為係得幾塊㗎咋   平時佢會擺幾條菜心比隻貓食   但隻碟放喺地下   次次擺成晚   第朝仲喺度   我真係好驚係比隻貓食嗰啲囉   不過姑奶話驚我唔夠菜食   所以加埋呢幾塊   雖然係佢嘅好意   但自從知佢煮過隔咗一星期嘅餸之後   我真係好驚囉    



( 21-FEB-2017  TUE )

瞓得唔好呀   好似無瞓過咁   慘 ~

咁我今朝同里奧大人講話   尋日 Lunch 食飯   之後飽飽滯滯到呢   我要係咁食話梅肉消滯呀   之後佢喺度笑   話飽都可以仲係咁食嘢   哈哈 ~   

好大風呀   天文台又話回暖   呃人嘅 ~

好凍呀   所以早餐食腿蛋治   呢排成日都同 8 卦食早餐   佢真係好勁   餐餐都係米粉通粉意粉餐   仲要雙蛋   晏晝 Lunch 仲要係食飯   我真係唔得   除非果日好忙   忙就會特別快餓呢 ~

咁我叫 8 卦出 Lift   但講咗落車   哈哈 ~

番到菇場   洗完杯諗住去廁所   點知居然無帶鎖匙   完全不在狀態 ~

忙下停下   不過完全唔想做 ~

真係好眼瞓   所以買酸辣米線食   今次要中辣   其實想要大辣架   但又驚驚地   咁今次拎嘅時候都聞到好香   一開個蓋見完全係橙色   開始有啲驚   食落真係好辣囉   但唔酸囉   得個死辣咁   小辣唔辣   中辣就鬼死咁辣   點解水準次次唔一樣架   食完之後   我眼水鼻水係咁流   勁似喊完咁呀   哈哈 ~



今日都好飽   但真係唔會眼瞓   如果食飯就一定會   仲諗住第時食糯米雞添   咁唔好搞喇 ~

做下抖下   話咁快放工 ~

里奧大人今日 3 點到大陸見客   咁差唔多 7 點就到官塘   咁我都行陣官塘廣場先 lu ~

佢驚我又攰又餓   叫我食粉果   不過我唔食啦   就算食都一齊食   咁先開心呢 ~

佢 7 點左右到官塘   經過食粉果嘅地方   但好多人   我話唔食 lu   咁再去買 Samsung 後備電   再睇埋背囊   咁睇睇下先知原來有兩檔買背囊   好在檔主講咋   唔係拎咗去問隔離檔就搞笑   不過我都試過咁啦   好耐之前喺旺角中心睇嘢   問人哋 Display 件褸幾錢   條友好惡話係隔離檔㗎   我心諗   唔幫襯妳都唔駛咁惡啦 ~

番到去坐陣都開飯喇   食完就抖 lu   今晚落毛毛雨   都唔徑步喇   早啲沖涼休息好過呢 ~

真係越坐越凍   又攰喎   所以 11 點唔夠就瞓 ~

住家飯 @ 姑奶屋企 ( 20-FEB-2017 )

彩椒炒排骨



雞翼 - 尋晚喺另一個姑奶屋企拎番嚟



菜心



花生眉豆木瓜雞腳湯



( 20-FEB-2017  MON )

瞓得一般啦   都預咗係咁   起身番工真係有壓力呢 ~

早餐食芝腿治   茶餐廳阿姐見到烘得咁靚   佢又話要食   其實咁都好㗎   見邊樣整得靚就食   又唔駛自己諗   哈哈 ~



菇場忙咗陣   之後 Hea 過   爽 ~

今日有 Lunch Box   間唔中唔駛諗食咩真係幾好   我鍾意食完行陣   但今次食完都 1 點 15 分   所以行唔到 lu ~

2 點幾飯氣攻心   真係好想瞓覺呀   我嘗試合埋眼   真係差啲瞓着呀   所以係咁食薄荷糖同香口膠   咁先叫做無咁眼瞓咋   下次真係唔再食飯喇 ~

里奧大人 4 點幾 Line 張相比我   原來阿喂又特登拎嘢比佢呀   仲要係 100 Plus   實在太客氣啦    買完仲要特登拎嚟   咁我只係 Focus on 100 Plus   以為阿 mi 特登用毛巾包住   驚撞爆   點知原來嗰條係張絨毛毯呀   原來阿 mi 又特登買比我㗎   知我喺菇場成日超級勁凍   實在太有我心太客氣喇   勁感動呀 ~



今晚放工番屋企抖陣先   順便抽濕下間屋   真係好怕潮濕天氣   衫唔乾   人又攰   真係無樣好   哈哈 ~

估唔到瞓咗半個鐘   今日真係覺得好攰呀 ~

里奧大人差唔多 7 點放工   咁我都預備出門口喇 ~

今晚我要拎一袋衫   咁都知里奧大人實會喺地鐵站等我   不過我都唔在狀態   要打比佢 2 次先搵啱方向   哈哈 ~

一番到去都有飯食 lu   但我無咩胃口   咁姑奶話佢感冒   里奧大人叫佢拎公筷   佢話作感冒唔駛拎   但里奧大人都叫佢拎囉   其實我頭先都同里奧大人講   就算佢有無感冒   第時都要用公筷   因為我見到佢臨瞓前唔會去漱口   雖然係假牙   但都要漱口嘛   食完餅乾同飲完維他奶   就咁直接瞓   我覺得佢成口都係菌   好恐怖 ~

今晚唔徑步喇   沖埋涼   睇多陣電視   11 點唔夠就瞓 lu ~

蕃茄洋蔥豬扒 + 蔥蒜旺菜 ( 19-FEB-2017 )

諗住仲有幾包四洲紫菜喺度   咁整黃蘿蔔壽司啦   點知原來里奧大人食哂啲紫菜   咁無計啦   唯有用手就咁搓到壽司型啦   點知原來係唔得   仲要黐到成隻手都係飯   咁我食埋喺手啲飯嘛   里奧大人 "乸" 住塊臉   好驚咁話 "唔好整啦   好似非洲人食嘢咁"   哈哈   我 Send 比阿 Mi 睇呢張相   佢以為係蕃薯   仲話好香甜添   哈哈 



唔忿氣呀   所以就咁用匙更 "北" 一下   壓到外型似壽司咁囉    最緊要包住條黃蘿蔔就可以了



( 19-FEB-2017  SUN )

今朝 9 點半鬧鐘響   里奧大人沖埋涼   我都起身 lu ~

里奧大人又問我仲瞓唔瞓   我話唔瞓喇   我之前成日眼腫腫   黑眼圈又勁   佢知我瞓得唔好   成日叫我瞓多啲   咁我瞓得唔好真係有樣睇家嘛 ~



奉獻完都走喇   去 CSL 問嘢   之後再去美心換 Cake   咁里奧大人要做公司嘢   我叫佢番屋企先   咁我可以慢慢行街市喇 ~   

去街市揀百香果   咁我唔識揀嘛   咁問檔主   佢幫我揀啲凹凸不平   肉肉酸酸嗰啲   佢話呢啲先甜喎   同埋我見之前有幾個師奶都係揀瘀瘀黑黑嗰啲呢 ~

$18/2 磅   我覺得好酸呀   不過有啲係無哂水份嘅

買完再去買洋蔥   其實好驚去街市買洋蔥   個個都甩皮甩骨咁   我要行幾檔先搵到靚啲   咁我見有檔都 OK   但爆哂皮   所以唔買   檔主話美國洋蔥係咁呀   爆皮先靚喎   咁信佢啦   之後佢又話洋蔥同人咁囉   人不可以相   唔好睇佢哋肉酸   實則係好嘢喎   真係搞笑   買百香果同洋蔥都係買啲外表唔靚先好味道 ~

買完番屋企   3 點幾食 Cake   食完就熨 2 機衫   熨到差唔多 4 點半   條腰勁痛   所以要抖陣先得喇 ~



唔想咁急急趕趕   所以 5 點半開始煮嘢 lu ~

是日晚餐 - 蕃茄洋蔥豬扒 + 蔥蒜旺菜  

蕃茄洋蔥豬扒 - 煮蕃茄洋蔥係悶啲   但有益嘛   所以我間唔中都煮呢 ~       

蔥蒜旺菜 - 尋日喺 AEON 買㗎   半個 $14.9   但估唔到份量咁多   煮完先醒起   應該學阿 Mi 切細片放入盒   留番再食   依家食菜都食飽咁   哈哈 ~

洗埋碗抖陣就出去徑步   之後番屋企開機洗衫   沖埋涼就休息喇 ~

11 點瞓覺   不過里奧大人話瞓唔着   所以又睇 "瑯琊榜"   唔理佢喇   我要瞓覺喇 ~    

黑椒三文魚骨腩 + 煎沙樂美腸 + 粟米蛋花湯 ( 18-FEB-2017 )

阿 mi 上年買比我嘅黃蘿蔔   5 月到期喇   所以快啲食埋去   咁今日都飽飽哋   當食涼果消消滯都唔錯   



( 18-FEB-2017  SAT )

今朝 7 點起身   沖埋涼就買個麵包比里奧大人做早餐   之後就同家姐食早餐喇 ~

食下傾下又 8 點 50 分喇   係時候要走喇   今朝遲咗 15 分鐘番到菇場   好在有同事遲過我咋 ~

家姐第一時間比生日利是比我

           




忙呀   做到 11 點半先搞掂 ~

上多陣網又 1 點   放工即走人喇   約咗里奧大人去 mega BOX 飲茶 ~

好耐無去呢間飲茶   覺得樣樣都好味咁呀   哈哈 ~

鮮蝦腐皮卷 - 好味呀   最緊要食完唔覺成口油呢
   

羅漢齋鴨掌 - 勁好味   我同里奧大人講話下次要再食
   


懷舊燒腩卷 - 勁耐無食喇   不過我嚿腩肉真係得啲肥膏咁囉   但見里奧大人果嚿有好多人㗎 



紅油抄手 - 啲汁酸酸辣辣正呀   但其實我麻麻哋雲吞   好驚全部係肥豬肉呀

春風得意腸粉 - 我唔夠飽   就叫呢個腸粉喇  



但原來係包住條春卷   飽到我哋呢 
    


千層薑汁糕 - 呢個超級勁正呀   夠薑味又煙韌   下次必食呀   哈哈




咁我個背囊好鬼重   我估係背囊本身重   加埋今日又帶相機   所以更重   里奧大人無啦啦話睇下我部相機魚眼鏡點用   初初無留意   後尾知啦   佢想幫我袋住囉 ~

飲完就去大眾睇書   里奧大人買咗幾本投資書就走人喇 ~

咁我想去 Ikea 買朱古力   不過我覺得好貴呀   接近 $70 一包   所以想再試食下先   如果真係覺得好食就會買   不過居然無得試食   衰里奧大人吖   特登行後我幾個身位   開定機偷拍我試食呀   衰 ~      

之後再睇埋背囊   最後就去 AEON 超市   咁我話買埋餸   今晚煮飯呢 ~

番到屋企都差唔多 5 點   抖多陣都預備煮嘢 lu   今晚煮辛辣麵比里奧大人食   我痴佢兩啖算喇   次次飲完茶都好飽飽滯滯咁 ~

是日懶餐 - 黑椒三文魚骨腩 + 煎沙樂美腸 + 粟米蛋花湯 

黑椒三文魚骨腩 - 原價 $20   依家特價 $18 就買啦   同埋個樣都好新鮮   如果喺 MP 買   起碼要 $40   所以 AEON 真係好抵 ~

煎沙樂美腸 - 試食咗先買   唔記得咩牌字添   但係香港制造㗎   味道真係唔錯   其實 6 條都要接近 $36   都唔係平喎   依家買香腸煙肉火腿呢啲真係好鬼貴囉 ~      

粟米蛋花湯 - 想快手清哂啲粟米湯呀 ~ 

搞掂哂就開機洗衫   之後沖埋涼就休息喇 ~

睇下電視   11 點鬆啲都瞓覺喇   今日好攰咁呢 ~

美心 Food 2 @ 九龍灣 ( 17-FEB-2017 )

黑椒美國肥牛肉板上燒 ($48) - 味道一般啦   



估唔到咁多蔥   正呀  



焗豬扒飯 - 塊豬扒好似用鬆肉粉醃過咁   因為口感係超級腍呀  



( 17-FEB-2017  FRI )

今朝等車等好耐   所以去到茶餐廳都好似   咁 8 卦問我喺邊   我話未到   佢話幫我叫埋嘢食   咁我無睇到 Whatsapp   以為佢無叫到   咁我一去到見有位就坐啦   好在個侍應叫我唔好坐咋   原來 8 卦坐咗喺入面   早餐都到埋添   如果我重覆叫咗就慘咯 ~



菇場忙呀   仲要煩到死   完全將啲嘢簡單複雜化   根本其實啲人就咁 C & P 就得   咁實無錯   但依家要我做   我又要搵資料   同埋佢哋比啲料又唔齊   仲要係錯   嘥哂我啲時間   所以真係忍唔住同 8 卦傾點樣做先最好   一日唔解決   問題永遠存在   始終又 Manual 打出來   錯嘅機會係好大   到時下下罰錢就仲慘 ~

Lunch Time 出去行陣先喇   要抖抖氣   之後去埋 7 仔買咖哩魚蛋烏冬就番菇場喇 ~



做呀做   做到差唔多 3 點先完   明明可以好快搞掂   但因為啲人懶   將責任推嚟推去唔願做   仲成日話自己好忙先衰囉 ~

放工番屋企等里奧大人   佢 7 點放工喇   咁去美心食嘢   食完就去姑奶屋企整嘢 ~

搞掂哂都 10 點幾 lu   拿拿聲番屋企沖涼喇 ~

睇多陣電視   11 點幾先瞓呢 ~    

住家飯 @ 姑奶屋企 ( 16-FEB-2017 )

又係蒸唔熟要翻蒸   咁樣仲嘥時間   其他餸已經凍   咁再等 5 分鐘   啲餸更加凍   唉   



梅菜蒸肉餅 - 個口感係超級腍   感覺係加咗好多水咁   好恐怖   



豆苗炒冬菇 - 其實味道唔錯   只可惜係凍呢        



蒜蓉炒西蘭花 - 都係好味   但可惜又係凍囉 

 

上次喺荃灣買嘅湯丸   我唔明點解咁早 "北" 定出嚟囉   到食完飯再食湯丸   啲湯丸都凍哂啦    我食咗 6 粒   其他叫里奧大人食哂去   之後佢講笑話當擋沙湯丸食啦   我話 Sorry 喎   擂沙湯丸係即叫即做   一定係熱㗎喎 

( 16-FEB-2017  THU )

好似無咁凍咁噃   但今日我都要着厚褸   哈哈 ~

早餐食奶醬多   咁茶餐廳好焗   但都接受到   不過食完就無啦啦打咗成 10 個噴嚏   再流埋鼻水   勁驚焗傷風呀 ~



番到菇場就即沖 Hot Lemon   好在無咩嘢做   可以抖下 ~

今日有 Lunch Box   好似 N 年無試過咁呀   哈哈 ~

其實有嘢做   不過真係唔想做   難得所有大粒唔喺度嘛 ~

放工去商場   里奧大人講明話夜放工   咁我去食麥記食包細薯條等佢啦   上年年底都係 $5/包   依家 $6/包喇   仲要唔熱添 ~



6 點幾坐到 8 點   好在唔多人咋   唔係真係要轉場 ~

諗住去廁所再行陣   點知里奧大人就打嚟話放工   今晚真係好夜下喎   哈哈 ~

食完飯都差唔多 10 點   沖埋涼   睇多陣電視就瞓覺喇 ~