黑椒金菇豚肉卷 + 忘不了蒸茄子 ( 26-OCT-2017 )

( 26-OCT-2017  THU )

今朝起身都 OK 精神   唔通天氣涼涼哋   個人想瞓耐啲 ?!   所以成日唔想起身 ?!   但最慘係又早瞓唔到   差唔多 11 點半先有啲啲想瞓   不過瞓唔到都照瞓㗎喇   始終第日要番工嘛 ~

早餐食餐蛋治   超勁 Heavy   所以食到一半已經唔想食   哈哈 ~



菇場忙爆啦   諗住 Hea 下都唔得添 ~

Lunch Time 仲未餓   所以出去行下   番到菇場 1 點幾   要食 Lunch 喇   今日食 K + 乳酪   食完有啲胃痛添   可能啲乳酪酸得滯 ~



仍然忙忙忙   好鬼攰添   所以放工即番屋企喇 ~

今晚里奧大人番香港   咁我番到屋企都即刻預備晚餐   諗住我食先   之後徑步   但搞掂哂都已經 7 點   咁我食飯先啦   差唔多 7 點半打比里奧大人   原來佢已經喺九龍灣   咁我要煮麵比佢食   即係要搞掂哂先可以徑步 lu ~

是日晚餐 - 黑椒金菇豚肉卷 + 忘不了蒸茄子 

黑椒金菇豚肉卷 - 用 5 塊豚肉包 1 包金菇   所以條條脹卜卜 ~    

忘不了蒸茄子 - 買咗 2 條茄子   蒸起上嚟咁鬼多   下次買 1 條算喇   今次好懶   用忘不了就咁蒸熟就算喇   辣辣哋好味道呀   下次食完會再入貨   咁我用 1 包金菇墊底嘛   因為買咗都成個幾星期   唔想擺咁耐   所以清埋佢啦   依家食金菇食到好驚   嗚嗚 ~         

8 點半去徑步   之後家姐 Whatsapp 我食咩   平時佢都會咁問   但之後再問有無食剩 ?!   我話講到好似想嚟咁   佢話真係想嚟喎   呵呵 ~

姐夫約咗朋友   所以家姐話上嚟傾下偈   佢仲買咗煎釀上嚟食   之後我再比個雪糕月餅佢食   因為佢次次都比我哋食   佢都無食過呢 ~

傾下傾下就 10 點 15 分喇   係時候走人啦   咁我送佢搭車   佢話諗住快啲上樓上即同我拜拜   但架車開得好快   所以拜唔到   咁又真係喎   我望住佢上樓上   之後架車都飛走了   真係好少開得咁快呢   哈哈 ~

里奧大人都瞓覺喇   咁我沖埋涼就上 Youtube 睇嘢   係睇 "爸爸去那兒" 呀   我都好驚訝自己會睇   哈哈   見到啲小朋友想講就講   想喊就喊   咁純真嘅表現   真係小朋友階段先做到   真係唔好講笑   有時大人都會從小朋友身上領會到啲嘢㗎 ~

今晚差唔多 12 點先瞓呀   好夜啦 ~      

麻辣串串香 @ 九龍灣 ( 25-OCT-2017 )

( 25-OCT-2017  WED )

感恩一覺瞓天光呀   尋晚都 Feel 到好攰   好在真係可以瞓到   唔駛碌來碌去先入睡呢 ~

今朝真係覺得凍咗呀  要着件薄外套番工   其實我係最怕夜晚放工凍   哈哈 ~

早餐食奶醬多   好耐無食   覺得好味道呀 ~



菇場忙呀   咁家姐 9 點 35 分用手機打比我   都覺得奇怪   明明今朝都係用公司電話打來家嘛   佢一打來就喊   原來診所打比佢   話 B 仔就來唔得呀   所以即刻趕去診所   我聽完之後   當堂無哂心機做嘢   嗚嗚嗚嗚嗚嗚 ~

11 點再問佢咩情況   佢話 B 仔走了   嗚嗚嗚嗚嗚嗚嗚嗚嗚嗚 ~

聽到呢個消息   真係忍唔住喊咗出來   明明尋晚睇條片   B 仔仲好好哋家嘛 ~

食埋 Lunch Box   想出去行下   順便問下家姐咩情況 ~

家姐話 B 仔抖氣真係好辛苦   個鼻窿都有血添呀   佢已經戴氧氣罩   但都吸得好大力   醫生到咗之後   話佢個肺有瘤   所以話佢真係好辛苦   條脷都無乜血色   問家姐打唔打針 ?!   嗚嗚嗚嗚 ~

護士叫家姐陪多 B 仔一陣   但佢都好辛苦   家姐話係咪都要打 ?!   寧願早啲打   等佢唔駛咁辛苦   聽到咁樣   真係喊死我喇   嗚嗚嗚嗚 ~

我都無乜心機   好在菇場都忙   唔駛亂諗嘢 ~

放工去九龍灣剪頭髮   行行下見到之前教會嘅傳道人   所以又傾咗 15 分鐘 ~

咁我今日真係好想剪頭髮   但表妹今日 Off   去開嗰度又 Full 咗   諗住去里奧大人剪開嗰間啦   點知又休息   係咪咁邪呀 ?!

諗住試下 $60 齋剪嗰啲   但寫明 10 分鐘   我又驚驚哋喎   我電咗髮家嘛   好驚佢哋剪到我髮尾齊輯輯   如果要有層次   10 分鐘內一定唔夠囉   雖然話修下頭髮啫   但剪得唔好   我又要再剪多次   咁即係仲貴 ?!   所以最後決定都係唔去喇 ~

想剪無得剪   嗰刻好徬徨呀   諗住去官塘啦   但 6 點幾會好塞車   咁行下行下先記得   我之前都有間相熟嘛   所以即去番嗰邊睇囉   但最後都係去另一間   因為想轉下師傅 ~

感恩剪得都唔錯   但洗頭水好刺鼻啦   所以應該唔會再嚟呢間 lu ~

里奧大人就慘啦   食完飯   7 點又要再開會 ~

咁去得寶食埋嘢就番屋企   番到屋企換對波鞋就去徑步喇 ~

徑半個鐘   之後熨衫   沖埋涼都已經  9 點幾   又要敷下 Mask   比家姐講完之後   我真係要密密敷 Mask 囉 ~

今晚里奧大人又要喺工廠過夜   好在依家打電話方便   同埋可以視像   咁我個人就放心好多呢 ~

睇多陣電視   11 點幾都瞓喇 ~

蒜蓉炒生菜 + 炒油麵 ( 24-OCT-2017 )

( 24-OCT-2017  TUE )

今朝里奧大人上大陸   佢出咗門口我就即瞓番 lu ~

早餐勁喇   食吉列豬扒餐   真係飽到上心口   下次 8 卦唔嚟真係唔會再叫呢個餐   搵自己來搞   哈哈 ~



菇場唔太忙   但所有大粒唔喺度   真係無心機做嘢囉 ~

Lunch Time 都未餓   同埋今日只係食個甜餐包   幾時食都得 ~

仍然 Hea 過   放工即走啦   平時都會坐多一至兩分鐘   但今日可以好瀟洒咁走   呵呵 ~

番到屋企抖陣   之後再飲碗湯   我唔知里奧大人星期一二唔番屋企食   如果唔係一定唔煲湯囉   隔夜再隔夜   唔鍾意呢 ~

6 點半開始煮嘢   煮得嚟都 7 點幾先食呀 ~

是日懶餐 - 蒜蓉炒生菜 + 炒油麵 

蒜蓉炒生菜 - 清埋 2 個唐生菜   又係連食兩餐   本來真係想就咁烚㗎   但又好似好悶咁   所以先炒咋 ~

炒油麵 - 星期日買㗎   諗住星期一食   點知里奧大人又唔番來食   咁我都唔想留咁耐   今晚煮埋去囉   其實我食咗一碗仔咋   其他留做聽日 Lunch Box   呢個係齋油麵   今朝食得太多肉   所以唔落肉去炒麵呢 ~

洗埋碗就去徑步   徑半個鐘就番屋企   沖埋涼就開機洗衫   之後食埋件芝士蛋糕   尋晚里奧大人特登留番比我食   不過食唔落   所以今晚點都要食 lu ~



睇多陣電視   10 點 45 分覺得有睡意喇   仲要係 Feel 到係一上床就可以瞓到嗰隻喎   所以都即去瞓喇 ~

腐乳唐生菜 ( 23-OCT-2017 )

( 23-OCT-2017  MON )

雖則話今朝急降到 21 度   但又唔多覺凍咗好多   可能呢幾日都係涼涼哋咁   呢啲天氣勁舒服   要是唔駛番工   日日行山都唔錯   不過就乾燥咗啲   唔係就正喇   哈哈 ~

早餐食芝腿治   咁 8 卦到咗先   我一嚟到   佢都示意我唔好坐咁近   因為佢感冒   但其實衰龍都唔舒服㗎   8 卦話佢坐 Shuttle Bus 就戴口罩   但番到菇場又唔戴㗎喎   真係好奇怪囉   同埋佢真係超級勁自私   佢次次一聽到人哋咳就好大反應   驚死傳染佢咁   但佢次次病又唔會戴口罩囉   勁衰格  ~



菇場唔太忙   但瞓得唔好   所以個人好攰咁 ~

Lunch Time 出去買車仔麵   買完又唔想食   同埋食到一半已經覺得好滯咁   可能食銀針粉啦   唉 ~



仍然 Hea 過等放工   番到屋企抖陣   之後就去徑步   因為仲係好飽囉    徑半個鐘就番屋企 lu ~

沖埋涼   差唔多 8 點先食嘢   今晚食 2 棵生菜同飲碗湯就算   估唔到咁樣都好飽下 ~

里奧大人同姑奶們食飯   食到 9 點幾就番屋企了   之後話公司啲同事又向人打毒針   所以同事真係好緊要   好似我之前個 Partner 咁   懶到出汁   成日開工瞓覺   比人感覺我哋部門好得閒咁囉   好在我做嘢快手   佢就永遠拖到最 Last Min 先做   如果唔係   啲人都覺得我係同一類人嚟囉 ~

咁聽日里奧大人又要上廠   真係傾完偈   等埋佢沖涼   同佢一齊祈禱   之後佢都要瞓喇 ~

我就 11 點半先瞓   呢排夜晚唔會話眼瞓   但瞓又瞓得唔好   可能擔心里奧大人工作方面   始終我真係幫唔到佢解決   我唯一一樣可以做嘅   就係不斷為佢祈禱   求神加力比佢呢 ~

打拋豬肉 + 合掌瓜粟米紅蘿蔔豬骨湯 ( 22-OCT-2017 )

我上網見到有人用雞肉   咁我都用雞肉喇   買急凍雞扒可以放入冰格   免治豬肉就唔可以放咁耐囉





( 22-OCT-2017  SUN )

今朝 9 點幾   里奧大人已經起咗身   其實我都醒咗   不過起身嗰下有啲頭暈   所以瞓到 10 點先醒呢 ~

沖埋涼就去食早餐   之後番崇拜喇 ~





崇拜完畢就去德福行下   食埋雪糕就去 MP 買生果   之後里奧大人番屋企   我就去買餸 ~

家姐比咗我 Haagen Dazs 雪糕 Coupon   咁快啲用埋佢   唔係又唔記得呢  



番到屋企都 2 點幾   里奧大人都瞓咗覺 lu   咁我就煲湯   搞掂哂就熨衫抹嘢   佢 4 點半都起身 身   到我抖喇   哈哈 ~

今晚 6 點飲湯   之後 7 點 15 分開飯   里奧大人成日話飲完湯就食唔到飯   所以多數早啲飲湯呢 ~      

是日晚餐 - 打拋豬肉 + 合掌瓜粟米紅蘿蔔豬骨湯  

打拋豬肉 - 新餸嚟㗎   所以真係跟足步驟煮呢   里奧大人話好味道   不過就辣咗啲   我其實只落咗 1 隻指天椒咋   我都覺越食越辣   但唔辣又唔似泰國菜喎    呵呵 ~            

合掌瓜粟米紅蘿蔔豬骨湯 - 好耐無煲呢個湯   依家天氣乾燥   都係要煲啖湯飲下 ~

搞掂哂就去徑步   姑奶唔係咁舒服   所以里奧大人都去佢屋企陪佢   我就唔去喇   我要去徑步呢 ~

徑咗半個鐘   番到屋企再拖埋地   咁都已經 9 點半   敷埋 Mask 就休息咯 ~

掛住上 Youtube 睇嘢   差唔多 12 點先瞓呀 ~

大快活 @ 九龍灣 ( 21-OCT-2017 )

正宗肥牛啦   哈哈   不過咁都好   好易咬嚿肥膏出來    



我要辣雞湯底   無味唔緊要   最緊要有指天椒同蒜蓉同豉油就夠了   



里奧大人好開心咁話要叉燒糯米飯   個糯米飯好煙韌呀   但又好似帶點生生哋咁

( 20-OCT-2017  SAT )

今朝里奧大人幫水姑搬屋   所以 6 點都要起身喇   咁我都起身去廁所嘛   之後佢笑住話發夢見到我   係拍拖時嘅樣同身型   咩料呀   嗰次我比番瘦嘅相佢睇   又話我個樣好串   真係咩都佢講哂   之後我話幸福嘅人   每年肥 1.5 Kgs 㗎   所以我依家咪咁身型囉   你應該開心先啱啦 ~

佢出完門口   其實我都瞓得唔係幾好   始終我 7 點半又要起身   我應該 7 點 10 分先瞓番   但瞓得 20 分鐘又要醒 lu ~

今朝同家姐食早餐   兩星期無同佢食早餐喇   所以今朝零舍開心呢 ~



傾傾下偈   佢無啦啦話: 阿妹   妳塊臉咁多紋嘅 ?!   我話係呀   笑就多紋啦   之後佢話: 唔係喎   係塊臉唔笑都有紋喎   咪嚇我好喎姐姐   今朝里奧大人話我肥   妳又話我有紋   雙重打擊啦   嗚嗚   好在之前買咗 Mask 啫   真係要密密敷先得了 ~

食到 8 點 45 分就去搭車   番到菇場 9 點 10 分 ~

菇場其實有嘢做   不過無 Mood 做囉 ~

里奧大人同姑奶 & 水姑朋友一齊飲茶   咁我放工都 Join 埋佢哋   好怕喺菇場附近打的   次次要等好耐   今日算好喇   等咗 5 分鐘就有車 ~

去到酒樓   佢哋都走喇   要幫手執嘢   咁我同里奧大人就繼續食啦 ~

佢哋食剩咗啲雞同豬扒   咁我食埋啦   再叫份薑蔥牛柏葉   因為我想食熱嘢呀  



食完去水姑舊屋清潔   我同里奧大人講囉   我幫佢清潔   係挑戰人體極限   但其實只係吸塵   不過我講明一定一定唔會幫佢抹嘢同清洗廁所   唔明點解一個女人間屋可以咁超級勁污糟   里奧大人直頭話佢間房有幾條細細地嘅虫添呀   好恐怖呀 ~

整完舊屋   又要搬番啲嘢去新屋   都已經 5 點 45 分   勁攰呀   不過里奧大人慘啲   次次都搬到出哂汗   加上又早起身   所以佢搬完之後   行得都好慢   真係好攰呢 ~

咁去到大快活   同水姑交收鎖匙   佢話係咪搞掂哂 ?!   里奧大人話搞掂哂舊屋   新屋無搞過   水姑好大反應話: 乜你哋唔係幫我入埋好哂啲櫃桶㗎 ?!   里奧大人話根本入唔到屋   點搞 ?!

佢走咗之後   我同里奧大人講話佢講埋啲嘢令人好反感   間屋係妳㗎   啲嘢係應該妳自己執   唔係旨意人哋執囉   不知所謂   其實之前里奧大人都話叫佢叫啲兒甥幫手   佢自己又唔叫   如果唔係就可以好快搞掂啦 ~

食食下嘢又叫里奧大人買界刀   里奧大人話用較剪開箱咪得囉   之後打嚟又話好難 Cut   麻鬼煩   所以里奧大人最後都幫佢買再拎去佢屋企   話費事煩 ~

咁繼續食嘢啦   里奧大人一有電話響   都未睇來電顯示就嗌咗一聲先   佢都好驚聽水姑電話囉   我覺得妳叫人幫妳手做嘢   唔該有啲系統啦   唔係想到咩就叫人買咩   人哋唔係 Stand-by 等妳   之後仲叫里奧大人幫手做其他嘢   里奧大人話今晚唔得   因為好攰呀   真係黐黐哋   妳自己無幫手搬到屋都算   仲好意思叫個細佬做咁多嘢   真係好不知所謂囉 ~

食完就即走   此地不宜久番也 ~

里奧大人拎咗個新焗爐同企身熨斗   但一開個焗爐已經生哂锈   真係浪費哂   我都叫佢走盒啦   咁就一早見到個焗爐唔用得   唔駛特登打的番屋企嘛 ~

拆哂啲盒就即掉喇   之後拖地   沖涼就即洗衫洗鞋底   里奧大人笑哂話學佢咁洗鞋底   我話頭先去過咩嘢地方先得㗎大佬 ?!   之後佢都忍唔住笑 ~

里奧大人沖埋涼   睇多陣電視   8 點半都瞓覺喇   佢真係好攰呀   我就 10 點 45 分瞓呢 ~

麻酸樂米線專門店 @ 九龍灣 ( 20-OCT-2017 )

( 20-OCT-2017  FRI )

今朝起身   隻腳抽筋呀   即刻叫里奧大人幫我鍊一鍊   我好怕腳抽筋嘅感覺架   好痛咁呢 ~

之後里奧大人話發夢我肚痛   個肚變到好大好大   但點都唔睇醫生   激到佢死死下喎   真係次次發夢我都係唔方好嘢囉 ~

買完支寶礦力先去食早餐呀   費事一陣行來行去 ~

  

菇場忙爆呀   所以勁想去旅行休息下   唔想成日對住部電腦呢 ~

今日有 Lunch Box   高妹話見到得啲餸   仲以為我會叮個米粉   不過我話食冬菇同金菇都好飽肚   所以唔駛叮米 lu ~

都唔明點解叮完出來咁多油囉   恐怖 
   


仍然忙爆肺   之前肥豪叫我幫手 Input Data   咁好啦   特登抽一日時間同佢 Input Data 啦   但仲有好多未 Input   點知佢無啦啦 Skype 我話唔駛 Input 住   佢搵到個更好方法   但仍試驗中   我即話好呀   佢話知我 Input 得好苦   我覺得佢形容得好好笑   但仍都想話佢早響啦   嘥咗我成日時間   之後又要 Input 番同一樣嘢   最鬼憎囉 ~

個肚仍然扭毛巾咁痛   半個鐘扭一次   好在最後去到廁所咋   感覺無哂啲菌   同埋之後個肚都唔痛 lu   不過點都要睇醫生囉   好驚聽日又係咁 ~

里奧大人 4 點喺葵興見客   咁今晚我都唔煮飯 lu ~   

放工即去睇醫生   原來係腸胃炎   醫生問咗 2 次駛唔駛聽日病假紙   我話唔駛   佢好似好出奇咁 ~

感恩 6 點 10 分睇完   里奧大人都差唔多到九龍灣喇   佢一知我腸胃炎   就話唔食辣唔食炸嘢去食粥   唔好喇啩   我唔食病人粥呀   所以去食米線   呵呵 ~

食完行陣先番屋企   個肚間唔中又搞下   勁驚 ~

唔敢去徑步   咁就熨埋 3 機衫當做運動啦   依家天氣涼涼地真係好唔錯   熨咗 3 機衫都唔覺熱 ~

里奧大人今日同新同事阿水嘈呀   真係完全難以相信   不過個新同事又係衰嘅   之前開會就同另外個同事傾偈   問佢嘢就話有人搵佢要出去   食飯又食個半鐘   擺明玩嘢囉   咁里奧大人發完火之後   條友又打圓場話請里奧大人食 Lunch   見到妳都憎啦   仲同妳食 Lunch 咩 ?!            

沖埋涼就休息喇   睇多陣電視   11 點半都瞓   反而里奧大人仲睇緊戲   咁都好   起碼叫 Relax 下嘛 ~