皇城餐廳小廚 @ 紅磡 ( 21-NOV-2020 )

生炒骨飯 ($45) - 好味呀   已經少飯都咁多飯

雜錦西炒飯 ($45) - 食剩一大半   所以留番聽晚食

( 21-NOV-2020  SAT )

今朝同里奧大人一齊 8 點 15 分起身   我梳洗後就等食早餐喇 ~

里奧大人本身番中午   但公司有活動   所以 10 點半要番到公司 ~

難得我 Off   反而要 9 點半出門口   好在一陣可以早啲見佢咋   哈哈 ~

食到咁飽   因為今日要體力勞動 ~

今日難得喺屋企   所以一於大清潔屋企   再執廚房同大清潔廁所   搞掂哂就即刻沖涼 ~

話咁快又已經 1 點   咁就做咗 3 個半鐘家務   好在今朝早起身咋 ~

諗住抖下   點知家姐打嚟傾偈   傾咗半個鐘   之後我真係要抖喇   哈哈 ~

2 點半食嘢   食完又要抖   隻手好痛呀 ~ 

喺馬莎買嘅脆皮餐包   只係 $19   仲要好味道   有機會一定再買

一個人食真係好求其   本身個包面焗到燶哂   我刮走啲燶咋

抖到 3 點半就即出門口   訂完煤氣爐就即去教會   因為我送口罩托比教牧同工   要麻煩同工幫手派呀 ~

本來諗住去里奧大人公司買麵包比佢啲同事   但我驚呢啲時間嘅麵包唔新鮮又選擇唔多   所以都係喺太子餅店買麵包算喇   里奧大人叫我買 6 個   咁我買夠 8 個啦   但原來買 2 送 1   咁就梗係買 9 個啦   哈哈 ~

買完收到里奧大人電話   嗰下勁驚啦   心諗唔係唔駛買呀嘛 ?!   估唔到真係叫我唔駛買呀   佢話同事自己去買   不過我話已經買咗喇   一定要等我   最慘我去到巴士站係睇住部巴士駛開   真係最鬼激氣呀   哈哈 ~

感恩等 6 分鐘就有車   好快去到里奧大人公司 ~

去到即叫里奧大人拎包呀   之後佢哋都要做嘢   我就同陳老大傾偈   傾咗 1 個鐘   之後要番崇拜喇 ~

崇拜完畢就幫手   之後等里奧大人放工 ~

8 點幾終於放工   可以去食晚餐喇 ~

食完都即番屋企喇   沖埋涼就休息   今日好鬼熱呀   所以有啲攰 ~

教會同工請我食㗎   可能見我送口罩托比佢呀

睇埋半 Part 新聞    11 點 15 分都瞓 lu ~

小王牛肉麵 @ 九龍灣 ( 20-NOV-2020 )

鹽酥雞扒麵 ($60) - 食咗 1 件雞扒咋   所以最後要打包啲雞扒

半筋半肉麵 (養生牛骨湯) ($60) - 里奧大人話幾好味   咁要揀湯底同埋配料   我一路問里奧大人要咩   但一路自己幫佢揀   我自己都忍唔住笑   哈哈

鮮肉小籠包 ($22/2 件) - 一般啦   無咩肉汁

( 20-NOV-2020  FRI )

感恩一覺瞓天光   如果日日係咁就好喇   嘻嘻 ~

呢排都早一班車番工   我估以後都應該係咁 ~

仍然買奶醬多   但今日件多士好乾   食得比較辛苦 ~

9 點準時開工   因為超級勁忙   忙到 12 點 50 分呀 ~

今日老闆請食午餐   因為今年疫情關係而取消春茗   其實唔講都唔記得今年無春茗 ~

仲有春茗入場嘅利是一封   呢下真係好有驚喜喇 ~

上湯波士頓龍蝦伊麵 & 梨山醬汁骨 - 個骨好味呀   同埋份量都好多   但送伊麵就唔夾喇   哈哈

咁 Admin 話呢餐係春茗飯   我以為講下年   之後溫總話今年年頭無搞春茗嘛   我真係完全唔記得   最搞笑家姐話今年食兩餐春茗飯   我仲話係添   哈哈 ~

忙咗一陣又等放工   今晚去訂煤氣爐   所以唔煮飯喇 ~

放工去九龍灣行陣   我去馬莎睇麵包   買咗 Pack 脆皮餐包就走喇 ~

之後再去 Market Place 睇嘢   差唔多走嘅時候   聽到有個女人比人偷咗個手袋   報警之後就喺度等警察   希望佢搵得番個手袋啦 ~

行完 MUJI 諗住再周圍行   點知里奧大人打嚟話到咗德福   原本已經 6 點 45 分   真係掛住行到連幾點都唔知   哈哈 ~ 

今晚見到里奧大人個樣好攰呀   真係心都痛埋   希望快啲到 12 月就可以請假抖下 ~

快快食完就去訂煤氣爐   但又唔肯定個 Size   所以都係番屋企睇咗先   聽日再訂好過 ~

我同里奧大人講話想做一啲好激嘅嘢   里奧大人話係咩 ?!   我話想飲珍珠奶茶   哈哈   估唔到佢話飲啦   又唔係成日飲 ~

不過飲咗 1 啖之後   都係拎番屋企飲好啲   成日唔記得自己戴住口罩唔飲得嘢   哈哈 ~

番到屋企即沖涼   之後都休息喇 ~

我好鍾意食呢兩款零食   但賞味期限好短   所以每次最多只買 2 包

睇多陣電視   11 點幾都瞓   但里奧大人仍然做緊公司嘢 ~

咖喱醬焗雞全翼 + 臘鴨肉蒸節瓜粒 ( 19-NOV-2020 )

連埋蔥花一齊蒸

( 19-NOV-2020  THU )

今朝里奧大人又話涼咗   但我仍然覺得好熱喎 ~

呢排里奧大人成日話好涼   我又覺得熱   諗緊可能喉嚨唔舒服熱氣   但好番之後都熱   唔通潮熱 ?!   係就快喇   十分期待 ~

早咗一班車就去麥記買早餐   行到番菇場真係想出汗 ~

我見阿齋係咁撥 File   佢話好熱呀   今日成 30 度呀   原來唔係得我覺得熱   哈哈 ~

超級勁忙真係勁開心   但今日有啲攰   所以都唔快得 ~

Lunch Time 一到就去買菠蘿叉燒包   今日唔想行咁耐呀 ~

1 點準時開工   仍然超級忙 ~

4 點 50 分開始 Send Email   因為要 Send  75 份文件   我真係一路 Send 一路望住電腦個鐘   感覺好似啲特務入房 Load 資料咁   勁緊張呀   終於 5 點 28 分搞掂   去埋廁所即放工 ~

其實我又可以唔駛咁趕   但又好想做哂啲嘢又可以準時放工咁啫 ~

放工即走   感恩好快有車 ~

喺群組傾偈   阿 Mi 話今日熱到好似夏天   咁真係熱啦   做咩里奧大人話涼㗎   佢應該係潮凍呀   哈哈 ~

番到屋企即沖涼   之後煲雪梨蘋果茶同預備晚餐 ~

是日懶餐 - 咖哩醬焗雞全翼 + 臘鴨肉蒸節瓜粒

咖哩醬焗雞全翼 - 里奧大人非常鍾意食   真係好難得架   一年可能得幾次咁比面咋   哈哈 ~

臘鴨肉蒸節瓜粒 - 尋晚食剩臘鴨肉   今晚切粒   節瓜有鹹香 ~

洗埋碗就沖涼   之後休息喇 ~   

今晚 11 點都瞓   仲要開冷氣瞓添喇 ~

臘味拼盤 + 清甜旺菜 + 芫茜皮蛋魚片湯 ( 18-NOV-2020 )

( 18-NOV-2020  WED )

我覺得呢幾日天氣好潮濕咁   估唔到秋天都有呢啲感覺 ~

今朝里奧大人話涼咗好多   我話真係唔覺喎   沖完涼都想出汗咁 ~

又早咗一班車番工   但仍然只想食奶醬多   因為唔係咁餓 ~

今日要飲雞骨草清熱   咁呢兩日食喉糖   又飲念慈奄清熱酷同下火湯   唔好暈就得喇   哈哈 ~

菇場忙咗陣又可以做自己嘢   不過個人好攰   只想坐喺度 ~

Lunch Time 出去買粉果+炒麵   好想食熱嘢呀 ~

諗住唔忙   點知 5 點先嚟有 Urgent 嘢   好在放工前啱啱好搞掂咋 ~

放工即走   番到屋企即沖涼   之後預備滾湯   搞掂就拖地 ~

里奧大人 7 點番到屋企   今次要佢沖埋涼先有得食   哈哈 ~

今晚好熱咁呀   所以要開冷氣   11月仲開冷氣其實有啲誇張 ~

是日懶餐 - 臘味拼盤 + 清甜旺菜 + 芫茜皮蛋魚片湯

臘味拼盤 - 我覺得何培記嘅臘腸 OK   反而鵝肝腸就好味   臘鴨肶肉都過期好耐   但我蒸嘅時候聞唔到有 "益" 味   所以可以食   但我覺得好鹹同好咬口   我相信係因為此日期後食用最佳   哈哈 ~

清甜旺菜 - 今晚唔係咁想食菜   只煮咗半棵 ~   

芫茜皮蛋魚片湯 - 我次次都買兩份材料   咁今晚都要煲埋去喇 ~

洗埋碗就沖涼   之後休息喇   雖然今晚只係蒸嘢   但都好攰咁 ~

里奧大人 8 點半開會   9 點 40 分就開完   之後一齊睇 "木棘証人" ~

今晚有啲攰   11 點鬆啲都瞓覺喇 ~

韭菜餃拚菜肉餃 (外賣) + 芫茜皮蛋魚片湯 ( 17-NOV-2020 )

叫家姐幫我喺優品 360 買嘅泰國綠豆粉絲 ($26.9) & 翠宏紅油拌料醬 ($40/2 樽)   真係超級抵呀

( 17-NOV-2020  TUE )

感恩一覺瞓天光   里奧大人鬧鐘響   我都起埋身喇   咁就可以搭早一班車 ~

雖然多咗時間食早餐   但唔太餓   所以都係買奶醬多算喇 ~

菇場忙呀   話咁快就 11 點 45 分 ~

出去行陣再買牛雜河番菇場食   食完辣油就覺得喉嚨又唔舒服   真係抵死喇 ~

菇場仍然忙   但放工前就做哂所有嘢   無牽無掛   哈哈 ~

放工去街市買餸   6 點幾先番到屋企   沖埋涼就預備晚餐 ~

里奧大人 6 點半放工   但番到嚟沖埋涼都未食得住   我見到佢食提子   即刻叫佢唔好再食   因為啲提子未洗   佢話有啲水㗎喎   咁確實係似洗咗嘅   但我叫佢記住   我洗咗先會叫佢食   無叫等如未洗囉   我知道佢應該係肚餓   因為佢好少會偷食   哈哈 ~

是日懶餐 - 韭菜餃拚菜肉餃 (外賣) + 芫茜皮蛋魚片湯

韭菜餃拚菜肉餃 (外賣) - 今晚要快   所以買水餃做晚餐   用旺菜墊底   一次過煮埋就勁方便 ~

芫茜皮蛋魚片湯 - 我覺得個人好熱氣   即買材料滾湯 ~

洗埋碗就開機洗衫   沖涼就休息   抖陣再食生果 ~

里奧大人熨衫   我就睇 "木棘証人"   之前有幾集無睇   今晚再睇番 ~

今晚 11 點都自己瞓先喇   呢排個人作病咁   都係早啲瞓好 ~        

堅信號上海生煎皇 @ 九龍灣 ( 16-NOV-2020 )

堅信號生煎包 4 個 ($36) - 個底好脆   但里奧大人話個皮比較厚身   我話唔知正宗係咪咁呢 ?!   

回鍋肉粗炒 ($65) - 里奧大人話食㗎   但我覺得味道麻麻哋   哈哈

酸辣湯雲吞 6 隻 ($42) - 我要落醋先感覺到酸味

( 16-NOV-2020  MON )

感恩一覺瞓天光   咁就有番啲精神喇 ~

早餐食腿蛋治   我講埋熱啡少奶走甜之後   阿姐問今朝唔烘底 ?!   我都諗咗一下先答唔駛   依家食芝腿治先烘底   因為咁樣芝士先會溶   哈哈 ~

菇場忙咗陣   可以做自己嘢 ~

里奧大人話今朝去完姑奶屋企拎完嘢就番工   我以為自己 Get 錯呀   哈哈   不過我相信佢啲嘢真係做唔切 ~

Lunch 食燒賣+腸粉   突然間好想食啲濕濕哋嘅嘢 ~

諗住抖到放工   但 4 點幾先嚟勁忙   好在一個鐘就搞掂 ~

放工即走   因為遲咗少少走   所以就同里奧大人一班車去九龍灣喇 ~

好想食生煎包   所以同里奧大人去堅信號食晚餐   感恩有卡位   因為闊落好多㗎 ~

我食食下就望見里奧大人件裇衫有好多水漬咁   之後再認真望係啲肉汁呀   彈到半邊衫都係呀   居然連格甩底附近都有一大撻肉汁   咁都算   最離奇係放喺隔離嘅紙袋同背囊底部都有囉   咁一揹上身   腰嘅部份都會污糟啦   真係唔明佢點解可以食到咁   唔係我睇到   佢都唔知   其實應該問問佢係咪覺得個生煎包無肉汁 ?!   實情係比佢整哂出嚟   哈哈 

食完行陣就番屋企   真係好邪   我諗住今星期一開始徑步   但就肚屙   可能飲咗玫瑰花茶   因為好耐之前又係咁   無啦啦飲完屙幾次 ~

沖埋涼就開機洗衫   之後熨幾件衫就要比里奧大人熨喇   因為有啲熱   我唔想熨完又沖多次涼呀 ~

繼續追劇   今晚 11 點幾先瞓 ~

星州炒米 (外賣) ( 15-NOV-2020 )

我 Whatsapp 比家姐睇   之後即打嚟話個麵包比佢切成咁   因為唔知道要影相呀   我話無問題喎   都係做個記錄之嘛

( 15-NOV-2020  SUN )

今朝 6 點 15 分起身   因為要去里奧大人公司幫手 ~

食完早餐就番公司   里奧大人啲同事見到我都好出奇   無諗過我咁早出現 ~

我真係諗住唔駛點幫手   但原來係好忙   仲有突發事發生   好在好快搞掂   之後無咁忙就同啲同事傾偈   所以時間好快過 ~

我今日真係好開心   因為好多時間見住里奧大人呀   所以佢啲同事個個都話我好好   成日嚟幫手   咁幫手真係第一嘅   見到里奧大人就當 Bonus 啦   有時幫手嘅時候   我都全程見唔到佢㗎 ~

差唔多 1 點就要去食午餐   因為里奧大人 1 點 45 分要開會 ~

咖哩焗雞扒炒飯 ($50) - 好味呀   但食完呢個飯都飽哂

我食咗半碗仔咋   所以要打包   之得叫件多士算啦

今日真係知道里奧大人喺公司係好忙好忙   好多時候都聽唔到我電話   我有時都嬲㗎   但今日真係切切體會到佢真係好忙   全日周圍走   仲要個個都搵佢傾嘢   真係水都唔得閒飲   我直頭覺得時間係唔夠用   所以經過今日   我要好好體諒佢工作嘅辛勞 ~

食完就去家姐屋企   我覺得好似整定咁   因為姐夫今日唔得閒   咁啱里奧大人又開會   我又可以陪下家姐   但佢今日要去糟糟屋企拎臘腸   所以我自己去家姐屋企先   好過我喺屋企等佢車我啦   我又可以早啲見 Berry ~

感恩好快有巴士   2 點半已經到家姐開企 ~

我一開門   Berry 即縮入梳化底   之後我一入屋   佢先慢慢爬出嚟   再高音怪聲咁叫   又係咁撲我 ~

一影相就咁

佢真係咁樣望我㗎   明明可以正面望我的   唔通佢覺得我好煩 ?!

食緊去尿味嘅餅乾

大肥婆呀   係咁肥就好啦

我將對腳貼住佢個身   佢細細個實會黐埋嚟㗎   依家無可能   哈哈   

佢眼瞓呀   所以我係咁摸佢   等佢瞓覺

瞓喺自己隻腳上面   勁

之後又上梳化瞓

瞓得好林喎

佢一郁   我就伸對喺佢前面   等佢托住我對腳瞓呀   我好鍾意咁㗎   不過佢只瞓咗一陣

家姐 3 點幾番到屋企   Berry 就未停過周圍走   頭先明明好眼瞓㗎噃 ~

抖陣就食蛋糕   順便比家姐試里奧大人同事嘅自家制麵包   我真係成日想佢試下㗎   佢試咗少少   話啲麵包都好味   同埋好飽肚 ~

勁為食

想咬張紙出來

糟糟特登喺英國訂比家姐嘅聖誕禮物   佢真係好錫家姐

食完就煲雪梨羅漢果茶   搞掂哂就抖下   我開始有啲攰喇 ~

妹妹 5 點幾嚟咗   又係飲汽水同打機   真係好似放監咁   哈哈 ~

里奧大人 6 點左右放工   咁我都走喇 ~

番到屋企即沖涼   今晚只係炒熱啲星州炒米就搞掂 ~

洗埋碗都休息   之後睇電視 ~   

我 10 點半就瞓喇   里奧大人以為我唔舒服   哈哈   我話今朝早起呀   依家真係好攰喇 ~