粟米龍脷柳 + 潺菜鹹蛋肉片湯 ( 15-aug-2010 )

( 15-aug-2010 sun )
尋晚睇完 "証人"   都預咗自己會發惡夢   點知仲打孖上   里奧大人仲話我嗌咗兩聲添呀   不過我喺夢中真係嗌咗兩聲架   唉   所以瞓得都唔係咁好囉 ~ 
其實 8 點幾醒咗   不過懶床懶到里奧大人起身為止   都差唔多 10 點先起身   梳洗之後就出去食早餐喇 ~  

食完抖個幾鐘就去跑步   番完屋企沖涼再出去睇傢私同 lunch   番到屋企都 4 點 lu ~ 
吉列魚柳雜菜沙律干炒牛肉意粉招牌凍咖啡
抖到 6 點就煮飯   煮埋今晚就收爐喇 ~ 
是日懶餐 - 粟米龍脷柳 + 潺菜鹹蛋肉片湯
粟米龍脷柳 - 特登清埋條龍脷柳架   里奧大人叫我唔好再買嘢   我都無買好耐嘢啦 ~  
潺菜鹹蛋肉片湯 - 之前買咗斤幾潺菜食唔哂   所以呢日再煲埋   唔好浪費嘛 ~ 
食完飯又同里奧大人買嘢   諗住去去開果間家品店買嘢   點知執咗喎   之前好似仲收緊會員架喎   仲要比 $250 添架   唉   依家好似間間舖頭一收會員   無幾耐就執咁嘅   好在我唔係佢會員咋   呢單嘢又令我記得 N 年前好興派報紙上門   點知比咗幾百蚊之後   佢無啦啦執咗喎   呢單嘢上埋報紙架   我仲打去警告備案   仲記得第一句就同警察講我比人呃錢呀   之後我喺度笑   個警察又笑埋一份喎   之後我登記完即收線   覺得自己好似痴線   第一句同人講比人呃錢   唔知以為呃妳十萬九千七呀   哈 ~