醬爆牛肉 + 菜心苗 ( 28-MAY-2024 )

( 28-MAY-2024  TUE )

尋晚熱醒咗呀   條頸出哂汗   之後望個鐘係 1 點   但里奧大人仲未瞓   我就諗住抹住汗就去沖涼   但抹完又好快瞓着咗 ~

又係鬧鐘未響就醒   但今朝個人好攰   要瞓到鬧鐘響為止 ~

本來今朝係焗麵包   不過唔想整   所以同里奧大人出去食早餐算喇 ~

平時我食三文治都要大火   但今次係最似樣   哈哈

菇場忙咗陣又可以抖下   咁啱家姐打嚟   又傾咗半個鐘頭電話   傾完就突然有 Urgent 嘢做   所以變咗勁忙 ~

Lunch Time 無出去呀   阿齋話係奇境   因為我話好攰   出面又勁熱   所以咪唔出囉   又可以食 Flakes 午餐   之後佢好快講話係咪就到期 ?!   我話下個月中先到期呀 ~

日版係脆好多   同埋啲果實都多啲咁

仍然勁忙   忙到 3 點幾就搞掂   可以 Skype 到放工喇 ~

放工即走   番到屋企見燈同冷氣開哂   以為里奧大人又唔記得熄   但原來佢頭先番咗嚟   不過之後有急事要番公司   所以唔熄喇   因為知我差唔多時間番到屋企呢 ~

是日晚餐 - 醬爆牛肉 + 菜心苗

醬爆牛肉 - 之前買咗京蔥   所以煮呢個餸喇   第一次整㗎   里奧大人話好味道   不過其實呢個餸係好易煮   哈哈 ~

菜心苗 - 好在今晚點都要食咋   因為個雪櫃又令到啲菜變咗冰菜   所以我掉咗 7 條呀   如果聽晚食   可能全部要掉添呀 ~

洗埋碗就開機洗衫   之後沖涼休息   里奧大人本來話做運動   不過最後話好攰唔做喇   所以就幫手熨衫 ~

睇埋 "繼承者" 同福寶   今晚都係 10 點半瞓   每月一到令到個人好攰   有時 10 點已經想瞓添呀   不過驚太早瞓   半夜起身瞓唔番就慘囉 ~