茄汁蝦球 + 鮑魚仔扒高原上海青苗 ( 17-MAY-2024 )

( 17-MAY-2024  FRI )

感恩一覺瞓天光呀   仲要係完全係熟睡狀態呀 ~

里奧大人問係咪戴咗耳塞瞓好啲 ?!   呢樣係真嘅   同埋最主要係佢無鼻鼾聲   否則我都會醒囉   之後佢話比鼻鼾聲嘈醒 ?!   我話當然係有聲先會被嘈醒啦   又會問得咁奇怪嘅 ~

早餐食朱古力吐司 + 香濃車打芝士條   吐司口感係好 Soft 呀   呢兩款應該會再買嚟食呢 ~

菇場超級勁忙   咁我喺 Pantry 斟水   BG 掂到我前手臂   問我係咪唔舒服 ?!   我話我不嬲係咁熱㗎   掌心仲熱添呀   哈哈   佢話佢都係好熱   但無我咁熱喎 ~

Lunch Time 出去食水餃上海麵   食完行陣再去買菜   買完都番菇場喇 ~

家姐話可唔可以撥開啲蔥   哈哈   佢真係好憎食蔥㗎

我同家姐講話 Berry 望住佢   個樣特別慘   家姐話唔係呀嘛

10 分鐘之後就背住佢   哈哈

仍然超級勁忙   差唔多 5 點先搞掂   阿蟲今日好客氣喎   因為佢做錯嘢就係咁   其實唔係佢   我唔駛搞咁耐囉   不過今日真係勁充實嘅   我都好開心   哈哈 ~

放工即走   里奧大人明明話放工   但番到屋企又唔見佢   原來又係比人捉住   傾到 6 點 20 分先走   好在我今晚都要啲時間煮嘢 ~

是日晚餐 - 茄汁蝦球 + 鮑魚仔扒高原上海青苗

茄汁蝦球 - 終於清哂包蝦球   不過我仍然會買   哈哈   整茄汁餸真係好方便   感恩今次都整得好好味呀 ~     

鮑魚仔扒高原上海青苗 - 水姑比嘅雞汁溏心一口鮑   其實個汁都幾好味嘅   里奧大人話做咩唔開多罐呀   我話唔駛喎   我可以唔食呢 ~

洗埋碗就整沙律   搞掂就開機洗衫   之後沖涼休息喇 ~

今次材料只係 2 個大富士蘋果 + 5 條小青瓜 + 1 罐粟米 + 2 條即食蟹柳

仍然 "家族榮耀之繼承者"   睇完又睇 Youtube   今晚 10 點 40 分都瞓覺 lu ~