蒜頭豆豉蒸排骨 + 蠔油菜心苗 ( 26-MAY-2024 )

中午食剩嘅鹹魚雞粒炒飯   但其實仲剩半盒就留咗比里奧大人做 Lunch Box   因為我今晚唔餓呀

( 26-MAY-2024  SUN )

尋晚半夜去完廁所   之後好難瞓得番呀   依家一係好好瞓   一係就瞓得唔好   真係好難搞   哈哈 ~

今朝要去里奧大人公司幫手   所以一齊出去食早餐喇   好似好耐無同佢星期日食早餐咁 ~

食完就去幫手   再陪阿妹食早餐   之後又要去幫手了 ~

差唔多 10 點 45 分就走人   咁買埋菜同生果同麵包就番屋企喇   諗住買完就番崇拜   但無諗過條街咁焗熱   我個背脊係濕哂   所以要拿拿聲沖涼洗頭   之後先可以番崇拜呢 ~

崇拜完畢就番屋企先   咁順便可以拻大樹菠蘿   哈哈 ~

我買咗 1 件大樹菠蘿   只係 $38 咋   起碼有 15 粒仲要係大大粒   咁我寧願自己慢慢拻喇   

里奧大人 1 點幾放工   咁同佢食完午餐就去番學喇 ~

肉絲炒麵 - 想食好耐啦   呢間味道都 OK

其實唔餓   但費事叫一個餐咁肉酸囉   我又唔想食多士   咁叫多碟鹹魚雞粒炒飯啦   里奧大人食咗一碗仔咋   所以又要打包做晚餐

雖然課程係 2 點半開始   但我哋 2 點左右都去到會場   真係好在早去咋   因為已經無咩位呢 ~

今次嘅 "關懷探訪課程" 真係好值得參加   始終我哋唔係專業社工   講嘅用詞同語氣真係會有啲唔同嘛   感恩今次導師教得非常之好   全部人又好互動   難得難得 ~

話咁快就過咗 3 個鐘   我話要去麥當勞食新地呀   因為係免費的   哈哈 ~

指定係士多啤梨新地

免費嘅份量係無少到喎

食完即番屋企   里奧大人沖涼   我就抖下先預備晚餐 ~

是日晚餐 - 蒜頭豆豉蒸排骨 + 蠔油菜心苗

蒜頭豆豉蒸排骨 - 好似幾個星期日都整排骨   但無計啦   呢個餸煮法最方便嘛   哈哈 ~

 

蠔油菜心苗 - 今晚食半斤   仲剩半斤就留番聽晚食 ~

洗埋碗再開機洗衫   之後沖涼休息喇 ~

里奧大人就熨衫   之後一睇 "慶餘年"   估唔到可以睇到  3 集   哈哈   不過我睇到 10 點半都要瞓喇 ~