楓雨同路 ♡ 京阪神。日本 DAY 1 (PART 1/2) ( 23-NOV-2024 )

( 23-NOV-2024  SAT )

今朝 5 點 15 分都起咗身   但其實只係早咗 15 分鐘   沖埋涼再 Double Check 所有証件   之後 CC 都 Whatsapp 叫我哋帶齊身份証同証件   再話一陣喺 1 號客運大樓等 ~

搞掂哂所有嘢就祈禱   之後就收到的士司機電話話已經到咗   真係時間啱啱好呀 ~

出發

差唔多到機場㗎喇   但無諗過會塞車呀   CC 話見到條的士龍   我話我哋係喺其中一架呀   哈哈

7 點 16 分落車

里奧大人話好少見到咁多架 Trolley

好似呢個入口去 HKExpress 係最近

第一時間搵 CC 佢哋啦   好在佢哋早到   所以搞好哂 Check-in 手續   到我哋嚟到嘅時候   就咁教我哋做 "自助行李托運" 手續就搞掂 ~

人山人海

兔兔越做越快手   唔知以為佢係職員   哈哈哈哈

您的行李開始送出

今次係我哋 4 個第二次一齊離港去旅行   對上一次係 2015 年 11 月 17 日跟團去黃山   但今次就係 CC 帶隊去大阪喇   所以我都好緊張同開心   始終我同里奧大人無參與過任何行程   CC 安排去邊就去邊   希望大家都開心去   開心回就得㗎喇   哈哈 ~

離港喇

我哋坐 UO850 去 Osaka/Kansai (關西機場)

唔駛拎行李真係最輕鬆

去麥當勞食早餐

我唔係咁識點餐   所以佢哋幫我點埋呀

佢哋有 2 張 $5 優惠劵   咁到我番埋位睇張收據先知減咗 $5   我話唔駛比我嘛   真係唔好意思呢

全場爆哂呀   我哋等咗一陣就有張 4 人枱   其實都算好好㗎喇   之後我後面有個男人叫我哋坐佢張枱   所以就坐到呢個靚位   真係非常感恩呀   因為 CC 頭先話坐到呢張枱就好喇

去到大阪應該要 4 點幾   所以要食個豐富早餐   就係珍寶套餐+薯餅喇   其實我唔知份量係咁多㗎   以為個餐食多塊熱香餅   哈哈   所以最後我都食唔落塊薯餅   可惜可惜

去到大阪都要每日藍天白雲呀

食完就去埋洗手間   之後就坐接駁車去閘口 ~

我哋去 523 閘口

咁里奧大人仲喺洗手間未出嚟   兔兔話 Last Call 喇   我同 CC 都話啲人都未行   駛咩咁緊張呀 ~

到上機佢又去咗另一條隊喎   之前 CC 都話唔係呢條隊㗎   好在佢哋行先咋   呵呵 ~

我話佢帶團就死得啦   CC 再話老人家趕到上氣唔接下氣   又比佢嚇到失禁   哈哈 ~

@ 523 閘口

我同里奧大人講   話記得要整 1123 手勢呀   哈哈

唔記得坐咗幾耐添

我好難得咁近距離影飛機

上機喇

9 點 30 分坐定定等起飛

因為我哋買 "隨心飛" 機位   咁跟身物件只能放地下   所以我就帶定兩個大嘅膠袋包住啲袋   用完個膠袋就即掉   我真係接受唔到啲袋就咁放喺地下呀

CC 同兔兔坐我哋前面

原來萬寧都有出樽裝水

無諗過會喺跑道塞咗半個鐘呀   好在架機唔焗熱咋 ~

10 點 24 分終於起飛

飛得越嚟越高喇   好想快啲到大阪呀

最唔鍾意填表

睇下餐牌

我見到有人食雞蛋仔

唔算吸引   哈哈

我最期待係見到雲海

如果我扯 CC 啲頭髮   一定比佢鬧死   哈哈

家姐比咗 81,000 Yen 比我買嘢   我一路都覺得日元幣值好多個 0 但唔多錢   當家姐比我嘅時候   我都無即時睇係幾錢港幣   之後要拎啲錢出嚟啦   原來係接近 $4,000 呀   所以我話其實買手信比佢   都係佢啲錢   哈哈

香港時間 1 點 10 分到日本上空喇

啲雲好立體

咁睇就好似棉花

到大阪喇

三層雲

2 點 33 分 (日本時間) 安全着陸   感恩感恩

人生路不熟   要即刻跟住 CC 佢哋呀   兔兔拎住個袋係裝咗佢同 CC 同埋我件外套呀   我話我自己拎番   佢係都唔比呀   我就要拎住個黃色膠袋   因為見唔到有垃圾桶呀   哈哈

行行下唔見里奧大人   要番轉頭搵佢   咁啱佢又影緊相

之後我話補拍一張做記錄呀   哈哈

CC 佢哋行得好快   以前同佢行街唔覺佢行得咁快㗎喎

Arrivals

其實佢哋記唔記得仲有兩個人同佢一齊去旅行㗎   哈哈

Number 2 行李輸送帶

Bags Arriving

齊齊等行李

4 人 4 喼平安到埗   8 日京阪神之旅正式開始

大家都唔需要喺當地買電話卡

出境喇

唔知關西機場大唔大呢 ?!

@ 關西空港駅 (Kansai-airport Station)

好鍾意呢個郵筒

CC 話係紅葉嘅預告

我仲以為一出就直接係 Outlet 呀   原來係要搭車去嘅 ~

買車飛真係要靠 CC 同兔兔喇

日本時間 3 點 40 分   所以我一定要校番好隻錶嘅時間呢

我哋去臨空城 (Rinku Town)

關西空港 -> 臨空城 (車費 370 Yen 約 HK$19) (南海電鐵)

 CC 話好多人第一站去 Outlet   因為只係搭一個站就去到

我一坐低   兔兔係咁話 42   依家 27   原來話依家係 27 分鐘   話有 10 幾分鐘可以開喼拎環保袋出嚟呀   真係笑到我哋死死下   我話唔駛咁急呀嘛   就咁搞條十字帶都用咗幾分鐘啦   分分鐘個喼都未關好就要落車   真係以為 10 分鐘好多咩   哈哈 ~

我話要咩都影下   CC 好合作   哈哈

里奧大人本身用開個相機背囊太大   超過咗呎吋限制   所以要喺淘寶買個細啲嘅相機背囊

1123 開心出發

車廂好快就坐滿哂   所以好感恩我哋可以打對面坐呀

呢架列車好靚呀

架列車係喺海上面行駛嘅   CC 話之前落大雨定咩   條橋因此封咗   所以都好麻煩呀

上去嘅時候   好在有電梯

出入口有補票機都方便   唔駛特登行去搵 Information Centre 搞嘛

張車飛好細張   我好驚唔見   所以會比里奧大人袋住

CC 比哂行程比我哋   但搭咩車同邊個出口就無認真睇   哈哈

CC 本身話係拖住喼去 Outlet   不過里奧大人話拖住喼買嘢好唔方便   同埋最怕係買到顛咗會唔記得拖番個喼   我哋都打算放喺 Outlet 嘅  Locker   咁我哋搵緊去 Outlet 嘅時候   途經見到有寄存行李嘅店舖   所以兔兔佢哋再周圍睇下其他店舖係咩價錢   之後搵到間平啲嘅   就一齊去寄存行李喇 ~

呢間要 500 Yen (約 HK$26)

佢哋搵緊嘅時候   我哋就開喼拎環保袋喇

我都要着番件褸喇

兔兔做嘢真係好快手

每件寄存行李只係 300 Yen (約 HK$15)   平過頭先嗰間 200 Yen (約 HK$10)   仲要係收 8 點添

唔通試過有人喺度磅重 ?!

4 點已經開始天黑   所以不其然會覺得更加凍   哈哈 ~

行緊去臨空城 Outlet

近海邊   所以行起嚟都覺得凍

我初初以為呢度就係 Outlet   哈哈

仲要行多 350m 先到 RINKU PREMIUM OUTLETS

摩天輪真係一個回憶

最鍾意有鐘   咁睇時間方便好多

Directory

大家都開始有啲餓   所以決定食埋個 Lunch 先再行 Outlet

一入去就見到呢間拉麵店   覺得都唔錯就入去食喇   因為大家都想多啲時間 Shopping   呵呵

我好鍾意睇食物嘅 Display   咁可以知道啲食物係啲咩嚟嘛

因為想喺食飯比錢嘅時候方便啲   所以決定每家每次比 20,000 Yen (約 HK$1,003)   差唔多用完先再比   本來兔兔話唔想   因為佢驚飲得多啤酒   唔好意思要我哋比埋喎   但我哋話無所謂啦   咁可能我又食咗多啲嘢咁呢   無得咁計家嘛 ~

咁我講明唔拎公數呀   因為我太論盡   一陣用埋就大穫   所以就由 CC 負責 Keep 公數喇 ~

Cheerssssssssss   我真係好開心   可以再一齊去旅行呀

呢杯凍茶都好味㗎

屋台醬油豬骨拉麵 (1,023 Yen 約 HK$51)  - 我哋 3 個都食呢款拉麵   我哋覺得好好味呀

CC 食叉燒肉拉麵 (1,265 Yen 約 HK$63) - CC 話見完我哋嗰碗   就覺得佢自己嗰碗無咁好味   哈哈

都好大碗

拉麵好好味呀   口感真係同香港食嘅好唔同

煎餃 6 隻 (440 Yen 約 HK$22) - 我哋個個都鍾意食餃子   所以就叫嚟食喇

食完已經 4 點 40 分   係時候去 Shopping 喇 ~

襯仲未天黑   我哋要認住點行番出去呢

@ RINKU PREMIUM OUTLETS

鳥群

因為大家想睇想買嘅都唔同   所以大家就分開行喇   之後再約地方集合

唔買嘢   就咁行都覺得好舒服   我見到有唔少人帶埋狗仔嚟添呀

OWNDAYS 喺日本買就好抵喇

再繼續行

呢度係另一邊   呢個 OUTLET 係圍住個圈咁行嘅

GAP

之前鍾意喺 GAP 買衫褲   後尾覺得啲料無咁好就唔再買了

最唔鍾意粉紅色   哈哈

Magic Hour

唔知去邊度塞車呢

CC 講咗有啲店舖會開暖氣   其實我最驚   因為會好焗   所以當行到呢度嘅時候   我覺得好舒服

我着到實買

我又忍唔住去望下   里奧大人話行出去影啦

行到海邊   我都覺得好凍呀

好大風

想買帽   但無鍾意嗰啲款

BLACK FRIDAY

啲顏色好靚

Kit Kat 無咩興趣   但都會睇有咩新味道   哈哈

我已經好少食 Kit Kat   所以唔知 799 Yen (約 HK$41) 係唔係好平 lu

一場嚟到真係咩都睇下   有啲真係平同靚   但可惜唔啱身

我好鍾意呢啲質地嘅褸   但真係要高同瘦先着得好睇囉

好搞鬼嘅褲仔

里奧大人話條牛仔褲型好特別   咁睇真係唔似褲仔呀   哈哈

里奧大人話呢件 Polo Ralph Lauren 牌子嘅褸啲料好好同埋好抵   好似 HK$1,400   所以叫我試下   但着落對袖太長啦   唔係都真係會買囉

好鍾意右邊隻公仔圖案   但係男裝款   我發覺好多時鍾意嘅衫都係男裝款

呢件 6,930 Yen (約 HK$355)   但買 2 件就平啲   我本來叫里奧大人買㗎   不過摸落啲料麻麻哋就唔買 lu

里奧大人揀咗條褲要去試下啦   如果見到間房有地毯   就要除鞋先可以入去

着鞋入去試呢   就要揀卷起咗地毯嘅房

天黑就變咗發青光摩天輪

想買銀包   入咗去 BLUE LABEL 睇下

我呢期鍾意呢啲工業鞋

如果有粉紫色就即買   可惜無啦

又去 COACH 睇下銀包   里奧大人想我買呢個白色   但我唔鍾意個間格

里奧大人就好唔鍾意呢啲格棉款   哈哈

黑色拉鍊個間格就啱喇   但 Size 太細囉

喺出面有啲凍   又走入去 BANANA REPUBLIC FACTORY 睇下

@ RINKU PREMIUM OUTLETS

Outlet 無收穫呀   仲諗住買到波鞋同衛衣添 ~

咁見仲有時間   所以喺出面個場行下先 ~

7 點鬆啲走人喇

行下 Outlet 出面啲店舖

好鍾意呢隻恐龍   但質料麻麻哋

想買比家姐同糟糟   但又驚 Size 唔啱佢哋   所以最後都唔敢買

其實係想記錄一下   因為呢個位置係無直身鏡   我同里奧大人就諗住行去有直身鏡嘅地方啦   點知個職員好快手咁拎塊直身鏡過嚟   服務真係好好呀

我以為 8,990 Yen (約 HK$445)   但原來係 9,990 Yen (約 HK$494) 呀   不過里奧大人都話抵嘅   因為質料都好   香港起碼過千銀㗎

比錢嘅時候   突然間醒起兔兔頭先比咗本 Coupon Book 比我   因為有好多間公司   所以我直接比職員睇   之後佢話有得減 1,000 Yen (約 HK$50) 呀   即係 8,990 Yen (約 HK$445)   好感恩呢   雖然 1,000 Yen 唔係多   但都係錢嘛   哈哈

就係呢本 Coupon Book 喇   唔係兔兔比我   我都唔知有呢樣嘢呀

我哋買完就打比 CC 啦   原來佢哋都係 7 點唔夠都行完 Outlet   佢叫我哋繼續行   可以行到夠鐘為止   不過我話我哋都行完喇   之後喺 GU 見到佢   佢話兔兔行去拎行李先   因為間店收 8 點   咁佢早啲拎咗   我咃行到過咗 8 點都唔驚啦   哈哈 ~

咁我哋同 CC 就繼續行   佢想買白色波鞋   不過零收穫 ~

個公仔有點兒恐怖

我只係鍾意 ASTRO 男團   哈哈

我成日覺得玩電競係一件好攰嘅事

呢日未完㗎 ^^