楓雨同路 ♡ 京阪神。日本 DAY 4 ( PART 1/2 ) ( 26-NOV-2024 )

( 26-NOV-2024  TUE )

今朝都係 7 點半起身   但尋晚瞓得麻麻哋呀   應該係太夜飲杯抹茶 LATTE 呢 ~

沖涼洗頭再換衫   其實我 20 分鐘就可以搞掂   所以今朝 7 點 55 分都可以落到餐廳喇 ~

Fish Cake

String Beans with Sesame Sauce

Nanban Chicken 南蠻雞

日式炒麵

Dashi Roll Egg 玉子燒

章魚燒

日日都會有嘅三角飯團

仍都係日日都會有嘅 Chocolate Danish / Walnut Buns / Milk Bread

今朝係薯仔沙律同粟米喇

Onion Soup

今朝又可以同 CC 一齊坐喇

我同里奧大人嘅早餐   我都係會日日食飯團   因為想食啲漬物   哈哈

CC 同兔兔嘅早餐

又係食下傾下   CC 話佢尋晚都瞓得唔好   咁我話應該係杯綠茶 LATTE 囉   因為我都係瞓得唔好呀 ~

之後再話半夜見到張枱嘅位置有綠色光閃下閃下   啲光仲係大完又細   細完又大咁   佢以為係鬼呀   所以叫醒兔兔   之後兔兔話係佢叉緊電呀   哈哈 ~

大阪多雲

食完番房抖下   里奧大人叫我除咗原裝嘅鞋墊   用自己買嘅鞋墊就算喇   咁除咗之後真係舒服好多呀   可能兩對鞋墊變咗厚咗   變相對鞋細咗呀   哈哈 ~

9 點半就出發去箕面公園   因為我真係無上網睇過任何資料   所以去每個地方都會好期待㗎 ~

雖然陰陰天   但電梯口位置又唔會好暗

今日全日都係多雲   仲會落雨

我出發前會整番好床舖   咁里奧大人除咗件白色底衫   之後就求其放喺床上面   床單又係白色   好在我睇到件底衫咋   唔係嘅話   我整好咗床舖   佢就唔知件底衫去咗邊 lu

Lobby 集合

里奧大人話呢日先得閒影到酒店門口   哈哈

預咗會落雨㗎喇

B6 出口都可以去到酒店   不過無 B8 出口咁近酒店喇

酒店附近都有 LAWSON   所以好方便

難波駅好多出口   呢個出口係 24

咁睇好似大琵琶

里奧大人話認住左邊嘅綠色唔知咩   再喺呢個方向向前行   就會見到酒店㗎喇

繼續影   可能聽日會無咗   哈哈

由酒店行去地鐵站   我哋慢慢行又影下相   都只係用咗 13 分鐘   所以覺得住呢間酒店真係超級方便呀 ~

經過商店街   見到熊貓褲仔好得意   哈哈

今次由里奧大人負責買車飛

難波 -> 梅田 (240 Yen 約 HK$12) (Osaka Metro)

學校旅行

我哋唔係坐呢架列車   所以喺日本要習慣唔好一有車嚟到就即行入去   哈哈

CC 睇緊路線   我就唔知睇緊咩   哈哈

有顯示燈就易睇好多喇

坐咗 10 分鐘車   之後要再喺梅田駅去箕面駅   其實去曼谷都要轉車   但感覺曼谷好似易啲   同埋曼谷可以搭的士   但日本就唔會囉   因為係超級貴呀 ~

搭地鐵真係要行好多路   但真係方便嘅

大阪梅田嘅阪急百貨   如果有時間就會行埋

我哋再搭阪急電車去箕面駅

好在有 CC 帶路咋   如果要我 Plan 行程就慘   一諗起搭咩線咩線就已經頭痛喇   哈哈

經過阪急三番街

再行行行

阪急電鐵嘅售票處機   版面同 Osaka Metro 唔同   所以就由兔兔買飛喇

大阪梅田 -> 箕面 (280 Yen 約 HK$14) (阪急電鐵)

話咁快又 10:01am

呢架列車好靚呀

月台好大

有時行行下都會望下里奧大人   始終都唔想走失嘛   哈哈

10 點 03 分上車   因為列車好準時   同埋走咗呢班   可能下架係另一條線嘅列車   即係可能要等幾班車咁呢   唔似香港走咗一班就搭下一班車咁方便呀

坐定定

之後有 4 連位就一齊過去坐喇

我成日都會問 CC 夠唔夠公數㗎   之後佢會講埋今日大約嘅洗費   所以今日又要比公數 20,000 Yen 喇

諗起屍殺列車   我係因為有孔劉先睇咋   同埋我覺得套戲都好感人

向上望   見到有架紫色列車駛過   我覺得好驚訝囉   哈哈   呢次去大阪   我絕對係一個大鄉里呀

塊玻璃好乾淨

十三駅   呢個駅名好易記

今朝里奧大人話唔好要個原裝鞋墊   所以對鞋當堂無咁窄喇   行都行得舒服啲呀

唔同顏色嘅樹真係好靚

低密度住宅

影到架飛機

前面無遮無擋真係好舒服

豊中教會

10 點 25 分落車   只係坐咗 20 分鐘車   其實算係快㗎喇   但之後仲要再轉車去箕面駅呢   哈哈 ~

影張相先

行去前面嘅車廂搵位

呢個車廂就無咩人

仲可以行去前面影相

有兩個車長都唔錯喎   可以互相照應   感覺安全啲

里奧大人好鍾意幫我哋影相   所以今次有好多合照呀   開心開心

住呢度唔知嘈唔嘈呢 ?!

似乎差唔多落車

話咁快又話落車   不過都係因為有 CC 帶路   所以先咁輕鬆   唔駛成日睇住邊個站落車   哈哈 ~

10 點 37 分到箕面駅喇

箕面公園 (Minoh Park) / 箕面大淹 / 昆虫館 / 西江寺 / 瀧安寺

細細架貨車

CC 成日叫我同里奧大人影張相   里奧大人又會成日叫我同 CC 影張相   哈哈

10 點 45 分開始行喇   箕面公園有張 Map 嘅   CC 好似係話 43 分鐘就可以行到去   兔兔就好大反應話張 Map 寫 40 分鐘呀   CC 都無咁好氣話爭嗰 3 分鐘   又係嘅   差 3 個鐘就話啫   哈哈

雖然雪糕吸引   但行山唔敢食奶類制品

呢度仲有劇場同埋有天然溫泉

隻公仔頭好似菠蘿頭   但望真啲應該係紅葉   哈哈

子彈電梯

箕面燒窯元

今日係行山   好在唔係濕熱天氣   哈哈

楓來坊

歌頌母愛嘅像

世界一家人類兄弟係一首歌

唔知係咩店舖

慢慢行

呢條樓梯唔知去邊呢   但唔見有人行上去

我哋行去淹 昆虫館方向

有人帶狗仔行山   兔兔忍唔住要摸下佢呀   其實之前都有人摸佢   真係大受歡迎呀佢

里奧大人一定夠膽摸

我就唔摸喇   好多時里奧大人摸完啲狗   到我一摸就走狗囉   真係勁樣衰㗎   哈哈

狗仔行得快過我

望住啲花草樹木   真係心情都靚啲   哈哈

油紙遮好靚呀

沿途都有啲屋   但唔知係住宅定民宿定商店

比花草樹木包圍嘅屋

@ 西江寺 箕面山莊

靚呀

小溪澗

唔知係住宅定店舖

又見到柴柴   我同家姐講話我好鍾意柴柴   佢話估我唔到喎

咁嘅打扮   應該係狗女   唔知個聖誕老人飾物係點整上去呢

我行去搵紅葉嘅時候   估唔到 CC 都係去搵緊紅葉   之後就一齊拎住影相喇

1126 手勢當然唔少得啦   哈哈

我日日望住都唔會厭

用另一個 Mode 就影到咁

但我都覺得靚呀   哈哈

唔係成日會見到紅葉   所以要望多啲影多啲呀

繼續向前行   咁 CC 好少行我哋後面嘛   之後先知佢偷影我哋   哈哈

就快見到箕面大淹喇

行下影下   之後又會一齊行下傾下   話咁快就過咗 45 分鐘 ~

行平路就最舒服   哈哈

好多地衣

喺度影相都好靚

紅黃綠葉

見到 3 分形象 7 分想像 唔想唔像 越想越像嘅石頭

里奧大人話呢嚿石頭似唔知咩

呢棵樹都靚呀   所以又要大合照   哈哈

野村泊月句碑

好細塊嘅紅葉

橋木柱係有好多點點嘢包住   我初初以為係啡色樹木嚟咋

@ 箕面公園 昆虫館   好在我哋個個都零興趣咋   哈哈

@ 箕面山 瀧安寺 / 瀧安寺靈園

落緊毛毛雨呀   所以要遮埋背囊

橙葉

左辨?天瀧道

呢兩棵樹型好得意呀

@ 瀧安寺

意輛觀音

許願牌 ?!

繼續行

修驗根本道場

周圍睇下

法筺堂

到此一遊

已經 11 點半喇   都仲未行到淹   哈哈哈哈

銅鑼燒同冰糖葫蘆   其實我唔知呢啲點叫呀   糖蘋果 ?!

我覺得紅黃綠仲靚

有個山洞

我見到有人望住地下   再話係郁㗎   所以去睇下咩來

CC 話以為係條繩

離遠睇綠色好似塊樹葉

修業古場-淹 / 地獄谷

里奧大人今日帶大機   所以叫佢慢慢行喇

行到 12 點   終於見到箕面大淹方向   哈哈

食店

天狗鼻

有機西蘭花   哈哈

杉樹 ?!

CC 要食朱古力充飢   嗰時去黃山   佢又係行到咁上下就要食麵包   最唔抵得佢反而瘦咗番香港呀   哈哈

行人小心

嚴禁餵猴子

有山泥傾瀉危險

紀念碑

差唔多到箕面大淹喇

@ 箕面大淹

CC 之前 Send 咗個兩人拍攝姿勢嘅專頁喺群組入面   里奧大人就即 Cap 哂圗   之後叫我哋記住要影呀   佢仲叫呢啲做閨蜜照囉

瀑布前面係有好多坐位比人坐嘅   所以好多人望住我哋影呢張相呀   哈哈

已經 12 點半喇   所以決定喺度食埋午餐呢 ~

初初以為得小食   之後再睇原來有午餐 Menu

@ 楓來坊

店內環境

小丸子 (300 Yen 約 HK$15)

炸雞 (400 Yen 約 HK$20) / 牛肉餅 (300 Yen 約 HK$15)

魷魚 / 粟米 / 帶子 (600 Yen 約 HK$30)

黃金雪糕 (1,000 Yen 約 HK$50)

我初初以為係有公仔賣㗎   哈哈

要買飲品喇

Berry 又係咁望我㗎   哈哈

隻機械狗仔會自己行嘛   佢行到 CC 隔離   咁 CC 無留意   佢話頭先以為咩嘢喺度 Fing 下 Fing 下   話嚇死佢呀   之再望下先知係條狗尾   哈哈

神態都好似 Berry

開餐

唔記得 SUPER DRY 幾錢

諗緊點樣分好   但搽咗醬汁根本無可能用手拻囉   最後叫廚房幫我哋切開去   哈哈

呢個套餐只係 1,000 Yen (約 HK$50) - Menu 翻譯出來係柚子麵套餐   有水煮香魚 + 什錦關東煮 + 柚子細麵   我哋 Share 食兩個餐先   寧願唔夠再叫   但真係無諗過份量咁多   好在真係叫一個先咋

麵條都煙韌呀   同埋碗麵好熱   所以覺得好正呀   因為坐低之後覺得有啲凍

口感似腍咗嘅糯米飯

飯後甜品   佢哋 3 個見到就依牙鬆槓話唔食   好嫌棄佢咁呀   哈哈

特登買細支裝   因為飲唔哂都唔駛拎咁重

食店樓上係咁嘅

浸住腳嚟食嘢   呢種玩法絕對唔啱我   哈哈

里奧大人話洗手間超級乾淨   但當然唔知女洗手間係咪啦   不過我咃都會照去㗎喇   因為一陣要行個幾鐘呢

女洗手間都超級乾淨呀   呢個沖廁方式好似係環保設計

CC 話朋友叫佢去埋勝尾寺   因為落山都要 40 分鐘   去勝尾寺好似 1 個鐘   所以今日有加插景點喇   哈哈 ~

途經公眾洗手間   估唔到外型咁靚喎

呢日未完㗎 ^^