楓雨同路 ♡ 京阪神。日本 DAY 4 (PART 2/2) ( 26-NOV-2024 )

( 26-NOV-2024  TUE ) - PART 2/2

1 點 15 分開始行去勝尾寺   好在食飽夠氣夠力咋 ~

呢邊唔係去勝尾寺㗎   哈哈

再行另一邊就見到勝尾寺呢個牌喇

一目千本

用扶手借力   真係行得快好多   同埋好在扶手乾淨咋   哈哈

咁樣真係靚過全部都係紅葉呀

里奧大人影完呢張相   就話都幾似西蘭花   所以唔好成日話我為食   見到咩都諗起食喇   哈哈

佢仲影咗幾張   証明佢開始鍾意食菜喇   哈哈

呢個色調好似油畫

真係好靚

仍然在箕面公園範圍

去箕面淹方向   已經唔關我哋事啦   哈哈

上斜路去勝尾寺   CC 之前同阿媽佢哋係行山路添呀   真係仲勁過我   哈哈

沿途都會望到五顏六色

有隻馬騮

行到咁上下又落雨   仲越落越大添呀   好在我哋着行山靴咋   所以對襪無濕到呢

行多 2 km 就到勝尾寺

我覺得行馬路都幾危險

杉樹 ?!

仍然落雨

里奧大人好少會行得咁慢   原來佢話飲咗啤酒有啲急呀   到走嘅時候先決定行去勝尾寺   因為落山都要 45 分鐘   咁不如行多少少去多一個新景點呢

行咗 1 小時 15 分鐘   終於 2 點半到勝尾寺喇

4 個人嘅入場劵 2,000 Yen (約 HK$100)

一拎完飛   我叫里奧大人快啲去洗手間先呀

我就周圍睇下

兔兔要蓋章

完成

我問 CC 個公仔叫咩名 ?!   佢話唔知   後尾我上網睇隻公仔叫做達摩不倒翁

應頂山

對門都幾靚

原來依家先開始行去勝尾寺呀

煙霧離漫又噴水   好有仙境 Feel

落雨呀   所以上去嘅時候就睇多過影   哈哈

我哋去勝尾寺靈苑方向

勝尾寺有雨傘提供定係買嘅呢 ?!

行喇喂

不倒翁無處不在

上樓梯

經過呢度   但唔知咩名

樓梯隔離有好多隻不倒翁

大中細嘅 Size 都有

無咁大雨就周圍影下

六十四卦

鎮守堂

唔知咩

之後又繼續上樓梯

@ 勝尾寺 (Katsuo-ji)

祈福物介紹

有人排隊參拜呢個像

繼續參觀

白色紙係咩嘢呢 ?!

個樣好奸咁   哈哈

六十四卦解說

行上去睇下先

佢哋好似好忙咁   哈哈

避緊雨

比雨淋   個樣變得好淒慘

一大堆

睇相先知原來係唔同表情

好有眼力先睇到佢哋   哈哈

我覺得佢個樣好搞笑

納經所 受付所

望落去

又見到許願卡

大阪五七會 / 應頂山 勝尾寺 龍觀講

佛緣寶塔 / 千手觀音

參拜順路

咁擺法   唔知以為不倒翁係垃圾

又見到個塔

落雨多數只係睇嘢   因為拎遮又拎電話出嚟影相比較麻煩呀   哈哈 ~

3 點左右都諗住走   咁叫 CC 佢哋 3 點 20 分喺大門口等   點知原來佢哋已經到車站排隊等位   咁我哋去到就可以有位坐呀   好在我哋當時都諗住走咋   咁唔駛佢哋等咁耐嘛 ~

沿住個圈行落去

再轉彎落去

草堆都有不倒翁

有啲就爬咗上樹

落斜要慢慢行

I Love U

終於落到地面喇

我覺得今日成日都係上斜 落斜 直行 轉彎 上樓梯 落樓梯咁   哈哈哈哈

今日落咗半日雨

唔知里奧大人影啲咩呢 ?!

原來影呢隻甩色不倒翁   哈哈

仙境呀

行出去搭車喇

原來呢度係勝王寺

我叫里奧大人去洗手間   我就去手信區睇下 ~

達摩朱古力

曲奇餅

拉麵

薯條 (322 Yen 約 HK$16)

真係咩食物都有

公仔 (6,380 Yen 約 HK$318)   遊客應該唔會買啩   咁大個喎

好在巴士站有上蓋同埋有得坐   唔係都幾麻煩   始終落緊雨嘛 ~

我同里奧大人行到去   啱啱要上前   所以我哋就可以坐埋一齊喇

呢個巴士站係 Number 1 2 3 4 5 輪住咁排隊上車嘅   咁有 4 張木櫈   巴士站頭位置係 1 同 2 平排   之後到 3 同 4 平排   但 3 後面係有 1 行係 5   所以到我哋第 4 行嘅時候   第 5 行頭位個女仔居然跟住第 3 行嚟上車呀   即係打尖   里奧大人用英文同個女仔講要排隊   佢扮唔識聽繼續行前上車   之後我哋同後面兩個香港人跟番個女仔後面上車呀   唔係就會比 5 號隊啲人上哂車   所以我覺得呢個設計好怪囉 ~

好感恩大家都有孖位坐   我坐咗無耐都瞓着咗 lu

加價

車內需知

車費 800 Yen/人 (約 HK$40/人)

坐咗半個鐘就落車   真係比我想像中快呀   我仲諗住要一個鐘頭添 ~

@ 箕面萱野駅

見有個 Q's MALL   所以入去行下   同埋 CC 話想買麵包食呀

酥皮盒 (275 Yen 約 HK$14)   我覺得都抵呀

腸仔包 (236 Yen 約 HK$12)   吸引但嗰刻唔想食   哈哈

健康三文治

酥皮包 (286 Yen 約 HK$14)

我同 CC 都買咗呢個忌廉包   但唔記得幾錢   里奧大人就唔食任何包喇

呢個雪凍食都唔錯

牛油多士 (198 Yen 約 HK$10)   都好吸引   但我驚太油   食完個肚會唔舒服呢

麻糬 (83 Yen 約 HK$4)   之得買呢個食啦

芝士蒜蓉法包 (253 Yen 約 HK$13)   我其實想買呢個㗎   不過食完就無人想同我講嘢了   哈哈

栗子撻都吸引

火腿牛角酥 (350 Yen 約 HK$17)   我唔鍾意食包住嘅牛角酥

咖啡豆 (604 Yen 約 HK$30) / (669 Yen 約 HK$33) / (820 Yen 約 HK$81)   估唔到 01 平過 04   定其實 01 唔係代表銷售排名呢

煙肉包 (248 Yen 約 HK$12)

麵包粒 (308 Yen 約 HK$15)   呢個吸引   但呢啲一開咗就好快淋㗎喇

法包 (320 Yen 約 HK$16)   超級抵呀

唔知蘋果定栗子批

白方包真係無興趣喇   哈哈

咁企定定食埋個麵包先再行   之後里奧大人話想睇太陽眼鏡   我哋當然無問題啦   仲駛問嘅   哈哈 ~

@ Aigan

太陽眼鏡只係 2,990 Yen (約 HK$150)   里奧大人話咁平   所以忍唔住買咗對呀

招彩貓

店舖名叫做 "愛眼"   講嘅時候發音要好準確   唔係叫咗做 "礙眼" 就慘喇   哈哈

我想買黃金黑酵母比 Berry   所以要行 AEON 喇

呢間 AEON STYLE 都好大   不過無得買黃金黑酵母   所以走人喇   一陣先再番嚟買生果

我之前同 CC 講話里奧大人想去 MUJI 買線衫   本來諗住去梅田間 MUJI   所以佢好開心話呢度都有 MUJI   仲細細聲同我講話比里奧大人去買衫先   我話唔駛特登去搵㗎   里奧大人見到有 MUJI 就買   無都無所謂㗎 ~

落雨行天橋就最好

@ 無印良品

第一時間拎手推車放背囊呀   我揹住個背囊都覺得重   何況里奧大人仲揹住部相機添

真係大鄉里出城   我覺得呢間 MUJI 超級大呀   哈哈

成個場好似好少人行咋

兩件褸都鍾意

呢啲都只係 9,990 Yen (約 HK$499)   見到件啡色   我即諗起阿花話買過件短身嘅嚟着   點知比人笑佢着咗監獄風雲嗰件褸呀   哈哈

呢件褸係19,900 Yen (約 HK$993)   以無印來講算抵㗎喇

呢件只係 9,990 Yen (約 HK$498)   但呢啲褸太 "牙" 位   同埋我又唔係高   我唔想幫人拖地呀   哈哈

繼續行下先

男裝部

去試衫都要行好遠   哈哈

里奧大人買咗件白色線衫 (3,990 Yen 約 HK$199)   但其實只係平 HK$30   不過香港無哂白色囉

Hoodie 只係 2,990 Yen (約 HK$149)   又係超級抵   無印嘅質地都舒服嘅   不過里奧大人已經有 Hoodie 就唔買 lu

呢件綠色褸只係 7,990 Yen (約 HK$399)   里奧大人話我尋晚買件綠色褸   所以都想買番件綠色一齊着呀   但可惜無佢 Size

唔知咩機

下面啲碗仔要 990 Yen (約 HK$49)   我覺得貴呀   仲諗住日本買係會平啲添

啡色碟要 1,290 Yen (約 HK$65)   我都覺得貴呀   突然覺得買衫真係抵好多   哈哈

環保袋 499 Yen (約 HK$25)   呢個款已然過哂時了

自助付款

兔兔買咗隻鑊剷   佢尋晚去無印已經話要買㗎喇   成個師奶咁   哈哈

里奧大人好似好慘咁   自己比完錢再自己拎環保袋放入去   不過我好欣賞佢夠獨立   哈哈哈哈

呢包只係 250 Yen (約 HK$13)   我好少食呢啲零食   所以唔知咩價錢

唔知咩機送我哋走喇

經過 Mont-bell   兔兔話要入去睇呀   因為佢成日話喺日本買好平 ~

好輕身嘅袋   但要 3,900 Yen (約 HK$195)   我唔會買

呢個大背囊 27,500 Yen (約 HK$1,376)   兔兔細細聲話佢老婆唔比佢買呀   我話我老公又係成日唔比我買嘢呀   哈哈

唔記得呢個幾錢添

黃色帽只係 2,640 Yen (約 HK$132)   我喺 Boutique 買都要 HK$100   咁呢頂帽算係好抵喇

商場入面都有呢啲散貨場

感恩行到呢個 Q's Mall   因為有 AEON MUJI 同 DAISO   我就係想行呢幾間店舖呢 ~

糟糟話佢朋友喺京都買咗個迷你環保袋   佢見到話好正   所以叫我去 DAISO 睇下

一個只係 110 Yen (約 HK$6)

我打比糟糟問佢要幾個 ?!   佢話要 1 個   之後我話買 3 個比佢呀   里奧大人直頭話買 6 個比佢襯衫添呀   哈哈

呢個商場設計原來咁靚嘅

買完都 6 點半   我哋要番去 AEON 買生果   咁就唔駛一陣再特登去超市買喇 ~

呢度係 Q's Market   行入少少先係 AEON

長崎縣士多啤梨 (539 Yen 約 HK$27)   基本上我覺得樣樣都好抵   但如果要喺度生活   就唔知係咪覺得抵喇

柿 (431 Yen 約 HK$22)

柑 (323 Yen 約 HK$16)

菠蘿 (420 Yen 約 HK$21)

唔知博多係咩價錢

毛豆 (99 Yen 約 HK$5)   超級抵啦

里奧大人話 TOPVALU 都出咗啤酒   1 罐 173.80 Yen (約 HK$9)

呢隻就 1 罐184 Yen (約 HK$9)   6 罐就 1,097 Yen (約 HK$55)   咁買 6 罐都唔係平好多咋喎

啤酒山

買啤酒送點心麵小食   咁我一定會叫里奧大人買呢隻啤酒   哈哈

啤酒罐嘅顏色好靚

雪條 (378 Yen 約 HK$19/2 條)   咁就抵喇

朱古力針 (537 Yen 約 HK$27)   依家少食雪糕   唔係一定買包

Petie Tarte (397 Yen 約 HK$20)   我初初以為係模具嚟㗎

雜錦壽司 (1,275 Yen 約 HK$64)

呢啲就 2,139 Yen (約 HK$107)

壽司飯 (899 Yen 約 HK$45)

OLYMPIA   係買生活用品嘅   所以無去睇呀

去另一間零食店睇下   聖誕蛋糕只係 645 Yen (約 HK$32)

睇相先留意到個黃色袋好靚呀   只係 682 Yen (約 HK$34)

茶包都幾吸引

酒

聖誕酒 (1,998 Yen 約 HK$100)   唔知咩味道呢 ?!

聖誕襪 4 件只係 1,252 Yen (約 HK$62)

因為我去咗洗手間   之後再約 CC 喺生果個位置等   咁我哋會影埋邊個位置   佢哋話唔見我哋   我先知原來我哋係喺 Q's Market 睇生果   唔係喺 AEON 睇呀 ~ 

甘熟王菠蘿 (431 Yen 約 HK$22)   兔兔話 AEON 啲生果靚啲

鳥取縣王秋梨 (647 Yen 約 HK$32)

太秋柿 / 富有柿都係 (323 Yen 約 HK$16)

福崗士多啤梨 (1,070 Yen 約 HK$54)

王秋 / 南水 / 新興梨都係 (1,070 Yen 約 HK$54)

提子只係 1,718  Yen (約 HK$86)   兔兔話依家食提子要食晴王先好味   所以我好感恩家姐之前買咗比我食呀

一定係里奧大人影

睇完又搵番佢哋啦   佢哋已經揀好咗買咩生果   咁可以比完錢就走喇 ~

BLACK FRIDAY

里奧大人研究緊架手推車

原來有咁嘅用途嘅

買完嘢先發現   哈哈哈哈

制冰器

里奧大人同 CC 都好好奇整好咗啲冰   咁點樣拎番屋企 ?!   我話有啲膠袋掛住咗   應該裝哂入袋啩

6 點走人   要搭地鐵番難波食晚餐喇 ~

仍然落雨

北改扎口

依家咁睇就覺得搵地鐵站好簡單   哈哈

唔記得因咩事而唔識買車飛   咁 CC 去問職員   但之後唔見職員嚟   所以突然有人開隻窗伸過頭出嚟   真係嚇一嚇呀

職員好有心機咁教我哋點買車飛

箕面萱野 -> 難波 (530 Yen 約 HK$27) (北大阪急行)

我哋買咗柿   咁我拎啦   無理由成日都係兔兔拎嘛   里奧大人話做咩唔放入背囊 ?!   我話會壓爛呀   我講完之後就好唔舒服又想嘔   所以我要伏喺背囊上面瞓覺   我估里奧大人都係喺度瞓覺   我突然間感覺到有人過嚟   原來係兔兔過嚟拎走啲生果呀   咁等里奧大人唔駛攬住袋生果瞓呢 ~

感恩大家都有孖位坐呀

點解我哋唔行去呢個車廂呢 ?!   如果唔係就可以平排一齊坐嘛   哈哈

顯示版

7 點唔夠就番到難波   我覺得瞓完又好啲咁 ~

呢條行人路好窄

今晚想去藏壽司   所以兔兔行快啲去拎位先   佢去到同我哋講話要等 25 分鐘先有位   咁無問題啦 ~

我哋喺商店街出口等   咁室內唔駛淋雨嘛   之後里奧大人話去睇下   咁可以陪兔兔一齊等呢   到有位就再帶我哋去喇 ~

CC 話不如行出去睇下識唔識去   我話好吖   但最後係搵唔到呀   哈哈   所以又去番商店街出口等 ~

之後慘喇   我勁想嘔   所以不斷同 CC 傾偈分散注意力   但其實如果里奧大人喺度   我會叫佢同我即番酒店解決呀   哈哈 ~

咁 CC 做咗瑜珈兩年幾   因為佢想拉下啲筋   佢話導師 1 對 3   有咩問題可以即時問   話如果自學就唔知道原來係一路做錯   之後佢再講埋個例子   佢話導師咁講先知係有問題咋   因為做嘅動作係個個都一樣嘛 ~

里奧大人搵到藏壽司喇   所以即帶我哋去   辛苦佢了

7 點 25 分有位   我一去到就要搵洗手間喇   咁 CC 同我一齊去   我同佢講話我要嘔   所以叫佢去先   之後佢話係想扶住我行去洗手間咋   好感動呀 ~

好感恩洗手間好乾淨   搞掂就去搵佢哋啦   因為里奧大人落咗樓下收遮放入袋   咁我諗住喺門口等埋里奧大人先入去   但 CC 話佢等里奧大人得喇 ~

呢個設計好好呀

我鍾意有塊布遮住呀   哈哈

豉油 Wasabi 喺收納櫃桶   呢個設計又係非常之好

迴轉木馬同水晶車喺靚嘅   但開住音樂就好嘈啦   哈哈

壽司隔離係有個食物名稱牌   個蓋又寫埋食物名稱   我覺得咁樣真係好好呀

我唔舒服無胃口咋   唔係一定食埋腐皮壽司   因為佢哋一定唔會同我爭   哈哈哈哈

第一時間要飲杯葡萄汽水 (260 Yen 約 HK$13)

我叫㗎   都唔記得係咩 lu   只記得佢哋唔食   咁唯有我食哂啦   哈哈

 熟成鯛魚 (300 Yen 約 HK$15/碟)

扇貝 X 8 (310 Yen 約 HK$16/碟)

撒鹽熟成鮪魚 X 2 (150 Yen 約 HK$8/碟) / 活締海鱺 (300 Yen 約 HK$15/碟)

赤貝 X 2 (150 Yen 約 HK$8/碟)

極美蟹口味捧 X 3 (150 Yen 約 HK$8/碟)

我哋一路食一路傾一路點單   好鬼忙呀   哈哈

又唔記得係咩

大份量鮮貝柱 X 2 (150 Yen 約 HK$8/碟)

火烤乳酪鮮蝦 X 2 (180 Yen 約 HK$9/碟) / 活締海鱺 (300 Yen 約 HK$15) / 鮭魚 (150 Yen 約 HK$8)

鹹菜卷 (150 Yen 約 HK$8/碟)   佢哋 3 個話妳食哂得㗎喇   哈哈哈哈

醬醃螢火蟲魷魚 (150 Yen 約 HK$8/碟)

美味醬汁牛肋排肉 X 3 (150 Yen 約 HK$8/碟)

撒鹽熟成鮪魚 X 2 (150 Yen 約 HK$8/碟)

熟成鯛魚 (300 Yen 約 HK$15/碟)

蟹籽 260 Yen (約 HK$13/碟)

食完就放隻碟落去

6 個人坐都無問題

呢餐食咗 6,930 Yen (HK$347)   真係超級抵食

食完只係 8 點 45 分   CC 佢哋就行去超市買嘢   今晚我唔去喇   想快啲番酒店沖涼休息   好在里奧大人都唔多鍾意行超市咋   唔係又少咗個節目   哈哈 ~

落足一日雨   不過心情又無受影響   可能去旅行開心呀

番到酒店又嘔   所以抖陣就沖個熱水涼喇 ~

沖完涼抖陣開始有啲餓   因為我只係食咗 3 碟壽司咋   好在啱啱有生果食咋   哈哈   其實已經 9 點 45 分   算係我嘅宵夜嚟㗎 ~

CC 買咗個甜品比我   不過我要留番聽晚先食   因為食完生果已經好飽喇 ~

焦糖布甸 (178 Yen 約 HK$9)

蘋果好清甜   但個柿仲更加甜呀   勁好味

今晚同里奧大人都試下貼休足   睇下對腳會唔會舒服啲先 ~

我食埋 Panadol 再睇陣電視   今晚 10 點 15 分都瞓覺先喇 ~

呢日行程完畢 ^^