Babymama: 楓雨同路 ♡ 京阪神。日本 DAY 3 (PART 1/2) ( 25-NOV-2024 )

( 25-NOV-2024 MON )

今朝 7 點半都起身喇雖然早咗 15 分鐘但咁樣就唔駛咁趕呢 ~

我哋住 3 樓

落 B1 食早餐

今朝無咁多人喇可能係平日關係

感恩又可以同 CC 一齊坐

早啲到就唔駛排隊

又係第一同第二盤係同一樣食物咁即係多人食先會咁做呢

我都鍾意食日式炒麵

Taste of Marinated Chilli Pepper 望落似炸魚

牛蒡 (冷)

薯仔燜肉

今日係螺絲粉沙律同雜豆

食完會好寒哈哈

Corn Soup

真係好多料

Curry Soup

好大煲白飯

廚房好乾淨

有兩盤三角飯圈

職員密密 Refill

8 點 10 分開始食早餐喇

我同里奧大人嘅早餐

我自己煲都無咁多料呀哈哈

CC 佢哋嘅早餐

一路食一路傾 CC 話尋晚瞓得好好呀我仲以為兔兔無鼻鼾聲添之後 CC 話前一晚瞓得唔好嘛如果尋晚都瞓得唔好就慘啦哈哈 ~

好難得無人排隊呀

仲 Refill 日式炒麵所以我再拎嚟食喇

食埋呢 Round 就夠哂飽喇

食完就番上房抖陣 9 點半就出發去御堂筋銀杏大道喇 ~

今日都要貼喇

又睇下天氣預測先今日天氣都好好呀感恩感恩

今朝試下支眼藥水不過有啲澀眼所以唔敢用住喇

里奧大人要睇定點樣開機洗衫

咁啱有個日本人嚟洗衫之後仲教埋我哋點開機洗衫添呀感恩感恩

拎浴袍嘅位置不過我哋會帶睡衣所以用唔着喇

我哋喺 Lobby 集合

Basement (B1) 就係食早餐嘅樓層

Floor Plan

今朝雖然得 10 度但我真係唔覺得話好凍喎只係覺得好乾燥囉家姐仲搞笑話未係負數都唔算凍喎哈哈 ~

好好陽光呀

每日都要上上落落

一落地鐵站就要特別醒神因為唔想行錯方向呀哈哈

御堂筋線列車時間表

第一時間當然係選擇語言

因為我只係影相做記錄所以無認真睇佢哋點樣買車飛

難波 -> 淀屋橋 (車費 190 Yen 約 HK$10) (Osaka Metro)

去淀屋橋只係搭 3 個站

雖然 CC 佢哋行得好快但次次行到咁上下都會望下後面咁見佢突然停低佢以為唔見咗我呀但其實我喺兔兔後面哈哈 ~

女性專用車廂

等車期間我同里奧大人周圍睇下嘛有個華人女人用流利英文問里奧大人點去機場方向 ?! 里奧大人就即刻去問 CC 啦之後再教個女人點去我睇住個女人個樣知道點去之後就成個樣都放鬆哂咁呀最搞嘢係佢老公只係企定定無聽點去囉雖然我都係旨意里奧大人帶路但點都會聽埋㗎唔係下下咁易問到人嘛仲要係妳想去嘅地方添 ~

里奧大人之後話點解成日有人問佢路囉上次去韓國又係咁但今次個女人就好好彩因為識教佢點去呀 ~

頭先里奧大人問 CC 點去機場嘅時候 CC 話以為個女人係日本人仲好好奇里奧大人點教到佢去呢哈哈 ~

唔知維修啲咩

左側通行

經過啲餐廳格局非常唔錯所以又睇下啲價錢

呢個咖哩飯只係 880 Yen (約 HK$44) 咁嘅價錢加咁嘅環境喺香港一定一定一定無可能

10 點去到銀杏大道喇 CC 話銀杏唔係咁金黃色我話唔緊要啦咁樣睇都好靚呀 ~

商業區感覺乾淨啲

咁有啲位置係唔比企嘅因為個個一齊影銀杏樹係會好危險始終旁邊都係馬路嘛

Atsuko's family 贈送 ?!

今日天氣非常之好感恩感恩

沿途都有啲雕像不過我無睇簡介

吊住隻老虎哈哈

每條街都有銀杏樹如果係全部金黃色確實係好靚嘅

去旅行真係見到樣樣嘢都好有新鮮感哈哈

唔知咩來但我覺得好似假髮

呢區都有 tokoyo-inn.com

一場嚟到又無咩人真係企咩地方自拍都得咁兔兔拎住神棍影啦 CC 話仲有一個人影唔到呀原來佢影咗里奧大人半邊臉咋真係笑鬼死呀之後一路影我哋 3 個笑到個身都震哂影完仲要企喺度笑咗 1 分鐘先停到囉我直頭笑到胃痛添呀哈哈

又見到呢啲雕像

呢條腿都幾嚇人哈哈

好似係銀杏樹嘅果實

有塊布紮住棵銀杏樹

保險市場

用呢啲單車代步真係好唔錯仲有埋後座添

細細個郵筒

我真係好鍾意見到電話亭因為真係無咩地方見到㗎喇

CC 叫我哋扮傾電話但我聽到佢喺咁笑哈哈

影埋呢張就走人 lu

呢度係本町駅 CC 話我哋已經行咗一個地鐵站喇

CC 講咗幾次話見唔到金黃色嘅銀杏樹有啲失望我話綠色都好靚吖同埋我其實有得去旅行已經好開心㗎喇佢望住我再話我好易滿足咁我又真係無期望過會見到紅葉同銀杏樹嘛之前我比行程比勁哥睇嘅時候佢都好興奮話可以睇埋紅葉但嗰下我又無咩感覺喎始終睇自然景物真係唔可以抱任何期望呢天氣嘅嘢真係話唔埋嘛依家仲天氣反常哂添 ~

@ 御堂筋 (Mido-suji)

行下行下又已經 11 點見到藥妝就會入去睇下 ~

啲糖真係超級平不過依家喺香港買 HI-CHEW 糖都平咗好多

以前去曼谷成日買薄荷糖一樣都係好平

呢間眼藥水仲平只係 712 Yen (約 HK$35) 所以我買咗 4 盒 CC 好似買咗 2 盒

有啲都做特價

CC 用緊呢隻唇膏佢話幾好所以我買 2 支 (657 Yen 約 HK$33)

兔兔一路笑一路望住上面啲產品之後又話買啲比邊個邊個但 CC 無理佢喎我同 CC 講話係咪壯陽藥呀 ?!

咁我哋再望真啲原來係保肝藥呀我哋即刻話兔兔都唔知做咩咁好笑哈哈

兔兔見我哋咁開心咁買到嘢就會話邊間邊間仲平呀想打擊我哋嘛又話見到有啲係 540 咋依間要 548 呀 CC 話大佬 8 Yen 咋嘛唔好講到好似 8 蚊雞咁啦之後里奧大人又話埋一份話 8 Yen 計落都係幾毫子同埋我哋成日話平過香港就係平啦唔駛再講喇呵呵 ~

繼續沿住呢個方向行

@ 心齋橋

我去睇呢件衫嘅時候里奧大人即刻強調話 CC 咁瘦着就好睇咁我話 CC 係瘦我呢啲就叫 Perfect 之後佢話我係 Pre-Fat 黐鬼線咩都要有個 Fat 字先開心哈哈

以前就成日買呢啲款依家就唔會 lu

CC 話見到 marudai 喇我掛住直望所以見唔到哈哈哈哈

去到第一間舖頭我同 CC 已經停低腳步想買嘢喇

魷魚絲 (540 Yen 約 HK$27)

里奧大人鍾意食魷魚絲但香港好貴我無買比佢食㗎依家只係 HK$27 就即買 3 包啦因為賞味期限好短所以唔會買太多

雞泡魚乾 (950 Yen 約 HK$47) - 兔兔買咗 2 包咁我都買 1 包喇

生姜糖 (734 Yen 約 HK$37) - 如果廿蚊港紙就會買嚟試下哈哈

米餅 (518 Yen 約 HK$26) - 價錢牌有埋係咩味道嘅公仔都好細心呀

呢啲漬物就平喇只係 540 Yen (約 HK$27)

呢啲魚乾就要 734 Yen (約 HK$37) 我食過呢啲魚乾口感好硬仲要好涸喉不過呢度啲樣就比較新鮮啲咁嘅

牛蒡條 (626 Yen 約 HK$31) - 好少見到牛蒡造嘅零食同埋感覺幾好味所以同 CC 就每人買 1 包

海帶 (1,085 Yen 約 HK$54) 職員即場沖咗 1 小杯比我哋試我哋覺得好飲所以又同 CC 每人買 1 包喇

明太子 (1,080 Yen 約 HK$54) - 應該平啦咁多條喎

排隊比錢我買咗 4,276 Yen (約 HK$212)

@ 中央區呢個污水蓋好靚呀

我同里奧大人講過第一日要影手指做日子嘅合照做紀念之後里奧大人就話每日都要咁影但尋日唔記得影添哈哈

啲襪好搞鬼着住入屋會比人鬧㗎哈哈哈哈

CC 話到 marudai 喇

本來諗住同 CC 一齊去睇女裝但之後醒起里奧大人想買長袖衛衣所以話各自睇喇 ~

兔兔話 OUTDOOR 牌子啲衫好平所以里奧大人都買咗 1 件灰色長袖衛衣 (2,280 Yen 約 HK$113) 同埋 1 件藍色 Hoodie (2,580 Yen 約 HK$128)

我又想買件綠色風褸不過無我嘅 Size

呢件灰白色外套只係 (3,580 Yen 約 HK$177) 里奧大人試咗話唔買之後再番轉頭我叫佢買埋啦原來得番 1 件咋

都有其他牌子嘅

行去試衫就最耐因為係一頭一尾呀所以就一次過拎哂啲衫去試之後見到兔兔佢都好忙咁試啲厚身褲價錢又係好抵其實里奧大人都有試啲褲但可惜唔啱身

好似睡衣哈哈

里奧大人買完想買嘅就會即走我話行埋另一邊先啦之後再買咗件黑色長袖外套 (3,380 Yen 約 HK$167) 所以我次次 Shopping 真係咩都行去睇㗎 ~

買完就行去女裝部喇我諗住買幾件長袖 One Piece 因為只係 HK$150 咋花園街起碼要 $299 啦但里奧大人話又係嗰啲款叫我唔好買呀話着新嘅同着舊嘅都係一樣樣咁買嚟做咩呀哈哈哈哈 ~

雖然尋晚已經買咗 2 件綠色褸但我好鍾意右邊件褸呀仲只係 7,980 Yen (約 HK$394) 所以我買件綠色嘅仲要係 Last One 好感恩我啱身咋之後里奧大人話又買綠色兔兔又話尋晚已經買咗兩件綠色啦我話呢排好鍾意綠色咪買囉同埋唔想成日着黑色呀哈哈

短短 35 分鐘就買咗 5 件衫所以呢個場啲衫真係好抵但就要預咗係斷碼貨囉不過斷碼得嚟都唔係件件係 XXL 呢啲

UGG 只係 14,080 Yen (HK$696) 喺香港真係絕少機會着到毛毛鞋

落去唔知邊層比錢又會經過買零食嘅地方我最開心哈哈

關西限定 PRINGLES (643 Yen 約 HK$32) 依家後悔無買呀

細路見到就鍾意不過又未必依家啲細路鍾意睇手機多啲哈哈

味精湯

呢啲糖就無興趣

紅帽子禮盒真係好抵最大盒嘅只係 1,428 Yen (約 HK$71)

呢盒朱古力係 (594 Yen 約 HK$30) 好似幾好味所以買咗 2 盒

手信區

好實淨嘅環保袋只係 (550 Yen 約 HK$28) 見里奧大人仲未比錢所以即買 1 個紫色嘅

比錢喇我哋買咗 20,300 Yen (約 HK$1,003)

CC 話買嚟做賀年禮物

呢個大膠袋裝咗 5 件冬天衫所以個喼一早預咗啲位放新買嘅衫因為啲冬天衫好厚好 "牙" 位

里奧大人本身拎住個環保袋嘅但一入嚟嘅時候職員要佢放低喺寄存位置呀之後比咗條膠手帶比佢走嘅時候嚟拎番就可以喇

要行樓梯嘅商場我記得台北都有個商場係要行樓梯嘅

又 12 點半喇原來行咗 1 個鐘本來 CC 話今日時間會比較緊張少少但無諗過大家都買咗嘢所以要番酒店放低先再去清水寺呀哈哈 ~

我話大家都大豐收呀 CC 話我好帶揭啦里奧大人就話我咁醒知道有呢個場添呀其實我知道今次去大阪都只係睇咗 1 次去大阪嘅 Youtube 咋仲係咁啱睇開個 Youtuber 去大阪見個 Topic 啱我先去睇我都只係睇個地方叫咩名之後即 Cap 圖比 CC 睇話想去呢個地方我仲以為 marudai 係商店街呀真係大鄉里出城所以今次大家買得咁開心我都好開心呀哈哈 ~

間唔中都見到 marudai 廣告牌

CC 都買咗好多嘢

好似好重咁

CC 比張相比佢細佬睇佢話我哋好似去社區中心拎物資咁呀哈哈

細細嘅車仔

我最鍾意呢啲四驅車

條馬路都好長

又要望下藍藍的天空

OSAKA, KANSAI, JAPAN EXPO 2025

要紀念一下

搭地鐵番酒店

御堂筋線

入到去仲要再望下啲路線㗎

呢個時刻我就最得閒哈哈哈哈

淀屋橋 -> 難波 (車費 190 Yen 約 HK$10) (Osaka Metro)

頭先行咗 1 個地鐵站所以今次搭 2 個站就到 NAMBA 喇

差唔多 20 分鐘後就番到酒店放低哂嘢就要即刻出發喇 ~

揹背囊真係方便因為咩都放哂入去嘛但就好重囉哈哈

今次時間有啲趕所以由兔兔負責買飛喇哈哈

難波 -> 淀屋橋 (190 Yen 約 HK$10) (Osaka Metro)

女性專用車兩乘車位置

我叫佢哋行去另一邊呀哈哈

要再轉京阪電車 (Keihan Railway)

仍都係由兔兔買飛

淀屋橋 -> 清水五條 (車費 430 Yen 約 HK$21) (京阪電車)

呢個車廂就舒服喇

但我哋係坐呢啲普通車廂嘅

影相嘅時候啱啱對面有人落車所以變咗有 4 連位喇

好開心可以一齊坐呀又嚟自拍一下我同 CC 多數坐中間咁可以一齊傾偈嘛始終女人多嘢講哈哈

4 號出口去清水寺

行暗斜我同里奧大人都覺得對腳開始有啲痛因為對鞋加咗鞋墊真係有啲窄咁呀

兔兔叫我着和服影相我話絕對唔會嘥呢啲時間囉

若宮八幡宮

開始覺得熱哈哈

靚呀

影完張相 CC 突然間話唔見咗部手機佢話習慣將手機放入前袋但搵過無之後里奧大人叫佢冷靜啲再叫我打比 CC 感恩聽到電話響呀佢話可能頭先喺袋拎嘢之後順便放埋喺袋入面呀真係有驚無險 ~

算係多紅葉喇

紅葉點影都係咁靚

下面有個小池塘

行前少少就有條橋

都有唔同國籍嘅人着和服

行到呢度有對講廣東話嘅 Couple 問里奧大人點樣去清水寺 ?! 但 CC 唔喺我哋身邊所以里奧大人指住前面方向話嗰度有一班人行緊同一個方向好大機會係去清水寺呢

有個人像

大谷本廟

御本廟

行下行下已經 3 點 CC 話食住炸蟹肉捧做下午茶先因為仲要行一段路先到清水寺呢 ~

好似 700 Yen (約 HK$36)

我哋 3 個食炸蟹肉芝士捧

兔兔就食炸蟹肉捧

呢啲無咩特別哈哈

400 Yen (約HK$20) 都抵因為香港起碼 $40 呀哈哈

即叫即炸所以等咗 5 分鐘

唔係麵粉嚟㗎係啖啖蟹肉所以覺得好好味呀

上去條路都幾窄又一路行一路食都幾 "呢 hea" 因為食到一半就好似想跌落嚟咁

持續上暗斜雖然熱到有啲出汗但出咗汗都唔會成身立黐黐呢呢樣好緊要㗎哈哈

車房

扎染嘅店舖

住呢啲屋都唔錯

唐揚炸雞 Display

繼續向上行

都好多人

手信店

我哋上樓上食午餐唔係 CC 帶路我都唔知樓上係食店哈哈

今日 3 點半先食午餐所以大家都有啲餓喇 ~

睇到 Display 就最好

我哋坐窗口位

好冰凍嘅啤酒

我嘅 Hana Udon (Severed with Fish Sausage Slices) (750 Yen 約 HK$37) - 烏冬都煙韌呀

里奧大人嘅 Oyako Donburi (Rice with Chicken and Egg) (950 Yen 約 HK$47) - 里奧大人話好味道

CC 同兔兔嘅 Kitsune Udon (Severed with Fried Tofu) (800 Yen 約 HK40) - 我話呢碗係素食烏冬哈哈

開餐