楓雨同路 ♡ 京阪神。日本 DAY 2 (PART 1/2) ( 24-NOV-2024 )

( 24-NOV-2024  SUN )

尋晚瞓得一般   唔知係咪天氣太乾燥影響呢 ~

同里奧大人 7 點 45 分起身   感恩起身都精神   可能係去旅行啦   哈哈 ~

最鍾意落地玻璃

雖然有 3 部電梯   但電梯比較細   載得唔多人

好少見係透明玻璃嘅電梯

我哋 8 點 15 分到餐廳   因為同 CC 佢哋係各自落去食早餐   所以都諗住幫佢哋拎埋位   感恩去到有張 4 人枱呀 ~

地方都乾淨

見到有薯仔沙律同粟米就已經好開心   哈哈

麵包同朱古力酥

我一定會食三角飯團

排隊拎食物   第一樣就係章魚燒   又係見到都好開心   因為我都鍾意食㗎

炒蛋 / 維也納香腸 / 沙甸魚

其實選擇唔多   但好過無得選擇嘛

濃湯 / 味噌湯

都有果汁

Roasted Green Tea / Green Tea / Hot Water

里奧大人話隔離仲有 UCC 咖啡   不過我無影到

我嘅豐富早餐   有漢堡 / 維也納腸 / 沙甸魚 / 章魚燒 / 三角飯團 / 朱古力酥 / 薯仔沙律 / 粟米 / 味噌湯

里奧大人嘅早餐   我最鍾意見佢食咁多嘢   因為代表心情放鬆呢

無諗過碗湯係咁多料   真係食料都食飽

餐具回收區   仍都要將食剩嘅食物渣滓倒入垃圾桶

一路食一路傾   講開佢哋之前都係住呢間酒店   兔兔話啲早餐好悶   日日都差唔多食嗰啲   因為佢多數每樣都拎啲咁嘅   但 CC 就會每日食唔同嘅嘢   咁里奧大人話 CC 講得又啱喎   我就無咩所謂   經歷過上次喺韓國 5 日都係食同一樣美式早餐   我覺得有得揀已經好好㗎喇   哈哈 ~

咁 CC 話尋晚瞓得唔係咁好   因為兔兔有鼻鼾聲   之後里奧大人即刻話我都有㗎   所以佢要戴耳塞瞓覺   仲話有個好方法   就係叫 CC 瞓先   因為我之前鼻鼾聲係勁大   咁遲瞓嗰個係會好難入睡   因為已經好嘈嘛   所以 CC 話今晚試下   但兔兔話 CC 係好興奮緊張囉   因為次次去旅行都係咁喎   呵呵 ~

食到 9 點左右就番上房抖下   之後 9 點就出發去奈良公園   呢個係我最期待嘅地方呀 ~

走廊都光猛   呢樣又係好緊要

睇下天氣預測   最緊要唔好落雨呀   哈哈

我依家都仲有睇日本卡通片㗎   就係櫻桃小丸子喇   哈哈

啲人物都幾核突喎

電視機畫面有埋時間都唔錯

再睇番里奧大人呢張相   我先見到對面有岩盤浴   唔怪得兔兔問我去唔去啦

地下寫咗好多嘢   斷估唔係塗鴉呀嘛   哈哈

一出酒店向右行係 B08 出口   真係好方便

其實都想試下 STARBUCKS COFFEE 嘅咖啡同香港有無唔同   因為我覺得香港沖嘅好淡味   好似飲奶水咁

我哋住嘅酒店係喺大阪難波駅 (OSAKA-NAMBA Station)

去酒店就係向御堂筋線方向喇

好想快啲睇到真鹿呀

CC 負責睇邊個站落車   兔兔就負責買車飛   里奧大人就負責睇住點做   我就負責影相   哈哈

開始買車飛喇

揀完目的地就揀銀碼

最多只可以買 3 張車飛   之後再買 1 張車飛   其實咁樣係用多咗時間

兔兔要里奧大人學買車飛呀   話下次自己嚟都識得點買車飛嘛   好似教細路仔咁   哈哈 ~

難波 -> 奈良 (680 Yen 約 HK$20) (近畿日本鐵路)

見到有啲麵包都要 HK$14   同香港差唔多價錢

有鐘就最好   咁個個睇嘅時間實係一樣嘛   哈哈

搭 A 線

因為有唔同地鐵線行駛同一條軌道   所以要睇清楚時間先好上車

搭地鐵係方便   如果無出錯嘅話   哈哈

咁多站   睇見都頭暈

我哋仲要轉線   所以唔駛坐

唔通呢個站落車 ?!   唔係自己 Plan 真係無記到任何嘢添

我話今日天陰陰咁   兔兔即問我哋有無帶遮 ?!   我哋 3 個同一時間同一語氣答無   哈哈 ~

列車嘅玻璃好清

望到一大片白雲   成個人都好醒神   哈哈

少少紅葉

我話住喺左手邊間屋都唔錯   之後兔兔叫我買間啦   我話唔錯啫   唔駛要買呀嘛   我睇到已經好開心㗎喇   哈哈

好鍾意呢架車呀

應該係住宅   我覺得住呢度都幾靜咁

郊區 ?!

有座廟

我哋要搭 40 分鐘車   所以叫里奧大人坐呀   因為佢揹住部相機好重呢   我哋 3 個就企喺度傾偈

里奧大人間唔中就會偷影我哋   哈哈

去到奈良駅已經 10 點 30 分了

用呢個地鐵線路圖玩接龍都唔錯   哈哈哈哈

個個地鐵站都有洗手間   呢樣真係抵讚

@ 奈良駅手信店

好似幾好味咁

2 號出口係去奈良公園

一出車站就覺得有啲冰冰哋嘅感覺   但我覺得好舒服

紀念人物 ?!

入去 LAWSON 買嘢飲   順便睇下嘢

買咗呢支 IMUSE GREEN (176 Yen 約 HK$9)

希望有機會食到栗子

開始行去奈良公園喇

污水蓋都靚喎

估唔到咁快就見到鹿喇   開心開心

圓筒型建築物好特別呀

一路行一路傾   又影下相又玩自拍   所以有時笑到好熱   CC 話我誇張喎 ~

見到少少紅葉

後面隻梅花鹿好靚呀

兔兔叫我買 "鹿餅" 餵鹿

200 Yen (約 HK$10)   雖然比鹿食   但包起來都唔馬虎㗎

興福寺

小心雄鹿

無咗鹿角嘅鹿

好溫馨呀

好大對黑眼睛

食緊餅了

食完就笑笑口

沿途仲有好多樹

到我餵喇

叫 CC 餵呀   因為佢都驚   哈哈

其實我都驚

我想將塊餅放好啲   但好驚佢以為我搶走佢塊餅呀

梅花鹿真係好靚   但可惜數目唔多

我哋見到無角嘅鹿   就唔會行埋去同埋餵佢食餅

行行下   里奧大人話感覺到有嘢跌落佢個頭上面   原來係白鴿黃金呀   之後兔兔好快手幫佢抹個頭啲黃金啦   但抹完再有黃金跌落佢衫袖呀   里奧大人吸金能力真係好強   哈哈

呢隻個樣好純咁

中間有條直線   唔知係咪幼鹿先係咁

笑咪咪

我今日都要影好多張鹿相   哈哈

呢隻就有對好幼同好尖嘅角

16-24/11/2024 有市集

見到鷹

都有唔少人着和服

好好哋行唔得嘅

登大路地下步道   讀起上嚟都幾撓口

原來依家先去奈良公園   哈哈

隻鹿好乖呀

又見到梅花鹿

有啲食唔停   有啲就飽到唔食

眼定定   好似仲想要咁

咁我再餵佢啦

呢隻梅花鹿好乖咁瞓低比人摸   所以我都排隊摸佢呀

~

鬼妹係自己一個人嚟   所以里奧大人話幫佢影相   佢即刻好開心呀   仲好快手咁比部電話比里奧大人影呀   哈哈

到我摸喇

同佢合照   哈哈

好多人都走去摸鹿

應該係幼鹿先有條黑色直線

我覺得好似 Berry 細個呀

又係有對好大嘅耳仔

餵佢食餅

里奧大人話同佢哋影相   所以叫佢哋餵鹿

CC 好樣衰呀   佢餵嗰隻鹿   居然唔食佢塊餅呀   哈哈

之後仲即刻掉頭走   所以 CC 都即刻望住佢呀   哈哈

咁之後我哋一路行一路傾   突然間里奧大人話一大班鹿跑去同一個方向呀   我哋見到真係覺得好震撼   之後個個都企定定望住啲鹿跑去邊   但兔兔話最驚啲鹿喺後面衝過嚟   講完之後真係有隻鹿喺我哋隔離衝過去呀 ~

好想知道係咩聲音引到佢哋咁樣狂跑

有啲鹿係喺唔同方向跑出嚟   所以其實都幾危險

Nara Buddhist Sculpture Hall

呢個地方都好舒服   雖然周圍都係鹿   但又唔臭喎

佢磨隻鹿角

隻角好尖

我真係唔敢餵呢啲鹿

兔兔吸引到啲大鹿過嚟

兔兔表示無餅喇

我餵親都係幼鹿   無咁攻擊性嘛   哈哈

頭先見到嘅奈良佛像館

我哋 4 個同隻鹿一齊合照呀   哈哈

肯定又係里奧大人叫佢哋影相

離遠見到以為想打架

原來係想親親

一見到有紅葉嘅地方   CC 就會話一齊大合照

呢棵顏色都好靚   所以又要大合照啦

CC 好搞笑   成日都要我同里奧大人一齊影張相

佢有隻眼盲咗   好可憐呀

奈良公園地方非常之大   我哋不斷係咁行   今日又陰陰   所以行得好舒服 ~

呢邊比較多人   因為有得食嘢同買手信

奈良公園觀光展覽地圖

CC 話今日唔算多鹿

好鹿唔攔路呀下

感謝剷屎官

奈良即制特產   哈哈

CC 影相就笑哂

影完就即刻縮喺兔兔後面   佢以前好怕狗添㗎   但依家屋企人養咗狗   佢就無咁怕 lu

之後兔兔再餵   佢都唔知走咗去邊 lu

呢隻梅花鹿好肥呀

兩隻一齊餵   但我拻唔唔切塊餅呀   哈哈

不過佢哋都好乖   唔會撲埋嚟同爭食   如果咁樣   我一定會嚇到會掉哂啲餅落地

仲想繼續食呀   不過我無哂餅 lu

佢哋聞到我個袋有鹿餅嘅味道

一隻走咗另一隻再聞   好鬼驚呀   哈哈

我覺得隻隻鹿都好乖

CC 話頭先有隻鹿偷食餅呀

我話想食雪糕呀

我哋 3 個都揀黑芝麻味   里奧大人話好凍唔食呀

入面應該係店員休息嘅地方

好香黑芝麻味呀   好少會喺朝早 11 點半就食雪糕   哈哈

呢檔係買醬油米餅

制作中

好後悔無買到磁石貼呀

公仔就唔買 lu

CC 話香腸一定唔會食

咁大條   真係食完都飽哂

好靚嘅餅仔同糖

個樣咁迷茫嘅

呢隻就好似嬲爆爆咁

其實都得意嘅

徹退

隻鹿好似見到兔兔就驚到要跑咁呀   哈哈

呢隻鹿超級乖㗎   所以吸引到好多人同佢影相呀   包括我哋   哈哈

CC 點都係驚

影完即走

又聞我個袋呀   CC 叫我伸對手出嚟啦   我話驚隻鹿舔我隻手呀

頭先我叫 CC 摸隻鹿   佢話好驚   之後 CC 叫我摸隻鹿啦   我話其實我都好驚   之喺大家喺到大笑呀   好開心里奧大人幫我影咗呢張相呀   因為自己睇番都覺得笑得好開心呀   哈哈

行下影下又已經差唔多 12 點   啲時間過得好快呢 ~

有對新人影婚紗相

重裝備

又紅又黃又綠嘅樹葉都好靚呀

又見到小心雄鹿警示   其實我離遠見到呢隻鹿都即刻掉頭走啦

一大一細

呢隻梅花鹿走得好快

白色美臀

唔係兔兔講話有隻鹿   我都見唔到呀

保護色

好大棵樹

唔同形狀嘅樹

好鍾意呢棵樹呀

呢棵算係多紅葉喇   所以我哋又大合照   里奧大人帶咗神棍真係方便好多

呢個環境真係令人好放鬆

齊齊泊車

小朋友大膽過 CC

親子遊

今日主要係影鹿

舔舔脷

呢隻好似隻羊呀

好得意呀

@ 大華嚴寺

入去睇下先

有隻鹿喺地下

望上去係咁嘅

左右兩邊都有個好高嘅像

再行入啲睇下

@ 奈良市

有個水龍頭   唔通比人洗手 ?!

隻鹿自己跳入去

咁樣睇就好似比人困住咁   哈哈

行多陣就走人   之後落咗一陣好細嘅毛毛雨   所以我哋好感恩早嚟到咋

一路排隊一路睇下鹿

Deer Parking   哈哈

行到差唔多 12 點 45 分就去附近食午餐   今日運動量都夠哂   呵呵 ~

有 Gurotto Bus   咁又方便喎

我哋喺上層食午餐   下層就係手信店   里奧大人睇完就走出去   因為以為 CC 佢哋只係去洗手間呀   佢無留意上層係食店呀   哈哈

要等位呀   CC 又係話佢哋等   叫我哋周圍行下   不過我哋話一齊等啦   感恩等咗 10 分鐘就有位喇

開餐

雞翅 6 隻 (600 Yen 約 HK$30) - 新鮮炸起   再灑咗啲粉喺面   當堂好惹味

極 JO 餃子 12 隻 (1,000 Yen 約 HK$50) - 大家都覺得好味   因為大家都鍾意食煎餃子

大和牛炒飯 (里脊肉) (2,900 Yen 約 HK$143) - 和牛咬落成口油香   真係好鬼正

大和牛拉麵 (里脊肉) (3,800 Yen 約 HK$187) - 我哋要豚骨湯底   呢個又係好味道

大和大雞翅 (980 Yen/隻  約 HK$49/隻) - CC 話見到 30cm 長先叫嚟食   但我哋覺得無咩味道   同埋因為係即叫即燒   所以等咗成 20 分鐘   仲以為漏單添呀   哈哈

要用手拎住嚟食   所以食到好 "呢 hea"   又整到啲手指都係油   好在有帶濕紙巾   不過最後點都係會去洗手嘅   哈哈

呢餐食咗 10,260 Yen (約 HK$505)

我哋係坐近門口位置

如果坐窗邊就好 lu

抹茶麵包

食完就已經 1 點 40 分   所以又周圍行下先   幫助消化嘛 ~

估唔到有 "麻將" 公仔機

里奧大人話喺度泊車好安全

兔兔話去 mont-bell 睇下   因為佢想買厚身嘅打底衫

18:00 Closed 都算早

最鍾意睇帽

所有袋都好輕身   其實係好啱我   哈哈   但呢個袋要 7,300 Yen (約 HK$362)   我覺得貴呀

我鍾意呢啲四四方方嘅袋款   呢個要 4,180 Yen (HK$ 207)   如果減一半價錢就會買   哈哈

露營用品

想買但好貴

呢件羽絨要 23,100 Yen (約 HK$1,138)   里奧大人話好抵   搞到我都好想買   不過我又唔怕凍   買咗都無咩機會着到   咁旅行又唔係成日去   同埋里奧大人話個款好普通   咁我唔買喇   哈哈

我真係好多年無試過羽絨   所以今次要試下羽絨係點   估唔到呢件係超級輕身   直頭唔覺着咗件羽絨喺身咁㗎   之後我再着番自己件褸   覺得好重呀   真係無比較無傷害呢   哈哈

行山鞋

我都鍾意睇水樽   但就真係唔會買呢

呢個要 7,370 Yen (HK$365)

兔兔自己一個好專心咁睇呢啲厚身打抵衫   佢仲話馬莎都有好厚身底衫㗎   我同 CC 即刻話見到都唔會行去睇啦   里奧大人仲話遇到對手   終於有人係怕凍過佢呀   哈哈

兔兔買咗 2 件中厚手   價錢係 4,950 Yen (約 HK$244)   本來佢想買厚手   我哋話香港着唔到啦   佢先買中厚手咋   之後佢仲想買條厚褲   不過 CC 話佢已經好多   唔比佢再買呀

雖然靚   但真係睇見都熱

露營必備嘅響鈴   哈哈

里奧大人想買呢啲 Zipper Pull   但最後都無買到

縮骨遮價錢由 HK$298 起

隻隻顏色都鍾意

153g 真係好輕   但好貴呢   一陣唔見咗就會好心痛囉

1 點左右走人   CC 話個胃唔係咁舒服呀   唔怪得頭先唔見咗佢一陣啦   原來佢走咗出去 "Gur" 胃氣呀   佢話可能頭先食完塊有啲肥膏嘅牛扒就即刻飲杯凍水   之後就唔舒服喇 ~

最鍾意睇地區車牌   呢架係 "名古屋"

呢個唔識   哈哈

"奈良"

"大阪"

"三重 333" 好特別

途經一個隧道嘅地方   見到有人整糕點

鹿頭人

恐怖得嚟又帶點得意   哈哈

又見到鹿

我話想食蕃薯   所以兔兔話買嚟食

200 Yen (約 HK$10) / 100g

兔兔話 200 Yen (約 HK$10)   但其實呢條要 600 Yen (約 HK$30) 囉   因為 200 Yen 係 100g 呀   好在我無就咁拎 200 Yen 出嚟比錢咋   哈哈

最高同最矮

唔係好甜

同埋好乾呀   得我同兔兔食咋   佢哋唔食真係好好彩   哈哈哈哈

里奧大人講話有隻鹿呀   真係無諗過佢會喺度瞓

冰室神社

奈良國立博物館

其實去邊個國家   我都想試下坐巴士

好開心見到呢架循環巴士   細細架好得意

人力車   上斜真係好辛苦

今日都多雲   天氣預測都好準

仍然繼續行行行

經過市集   今日係 Last Day 喇

熟食攤位

3 個 700 Yen (約 HK$36)   唔會買多啲而平啲

Hand Made 銀包 (9,020 Yen 約 HK$447)   我鍾意紅綠色嗰個   但間格唔啱心水

有唔少人喺呢度食嘢

依家啲狗仔車真係好靚

呢日未完㗎 ^^