( 12-APR-2025 SAT )
感恩瞓得都唔錯 今朝起身都精神呢 ~
又係飲茶喇 不過我又無所謂 都係我次次講多過食 哈哈 ~
鱆魚肉餅飯 - 家姐問想食飯定及第粥 我話食飯呀 因為我有咖啡 唔想成肚水呀 姐夫就自己食陳皮牛肉腸粉喇
鮮蝦菜苗餃
木魚燒茄子
鴛鴦燒賣皇
今次我請 但插唔到卡囉 所以即比八達通呀 唔係家姐又比錢㗎喇 之後我話真係勁樣衰 話請飲茶但碌唔到卡 好似啲人成日話請人飲茶但其實得個講字咁 哈哈 ~
食完就去 Fresh 買飲品同餅乾 之後再去 A1 買埋麵包就番屋企喇 ~
家姐依家會問我買唔買麵包 ?! 咁我多數都會買 今次要買滿 $40 但我買咗幾款包 家姐話折咗應該都有 $46 點知 9 折咗係 $41.4 咁又好喎 我試過買滿 $100 有 95 折 我咁啱買夠 $100.1 呀 呢下夠絕喇 連職員都話我咁勁 我話我其實求其買咋 覺得夠 $100 就走 估唔到咁啱囉 哈哈 ~
番到屋企攬下 Berry 之後就煲圓肉薑茶比家姐 工人即刻企喺隔離睇住仲問份量 我都完全唔記教佢添 ~
最叻就係跳上梳化等零食
扮哂嘢
Berry 瞓喺餐枱隔離 工人話 Berry 唔鍾意去太太度 我都忍唔住笑咗出嚟 我話妳咪咁衰啦 成日激家姐 仲有就係家姐每次買薯片都一定買比工人 佢成日會話我買嘅嘢係好食啲 不過家姐仍都會照買佢食 哈哈
我覺得呢個盒好靚
好惑恩呀又 我前嗰排唔知點解好想好想食蛋卷 諗住買麵包店出嗰啲啦 因為咁份量無咁多嘛 不過又驚唔好食就無買 點知家姐今次比咗海邊走走嘅蛋卷比我 呢個係我唯一去台北唔捨得買比家姐嘅零食嚟㗎 之後喺 APM 見到就好想買番比家姐 但無理由台北唔買香港買家嘛 所以最後都係無買 哈哈
家姐次次分完嘢食比我 佢就好自然食埋一份 問佢係咪唔飽 ?! 佢話唔係呀 係口痕好想食嘢咋 我有時夜晚又係咁 里奧大人又係問我係咪唔飽 ?! 所以我同家姐一定係親生 哈哈哈哈
我一路摸住佢個頭 一路同家姐傾偈 佢真係想瞓咁㗎
坐到離行離列
我迫埋同佢坐 哈哈
Berry 有白髮 我同家姐講話快啲幫佢染髮喇 哈哈
我成日見到啲衫啱家姐 我好想買比佢 但係驚唔啱佢 Size 就無買 上次我忍唔住買咗件衫比家姐 咁我叫佢即刻試 估唔到勁啱身 之後我話下次見到咁上下 Size 就可以買喇 家姐話其實我試埋先啱喎 咁又係喎 點解我諗唔到㗎 哈哈哈哈 之後叫埋工人一齊試衫 佢成日話家姐肥過佢喎 但佢今次着到件衫就嚟爆呀 所以佢唔敢再話家姐肥過佢呀 笑鬼死 ~
同家姐傾開打牌 家姐同糟媽朋友一齊打牌 4 個鐘打咗 6 圈 因為糟媽打 2 圈就話要食下嘢 好搞笑 好記得佢以前話同同事打牌 期間只可以食麵包咋 不過後生又真係可以得嘅 依家就唔會啦 個個退哂休 想幾時打都得啦 以前就難約啫 ~
家姐話糟糟買咗個手機套 話糟糟好鍾意 之後我睇啦 原來係 Minions 嘅阿 Bob 我話估唔到佢仲鍾意 Minions 㗎 ?! 家姐即刻串串共話妳估妳咩 呢句真係駁唔到佢喇 哈哈 ~
今日 Berry 好乖 成日坐喺我哋隔離
傾下傾下又 12 點 45 分走 係時候要走啦 咁就可以同埋 Berry 一齊行街呢 ~
我次次上車 Berry 會毫無目的咁望住架巴士 但又唔係望住我㗎喎 之後聽到個鬼仔話 Berry So Cute 我唔覺喎 哈哈 ~
番到屋企放低哂嘢 之後再同里奧大人去食下午茶 ~
奶油脆脆豬 - 家姐今朝話上次食奶油脆脆豬好味道 所以我又食喇 同埋今日好想飲奶茶 咁就唔會食飯 如果唔係會好滯
招牌焗鮮茄豬扒飯 - 里奧大人話想食酸酸哋嘅嘢
食完去里奧大人公司坐陣 佢做多陣嘢就走 我就要去 LA 活動幫手喇 因為佢哋今日無人手呀 ~
佢哋個個都好鍾意呀 所以我好開心呢
活動完整就去街市買餸同生果 之後再去樓上買三文魚柳同雞肶就番屋企喇 ~
話咁快又 5 點半 係時候預備晚餐 lu ~
特價 $8.9 咋 所以買嚟試下
是日晚餐 - 奧爾良雞翼 (外賣) + 福花
奧爾良雞翼 (外賣) - 喺爵爺買㗎 只係 $22 好過出去食 因為落雨濕濕唔想出去呀 ~
福花 - 今晚唔係咁想食菜 所以煮少少就算 ~
洗埋碗就開機洗衫 之後要休息 ~
同里奧大人一齊睇 "來自地獄的法官" 估唔到都幾好睇 不過睇 1 集先 因為已經 10 點 45 分要瞓喇 ~
沒有留言:
發佈留言