感恩瞓得都唔錯 正想望個鐘就鬧鐘響喇 ~
早餐食芝士火腿包 + 餐蛋包 第一次咁樣食 不過下次買 1 個有餡 1 個無餡好啲 咁樣唔駛咁飽呢 ~
今日班車又早咗 所以食完抖下就去搭車喇 等車期間突然後面有個男人同我講嘢 原來係里奧大人 我話嚇死我呀 ~
又係 8 點 40 分番到菇場 其實我都鍾意咁 因為 Pantry 無咁多人 咁我斟水嘅時候 有人好開心同我講早晨 我真係嚇咗一嚇 原來係 BG 佢話見我窒咗一窒真係唔好意思 我話因為呢度無咩人會咁開心講早晨呀 之後佢話開心又一日 唔開心又一日 同埋壓力個個都有嘅 睇妳自己點平衡番囉 之後講佢同阿仔啲嘢 又多咗了解佢呀 ~
忙咗陣 但要戒備狀態 所以都唔好做自己嘢住先 哈哈 ~
Lunch Time 蒸完飯就出去行陣 今日唔駛買菜 所以行下惠康 好感恩見到糟媽鍾意食嘅餅呀 佢喺永安買要 $24 我叫佢唔好買住 喺 AEON 好似十幾蚊咋 但唔知係咪佢食開嘅牌子 估唔到今日就喺惠康見到佢食開嘅牌子 所以即買 2 包比佢喇 之後再話比糟糟知 咁佢唔駛買嘛 糟糟話佢媽好鍾意㗎喎 錫哂妳呀 哈哈 ~
$18 包 (原價 $22) 點都平過永安
又係忙咗一陣 之後再整呢樣嗰樣 所以好快又 5 點半喇 ~
放工即走 諗住買炸魚皮 但好順腳咁走咗入商場 咁唔買 lu ~
今晚搭小巴番屋企 比平時快好多 感恩感恩 希望第時都可以搭到啦 ~
番到屋企即預備晚餐 里奧大人番到屋企又係即刻食零食 感覺佢係好放鬆咁喎 咁都好 因為佢覺得 Relax 先食零食㗎咋 唔似我係咪都食零食咁呢 哈哈 ~
榴槤請我食㗎 里奧大人只負責送件 哈哈
是日晚餐 - 醬油豬扒 + 臘肉炒芥蘭 + 玫瑰三花腸拚加瘦鮮鵝肝腸
醬油豬扒 - 呢個係新餸嚟㗎 因為睇開個 Blogger 煮咗呢個餸 我又試下 不過就無跟足 因為我用孜然粉醃豬扒呢 ~
臘肉炒芥蘭 - 呢排要清臘味 所以就整呢個餸喇 ~
玫瑰三花腸拚加瘦鮮鵝肝腸 - 終於清哂臘腸 但仲剩番 2 條鵝肝腸 應該下星期可以清埋去㗎喇 ~
洗埋碗抖陣就同里奧大人去做運動 其實我只係做單車機 呢排有時膝頭哥痛 我覺得做咗舒服啲呀 所以每次做 20 分鐘就夠㗎喇 ~
開機洗衫就沖涼 里奧大人熨衫 搞掂就食生果 ~
呂宋芒真係好好味
睇下 Youtube 今晚 10 點半瞓喇 ~
沒有留言:
發佈留言