茄子炒肉碎 + 臘肉拚加瘦鮮鵝肝腸 + 脆門鱔魚皮 (外賣) ( 7-APR-2025 )

( 7-APR-2025  MON )

感恩瞓得都唔錯   如果唔係就大鑊喇   哈哈 ~

早餐食合桃方包   家姐星期六比我㗎   佢買咗 8 片但突然唔想食麵包   真係從來無聽過佢話唔想食麵包囉   咁我話要 4 塊就夠喇 ~

菇場忙咗陣   又可以做自己嘢 lu ~

Lunch Time 蒸完飯就去買菜   番到菇場已經 12 點 25 分   飯盒盞燈都熄埋呀   但又無乾哂水   咁都好啲 ~

唔忙繼續做自己嘢   安安靜靜等放工 ~

放工多數同阿花 船頭 阿後一齊搭 Lift   阿後成日話齊腳一齊走   三缺一都唔得   我話唔會喎   船頭話四缺二都走㗎   之後我話一缺三都走添啦   哈哈 ~

番到屋企即預備晚餐   今晚 6 點 45 分可以開飯   算係快㗎喇 ~

是日晚餐 - 茄子炒肉碎 + 臘肉拚加瘦鮮鵝肝腸 + 脆門鱔魚皮 (外賣)

茄子炒肉碎 - 原來屋企無哂魚香茄子醬料包   所以即轉陣用泰式聖羅勒辣椒醬炒喇 ~

臘肉拚加瘦鮮鵝肝腸 - 終於食哂喇   下次真係同家姐每樣 Share 就可以了 ~

脆門鱔魚皮 (外賣) - 想食就買啦   不過食到有啲驚   咁又好   唔駛成日心掛掛想食嘛 ~

洗埋碗就去樓上   因為想買急凍泰國天然雞翼膇   其實樓上好多食品都唔錯   不過今晚無咩時間行   如果唔係可以買多啲嘢 ~

買完即番屋企開機洗衫   之後沖涼休息喇   好在里奧大人熨咗 2 機衫   咁就可以一齊睇 "臥底旅行團 4.0" 喇 ~

睇完再睇陣 Youtube  今晚 10 點 45 分都瞓覺 lu ~