巨無霸套餐只係 $35 再可以加 $10 配 4 件麥樂雞 (地獄火焰醬) 佢哋比少一盒醬呀 我發覺好多時外賣買 2 個餐係會買比少一樣嘢 上次又係咁 但其實點都要 Check 咗啱先入袋家嘛
講緊好耐以前 巨無霸真係好巨 依家真係漢堡扒同麵包都薄哂 洋蔥同醬汁又少咗呢
( 5-APR-2025 SAT )
今朝 9 點 45 分起身 因為晏晝同家姐食午餐 所以焗麵包食算喇 咁預熱焗爐之後就開手機 見到家姐 Whatsapp 話唔舒服 今日想唔嚟 我話唔舒服梗係唔好嚟啦 要喺屋企瞓覺呀 ~
咁我哋都即沖涼洗頭去食早餐 咁奧大人番晏 早餐要食飽啲 ~
估唔到餐廳又係無咩人 咁真係好多人出去玩喇 因為尋朝去食早餐又係無咩人嘛 本來里奧大人都諗住去深圳玩兩日一夜㗎 因為話我上次玩得好開心呀 但我話個幾月又去 會覺得無咗新意咁囉 同埋好在我話唔去咋 里奧大人話我都無回鄉卡 哈哈 ~
食完就番屋企休息 之後再問家姐做咩唔舒服 ?! 佢話可能食滯咗想嘔咁 驚同我哋晏晝食得好豐富 因為我話食泰國菜 佢怕無胃口食會掃興 但我又想比朱古力比佢 所以我話出旺角比佢啦 咁佢就話去南記 佢好想食酸辣米線呀 ~
傾完就叫佢即刻瞓覺 唔係佢又有排講㗎 我成日 Check 住佢 Whatsapp 上線時間㗎 如果佢仲係 "在線上" 我會叫佢即刻瞓覺 所以佢係呃唔到我呢 呵呵 ~
睇陣 Youtube 再靈修 1 個鐘 之後家姐 12 點幾都起身 佢話頭先都估係我 Send 公仔比佢 但佢都無睇 仲話好少會瞓到 2 個幾鐘 我話我知啦 見妳真係無睇我個公仔 咁應該真係瞓咗覺啦 哈哈 ~
我又整下呢樣整下嗰樣 話咁快就 1 點 15 分 咁陪埋里奧大人去買午餐 之後我就搭地鐵出旺角 lu ~
2 點到旺角就行咗陣先 本來想同家姐食台灣牛肉麵 不過又無開 所以都係去南記算喇 ~
南記無咩人真係太好喇 我仲坐埋卡位 真係好難得㗎 ~
家姐 2 點 15 分都到 我問佢點解知呢度有南記嘅 ?! 佢話對面就係洗牙間診所 咁佢咪知囉 我仲以為佢嚟過食添 ~
因為家姐想飲酸嘢 咁一定係凍檸茶啦 但單叫要 $20 呀 我話咁鬼貴嘅 所以我話去喜茶買嘢飲仲好 ~
家姐話支付寶有 $10 券 但要買滿 $80 咁同佢一齊揀啦 套餐追加又唔夠 我又唔想食一碗米線 之後諗定好食咩啦 家姐就去買喇 佢買完番嚟話 $10 用唔到 職員就教佢咁買仲抵 之後我話: 吓 搞咗一大輪用唔到 $10 ?! 家姐都喺度大笑 我都覺得笑鬼死呀 哈哈 ~
家姐拎張單比我睇 我話駛唔駛咁長呀 哈哈
職員教家姐咁叫會抵啲 上次里奧大人又係由職員教佢點叫會抵啲
雙拚小窩套餐 (春卷+辣腩肉) + 豆漿 ($58) & Shake 脆脆粒 (海苔) (+$16)
Shake 脆脆粒 (海苔) 都幾好味喎
想買酷黑莓桑 問職員酸唔酸 ?! 佢答唔酸㗎 所以我最後都叫家姐揀 佢揀咗清爽芭樂提 我又問職員酸唔酸 ?! 佢笑住話唔係好酸㗎 之後我話其實我應該問係咪無奶先啱 ?! 佢話呢杯係果茶呀 所以我買喇 不過最後杯嘢都收埋無飲過 因為唔想喺人哋地方飲其他嘢呀 怕比人鬧呢
食完就同家姐去百佳買嘢 因為有 92 折 家姐買芝士同豉油同食物袋 咁仲差 $21.1 先夠 $100 之後話唔夠就算喇 就咁買芝士都可以 咁諗住行去放低番啲嘢啦 佢又話再睇下先 真係笑死 明明話唔夠就唔買家嘛 好在最後我買 Pack 盒裝奶茶 啱啱又做特價 $23 咁就一定過 $100 啦 哈哈 ~
百佳個職員好好呀 會問人係咪會員 ?! 因為今日有 92 折 我哋話係會員 佢話咁就好喇 呢個時勢慳得幾多得幾多嘛 咁比完錢 我哋講唔該哂 佢笑哂口話我多謝妳哋就真啦 真係為佢感恩呀 番工番得咁開心呢 ~
家姐去整嘢 我就行去花園街喇 去營多買咗咖哩醬 之後去花園街睇衫 今次忍唔住買咗件外套同半身裙 兩樣加埋只係 $100 咋 唔好睇佢咁平 質地都 OK 㗎 ~
買完再去八珍甜醋買豬腳薑 買完就搭巴士番屋企 ~
感恩我番到崇拜 所以可以同里奧大人一齊崇拜 ~
崇拜完就去里奧大人公司等佢放工 之後差唔多 7 點 45 分先得 咁叫里奧大人去買麥當勞做晚餐 lu ~
番到屋企即沖涼啦 沖完就啱啱好可以開餐呢 ~
家姐比㗎 佢梗係要比啲嘢我先安樂 其實仲比咗合桃方包比我㗎 本身仲諗住比包檸檬糖比我 但我真係唔要喇
田師傅乾咖哩即煮醬料 我記得之前係 $30/2 包 依家加到 $35/2 包 不過都抵過喺超市買嘅 本來我買 4 包㗎 但尋晚又買咗咁多咖哩醬料 所以最後都係買 2 包就算 lu
八珍豬腳薑 好似 $78
睇陣 Youtube 又打下機 今晚 11 點半先瞓覺呀 ~
沒有留言:
發佈留言