漢和韓國料理 @ 官塘 ( 18-APR-2026 )

炸魚皮 / 蛋散 / 春卷 / 韓式煎餅

炸雞皮 / 炸多春魚

饅頭 / 南瓜糕

煎堆 / 薯條 / 韓國粉絲

三文魚壽司 / 三文魚刺身

支竹牛腩 / 炒飯

西蘭花 / 三文魚骨

豬腳薑

 鳳爪 / 雲耳 / 青瓜 / 辣魚仔

芽菜 / 泡菜 / 菠菜 / 粟米

沙律菜 / 西瓜 / 黃桃 / 車厘茄

西瓜 / 菠蘿仲有火龍果

青口 / 蝦

南瓜 / 菇類 / 雞肉 / 牛肉等等

雞翼 / 五花腩 / 羊肉片 / 牛脷等等

我拎咗牛肋骨肉+牛肉

雞翼+魷魚鬚

五花腩+雞腎

里奧大人負責燒

我食咗小食先   樣樣都好味道呀   我仲拎咗煎堆   煙煙韌韌啱哂我食呀

釀尖椒好食仲要係熱辣辣   豬腳薑又係好食   我買 1 包豬腳薑都要 $88   下次真係嚟食好過   哈哈

凍蝦就一般

我掛住傾偈   都無影到里奧大人食咩添   同埋佢自己出去拎   我又無留意佢幾時番入嚟   哈哈

又係差唔多食完先記得影相   牛仔骨唔羶呀

菠蘿好甜又多汁

好似係牛奶公司雪糕

( 18-APR-2026  SAT )

尋晚瞓到 12 點就去廁所   之後好快瞓得番   但瞓到 7 點就醒醒哋   不過都係瞓到鬧鐵響 ~

一開手機   家姐問點解尋晚 11 點仲未瞓 ?!   有時 10 點覆佢嘢   佢都話做咩仲唔瞓   我話 10 點半瞓嘛   同埋 10 點其實算係早囉   哈哈 ~

今朝同里奧大人出去食早餐   食完就去佢公司坐陣先番工   星期六一定唔會咁早番工㗎 ~

尋日朝早黑珍珠叫我下星期幫手 LA 活動   今日就可以休息   咁我夜晚就同里奧大人講話可以一齊拜山喇   但今朝石頭約我食午餐再去 LA 活動   我覆咗佢唔得閒   之後同里奧大人講啦   佢叫我同石頭食呀   話難得佢想見妳   又話屋企人知道我心意就得㗎喇   妳陪石頭食飯啦   夜晚先再 Join 佢哋食晚餐就得啦 ~

菇場唔忙呀   整下呢樣整下嗰樣就好快放工喇 ~

約咗石頭 1 點半喺瞄蘆等   去到時間啱啱好   石頭就早到我 5 分鐘到咗 ~

吉列蝦日式咖哩飯 ($83) - 同石頭 Share 啲蝦   我話今晚韓燒   所以要少飯同埋唔食前菜呀

紅酒煮牛肋條配薯條 ($96) - 石頭同我都覺得牛肋條好入味

叫完嘢食就傾偈喇   佢成日話唔知之後幾時會再見面   我話星期六夜晚食飯都得家嘛   咪講到以後唔見先得㗎   哈哈 ~

佢講咗好多自己嘅嘢比我知   話只係同過 XX 講   因為大家識咗 10 年   之後第二個就係同我講   嗰下真係受寵若驚   之後我問佢其實我哋識咗幾耐 ?!   佢話計計下都有 3 年   我成日以為 2 年左右咋   所以時間真係過得快呢 ~

石頭話今日都有啲攰   因為尋晚睇劇   我即問佢睇咩呀 ?!  佢答 "逐玉"   我話我家姐同同事又話一追就好難停呀   我本身都諗住復活節假期睇   不過太忙無睇   今晚一定要睇呀 ~

今餐當然係我請啦   預祝佢新工愉快   最搞笑佢話等佢出糧請我食餐勁嘅   我話咁去酒店食自助餐   佢話佢兩個朋友又係咁講呀   哈哈 ~

我哋一齊去參加 LA 活動   黑珍珠見到我話好有驚喜   我話特登陪石頭番嚟㗎 ~

差唔多 4 點半就完畢   De-briefing 之後都番屋企休息一下先 ~

石頭送比我嘅韓國手信   佢本身仲有隻公仔比我   不過我話真係唔要喇

里奧大人話 6 點左右到官塘   咁我都早啲去 APM 行一陣   之後就 Join 埋佢哋一齊去漢和喇 ~

今晚有 13 大 2 小仲可以坐房   不過大家之後覺得坐房好焗   哈哈 ~

一路食又一路傾   姑奶話我好溫柔咁同里奧大人講佢好叻   話要向我學習一下   但其實我都無為意當時係咁囉   我話大家互相學習就真啦   哈哈 ~

今次我主要食牛仔骨   但其實紅肉都食唔到咁多   食咗 4 件都飽飽哋   之後再食啲熟食同小食   因為想傾偈呀   所以食熟食方便啲 ~

差唔多 9 點先走   感恩趕到班車   因為 4 分鐘就到呀 ~

番到屋企即沖涼   之後同里奧大人睇 "逐玉" 喇 ~

一口氣睇咗 4 集半呀   差唔多 12 點 10 分先瞓   怪唔得家姐 船頭同石頭都話追呢套劇追到好夜先瞓啦 ~