自家制綠豆花生鹹肉糭 ( 29-MAY-2025 )

( 29-MAY-2025  THU )

感恩一覺瞓天光呀   不過又係 6 點 50 分醒咗   但唔會起身住啦   點都等到鬧鐘響先起身呢 ~

同里奧大人出去食早餐   食完仲趕到班車   實在太開心喇   哈哈 ~

菇場唔忙   所以同阿花 Whatsapp 到 11 點半呀   真係眼都濛埋 ~

Lunch Time 出去行陣   行夠半個鐘就番菇場開餐喇 ~

西瓜出咗出   咁大家都好努力上網   所以好快就放工啦 ~

放工即走   番到屋企即預備晚餐 lu ~

是日晚餐 - 自家制綠豆花生鹹肉糭 + 蘑菇蛋花粟米湯

自家制綠豆花生鹹肉糭 - 阿 Y 整㗎   佢整得好好食呀 ~

蘑菇蛋花粟米湯 - 之前開咗嘅粟米湯飲品   估唔到幾濃味喎   唔錯唔錯 ~

洗埋碗就開機洗衫   之後沖涼休息喇 ~

同里奧大人一齊睇 "MI7"   但我睇到 10 點 15 分都瞓覺先   之後里奧大人話佢都瞓喇   哈哈   大家都只係睇咗半套咋 ~

迷你福建飯 + 乾炒叉燒意粉 (外賣) ( 28-MAY-2025 )

雖然好味   但一個月食咗 3 次   係時候要停喇   哈哈

( 28-MAY-2025  WED )

尋晚瞓得麻麻哋   但感恩起身都精神呢 ~

今朝里奧大人去買早餐   其實咁樣同自己整早餐嘅價錢都係差唔多   哈哈 ~

菇場忙下停下   咁樣都唔錯㗎 ~

Lunch Time 蒸完飯就即出去惠康買沙律醬同去 360 買黑咖啡   其實行下睇下再買埋都用咗 25 分鐘   咁都番菇場開餐喇 ~

里奧大人喉嚨唔舒服要去睇醫生   感恩係普通感冒   食咗藥就好好多呢 ~   

唔忙就做自己嘢又上網睇嘢   難得西瓜出咗去呀 ~

放工即走   買埋外賣先番屋企 ~

食完抖陣再開機洗衫   搞掂就沖涼休息   今晚好攰   唔想做家務呀 ~

睇下 Youtube   越睇越眼瞓   所以 10 點 15 分都瞓覺 lu ~

自家制叉燒 + 鴨肉蒸節瓜 ( 27-MAY-2025 )

( 27-MAY-2025  TUE )

尋晚瞓得麻麻哋   所以鬧鐘響咗都懶床 5 分鐘先起身 ~

今朝同里奧大人出去食早餐   因為我要飲杯提神咖啡呀 ~

坐緊巴士嘅時候   家姐 Whatsapp 話用哂超市積分啲錢   話好似好衰咁   我話難得可以用哂仲好啦   唔駛成日記得要用   依家我有咩現金劵真係第一時間用哂先呀   唔係過期就浪費啦 ~

菇場超級忙呀   開心開心 ~

Lunch Time 出去屈臣氏用電子現象買嘢   但原來係 Lock 咗卡   所以職員話我買唔到   我好驚話咁點呀 ?!   排我隔離個女人笑住話即係買唔到囉   哈哈   之後打比家姐講番呢單嘢   佢都忍唔住笑   仲估我個樣肯定好驚青   哈哈 ~

其實又駛咩驚喎   買唔到咪叫番家姐幫我買咪得囉 ~

唔咗半個鐘又做下自己嘢   話咁快放工 ~

番到屋企即預備晚餐   里奧大人 6 點半番到屋企   但仲未食得   所以叫佢沖涼先呢 ~

Melody 比嘅手信   我同里奧大人講話熊仔膠樽係蜜糖   佢話我咁醒嘅   我話因為屋企都係用緊熊仔膠樽嘅蜜糖囉   哈哈

諗住焗同蒸會好快搞掂   點知要 7 點 10 分先食得呀 ~

是日晚餐 - 自家制叉燒 + 鴨肉蒸節瓜

自家制叉燒 - 里奧大人話好濃味   我話可能醃咗 2 晚呀   咁下次減少啲調味料份量先 ~

鴨肉蒸節瓜 - 尋晚食剩啲燒鴨肉   加埋落節瓜上面蒸都唔錯㗎   望起上嚟無咁寡呢   哈哈 ~

洗埋碗就再整芒果涼粉比里奧大人食   搞掂就沖涼休息喇 ~

睇下 Youtube   今晚 11 點 10 分先瞓呀 ~

豉汁涼瓜燜燒鴨 ( 26-MAY-2025 )

( 26-MAY-2025  MON )

尋晚半夜去完廁所   好難先瞓得番呀   但感恩起身又 OK 喎 ~

早餐食叉燒包   估唔到又幾好味噃 ~

食完就靈修 15 分鐘   之後番工喇 ~

菇場忙呀   咁就好啦 ~

Lunch Time 蒸完飯就出去買菜   再行多陣就番菇場開飯 lu ~

忙咗一陣就可以抖下   不過今日有啲攰   真係差啲瞓着咗呀 ~

放工即走   今日里奧大人去剪髮   所以好快就番到屋企   我都要快手快腳喇   哈哈 ~

是日晚餐 - 豉汁涼瓜燜燒鴨

豉汁涼瓜燜燒鴨 - 買咗 2 個大釘再加埋半隻燒鴨就搞掂   里奧大人話好好味呀   開心開心 ~

洗埋碗就同里奧大人出去搞啲嘢   感恩都好快搞掂 ~

番到屋企即沖涼   之後又睇 Youtube 喇 ~

整芒果涼粉比里奧大人食

望個鐘又已經 10 點 45 分   但其實係想瞓與唔想瞓之間   不過最後都決定瞓覺 lu ~

煙燻燒鴨 (外賣) + 自家制鹹肉糭 + 超甜粟米 + 冬瓜鹹蛋肉片湯 ( 25-MAY-2025 )

( 25-MAY-2025  SUN )

今朝同里奧大人食早餐   食完要即番公司幫手喇 ~

感恩大 Project 順利完成   搞掂就去買餸 lu ~

買咗嚿梅頭   諗住買 $60   豬肉佬切咗 $100   不過都無問題   因為可以留番   咁下次唔駛特登再嚟買   哈哈 ~

買完就去買燒鴨同苦瓜   最後買埋麵包就番屋企喇 ~

煙燻燒鴨半隻   只係 $70

抖陣就去買午餐去里奧大人公司   今日佢要開會   咁同佢喺公司一齊食啦 ~

食剩盒豬手飯   今晚再食

食完即番屋企開機洗衫同做小清潔   熨埋衫就抖下先 ~

差唔多 3 點半先開始整芒果糯米糍   今次用另一個整法   希望整出嚟好食啦   哈哈 ~

搞掂又抖下   

里奧大人 6 點 20 分番到屋企   不過我仲未搞掂   所以叫佢沖涼先喇 ~

是日晚餐 - 煙燻燒鴨 (外賣) + 自家制鹹肉糭 + 超甜粟米 + 冬瓜鹹蛋肉片湯

煙燻燒鴨 (外賣) - 焗咗少少都無食到   之得唔焗啦   哈哈 ~

自家制鹹肉糭 - 阿妹話 Uncle B 自己整㗎   我覺得好好食呀 ~

超甜粟米 - 完全無食過添   所以我拻開一粒粒用嚟帶飯喇 ~

冬瓜鹹蛋肉片湯 - 尋晚整咗好多   咁我拎咗 2 碗呀 ~

一路食糯米糍一路睇 "中年好聲音 3 紅白大戰"   里奧大人好搞笑㗎   成日要一路食一路睇   話咁好 Relax 喎 ~

我包得好樣衰

我懶呀   所以無篩粉   如果唔係賣相應該好睇少少   哈哈

今次個皮超級煙韌呀   我當然好鍾意啦

之後睇一口氣看完 "重啟人生"   我睇錯片長係 24 分鐘   但原來係 54 分鐘呀   其實劇情都係重覆做緊一樣嘢   感覺有啲拖長同埋好悶   咁諗住大結局可能有驚喜   點知係無   哈哈哈哈 ~

睇完都 10 點半   要即刻瞓覺喇 ~

大食會 @ 教會 ( 24-MAY-2025 )

白汁蘑菇長通粉 X 2 - 呢個好好味呀

咕嚕骨 - 味道都 OK

滷水雞翼 & 雞膇 - 好入味

肉碎豆腐 - 無食

勝瓜 - 呢個又係好好味   唔好睇個樣係白雪雪咁

生菜 X 2 - 無食

冬瓜鹹蛋肉片湯 X 2 - 我諗住聽日煲   依家唔駛啦   哈哈

巴斯克芝士蛋糕 X 2 - 想買好耐㗎喇   但里奧大人對呢啲芝士蛋糕無興趣   所以今晚食到好開心呀   仲要係自家制   我覺得非常之好味呀

( 24-MAY-2025  SAT )

感恩又一覺瞓天光呀   開心開心 ~

早餐食雞尾包   雖然好味   但覺得好甜   下次都係唔好買嚟食喇 ~

食食下見到里奧大人開房門裝下我   之後就話醒咗一齊食早餐   食完就番公司做嘢   因為聽日有大 Project 有好多嘢要安排呀 ~

菇場唔忙   又做下自己嘢又上網咁呢   所以好快又放工 ~

同里奧大人一齊食午餐   食完就去里奧大人公司坐陣 ~

口水雞飯 ($52)

份量都唔少

招牌水煮魚飯 ($58)

我都鍾意食啲配菜   有芽菜 椰菜同寬粉

今日有 LA 活動   完畢就去超市買嘢   之後番屋企抖下先出發番崇拜 ~

崇拜之後有小食會   食下傾下真係最開心呢 ~

里奧大人要番公司同阿妹一齊整嘢   所以 8 點半先放工呀 ~

番到屋企即沖涼休息   咁睇下 Youtube   差唔多 11 點先瞓 ~

麥樂雞 12 件套餐 + 板燒雞腿包套餐 (外賣) ( 23-MAY-2025 )

麥樂雞 12 件套餐 ($30) + 板燒雞腿包套餐 ($30)

( 23-MAY-2025  FRI )

感恩一覺瞓天光呀   里奧大人話尋晚去廁所   但我話我唔知呀   咁即係熟睡狀態   成日係咁就好喇   哈哈 ~

今朝同里奧大人出去食早餐   感恩可以搭到班車番工呢 ~

同阿爽一齊搭 Lift   佢問我係咪無帶飯 ?!   因為我無拎個飯盒袋   之前溫總又係咁問   帶開唔帶就覺得好出奇咁   哈哈 ~

唔忙就做自己嘢又傾下偈   不過朝早啲時間係過得快啲嘅   但食完飯之後就覺得時間過得好慢咁囉   哈哈 ~

Lunch Time 出去一田行下   買咗美國安格斯免治急凍牛肉 1 磅裝 ($52.9)   買完諗住買牛雜河   但一出去已經好熱呀   所以唔想食湯粉食到流哂汗   最後都係買燒賣+炒麵算喇 ~

唔忙繼續做自己嘢   好快就放工 ~

今晚里奧大人買麥當勞外賣   我放工就去地鐵站拎糭   點知無得拎   咁一陣食完嘢先再去黃埔拎lu ~

番到屋企已經見里奧大人擺陣   所以一坐低就有得食喇 ~

食完抖陣就出去拎糭   本身我話自己去就得   但里奧大人話陪我出去行下呢 ~

條街超級焗熱   真係拎完糭同買完糖水就番屋企   點知落雨   不過我一定有帶遮嘅   里奧大人話頭先仲話諗緊點樣避雨   哈哈 ~

家姐比我嘅糭劵   今次仍都係鴻福堂嘅豐盛端午糭 (原隻鮑魚瑤柱豚肉裹蒸糭)

番到屋企即沖涼喇   抖陣就食糖水 ~

睇下 Youtube   今晚睇套日本劇介紹   啲劇情真係老土到震   之後再睇下其他片   睇下睇下又 11 點半   係時候瞓喇 ~

香辣脆雞套餐 (外賣) ( 22-MAY-2025 )

香辣脆雞 2 件 + 辣汁蘑菇香飯 (普通) + 汽水 (買一送一 $48.5)

( 22-MAY-2025  THU )

尋晚發惡夢大叫呀   好記得個夢係我一個人瞓覺   成個地方係好黑   之後有隻嘢爬喺我身上想揭開我張被   嚇到我係咁大叫呀   之後里奧大人輕輕力拍醒我啦   我又好快瞓番 ~

感恩今朝起身都精神   里奧大人話我尋晚 "呀呀聲" 咁大叫呀   我話喺夢係好難叫到出聲咁   所以次次都出哂力大叫   同埋成晚鼻塞塞抖唔到氣咁好辛苦   所以更加大聲叫呀   哈哈 ~

今朝早餐食魚肉燒賣   我特登剪開一半先放入冰格   咁就唔駛用咁多時間蒸熱呢 ~

因為無咗班車   所以食完就去里奧大人公司坐陣   估唔到見到阿妹

菇場忙咗陣又做自己嘢   唔錯唔錯 ~

Lunch Time 蒸完飯就出去買粟米同去 759 買紫菜   買完又周圍行陣先番菇場開餐 ~

唔忙做下自己嘢又上網搵嘢   一望個鐘已經 5 點   坐多陣就放工 lu ~

放工即走   今晚里奧大人去 KFC 買晚餐   我番到屋企即沖涼等食喇 ~

食完抖陣就開機洗衫   之後就熨衫 ~

睇下 Youtube   今晚 10 點 50 分都瞓覺 lu ~

蠔油燜薯仔金沙骨 + 蠔油燜茄子 ( 21-MAY-2025 )

( 21-MAY-2025  WED )

尋晚去完廁所都好快瞓得番   不過鬧鐘未響都醒醒哋   但無睇幾點   因為好想再繼續瞓呢 ~

早餐仍然食煙肉芝士迷你酥   今次啲迷你酥好大個呀   希望下次都係咁就好喇   哈哈 ~

菇場忙咗陣   之後聽家姐語音訊息   但唔小心按錯制又打咗比佢   成公司都聽到咁滯   嚇到我即刻去 Showroom 傾呀 ~

家姐去做腕管綜合症手套   但要 1 個月後先拎到   希望有改善啦 ~

Lunch Time 蒸完飯就出去一田行下   行行下見到阿花企喺度睇住人哋整嘢   我問佢睇咩 ?!   原來佢待船頭拎車   因為金鳳米 3 公斤換購價只係 $46 係平呀   我即打比家姐   佢都話平呀   所以我都買喇 ~

我覺得 3 公斤都唔錯   因為我覺得 5 公斤太多但 1 公斤又太少呀   哈哈

忙咗半個鐘   依家覺得肥仔豪病咗之後有啲奇怪   明明做開幾十年都要改   以前唔係咁家嘛   同埋個腦唔識轉彎咁   我幫佢 Set-up 唔係問題   但都要問咗客先家嘛   無理由要我做完一大輪嘢先同客講囉 ~

搞掂就同阿花 Whatsapp   所以話咁快就放工喇 ~

里奧大人今晚要開夜   咁我可以番屋企煮埋飯先出發去佢公司 lu ~

是日晚餐 - 蠔油燜薯仔金沙骨 + 蠔油燜茄子

蠔油燜薯仔金沙骨 - 前晚燜咗㗎喇   所以今晚想食埋去囉 ~

蠔油燜茄子 - 加埋啲蠔油一齊燜   又係方便又好味 ~

搞掂就出發去里奧大人公司   叻叻見到話係外賣飯盒   都唔係自己煮嘅   呢下好笑 ~

本身放喺玻璃碗   但費事又要洗   所以即轉膠盒   如果頭先直接放膠盒   啲薯仔就唔會黐住啲飯喇   哈哈

食完抖陣就番屋企   沖埋涼就要休息下喇   一連氣煮飯同送飯真係幾攰   哈哈 ~

里奧大人 9 點番到屋企   等佢沖埋涼又傾陣偈呢 ~

KOBE MILK CHOCOLAT LANGUE DE CHA (1,080 Yen) - 呢個好味呀   好濃朱古力味

睇下 Youtube 又打下機   今晚 10 點 45 分先瞓覺 ~