燒鴨叉燒飯 (外賣) + 西檸雞拚咕嚕肉飯 (外賣) ( 14-MAY-2025 )

黑椒牛仔骨 ($50) 真係好抵   不過係留番聽晚食嘅

( 14-MAY-2025  WED )

尋晚瞓到半夜熱醒   之後又係咁發夢   臨醒之前個夢係里奧大人識咗個女仔   佢去睇戲   里奧大人話怕佢凍   將買比我件五百蚊嘅新褸比佢着   激到我呢   我話着完唔駛比番我   之後鬧鐘響 ~

個夢同真實真係一樣   因為我唔會着人哋啲衫   除咗里奧大人啲外套   就算我有時好凍   家姐叫我着佢啲外套   我都唔會着㗎   好奇怪呀呢   哈哈 ~

早餐仍然食芝士條 + 和熟車打金文畢芝士包   雖然好味   但連續食 3 日真係要停一停喇 ~

菇場 3D   依家冷氣超級勁凍   我覺得係凍到入骨咁   搞到成個人好唔舒服   船頭話我遲啲要買部暖風機番公司先得呀   哈哈 ~

Lunch Time 蒸完飯就出去行陣   今日唔駛買菜   可以輕輕鬆鬆咁行半個鐘喇 ~

我一開個飯盒見到兩個都係飯   真係嚇咗一跳呀   我即刻睇個飯蓋有無 Label 啦   原來我蓋錯飯盒呀   里奧大人以為我兩個都係白飯   其實我自己個飯盒係喺啲餸上面加少少白飯   另一個係脆肉瓜   所以今日里奧大人只係食餸同瓜   希望佢夠飽啦   哈哈

唔忙但有啲攰   所以上網睇嘢算喇 ~

放工去睇中醫   醫師話我脈象 OK 呀   但血氣仲係唔好   之後話我掌心好熱係陰虛   所以食完藥要再嚟睇呀 ~

睇完去買兩餸飯同糖水   番到屋企放低嘢   里奧大人就番到屋企 lu ~

食完抖陣就沖涼休息   之後就食糖水喇 ~

睇下 Youtube   睇完就同里奧大人傾下偈   差唔多 11 點幾先瞓 ~