迷你福建飯 + 乾炒叉燒意粉 (外賣) ( 18-MAY-2025 )

無諗過食剩大半盒   所以留番聽晚再食

呢盒又係無食過   咁可以帶飯都好

之前仲剩番半斤油麥菜苗   咁今晚食埋去喇

( 18-MAY-2025  SUN )

今朝同里奧大人食早餐   食完就去家姐屋企喇 ~

同家姐行陣超市再去 A1 買麵包   係依家嘅指定動作 ~

住家姐附近有樣好   真係咩都會買多份比我㗎   哈哈

一入屋   Berry 就跳高再舉高手歡迎我   真係好少見佢咁動作 ~

家姐換埋衫就整呢樣嗰樣   又要同我一路傾偈   搞到個人好忙咁   我話整完先傾啦 ~

今日 Berry 唔係咁想坐喺梳化

家姐話今日我嚟   所以尋日同 Berry 沖涼   諗起以前同朱朱沖涼再加埋吹毛要 1 個鐘   最慘係用風筒吹毛係好熱   搞到佢成日咬我   嗰時又唔識買吹風機   買咗就人同狗都舒服好多啦   哈哈

點都唔望我

同家姐喺梳化傾偈   所以家姐叫 Berry 上梳化   之後係咁黐埋嚟

想瞓覺   所以成日郁嚟郁好搵個好位置

熟睡狀態

起身嗰樣真係好肉酸   哈哈

傾傾下偈又話比豬肉乾比我   本來諗住尋日喺地鐵站交收   不過我話唔駛咁麻煩   我改為今日嚟咪得囉 ~

   

呢包係培根肉乾   一打開就聞到好香呀

因為家姐 姐夫要去電視城   所以 11 點半要出門口喇 ~

佢哋一走咋   Berry 女已經嗚嗚聲   工人又未番到嚟   佢完全唔跟我囉   仲無啦啦喺廚房度瞓覺   真係第一次見咁咋 ~

個樣好慘咁   但呢個係佢屋企   佢又記得我係邊個   都唔知點解突然間咁驚

我引佢上梳化   不過只係坐咗一陣咋

個樣唔駛咁慘呀嘛

成日望住門口   係咪真係咁驚我呀

Berry 咁樣坐   我同家姐講話好怕 Berry 衝出門口搵妳哋呀

我同家姐講話自己一個人陪 Berry 無問題   不過最驚係我走嘅時候   佢跟埋我出門口   所以家姐打比工人   話番到屋企就 Whatsapp 話 Berry 仍然喺屋企   哈哈 ~

當我着鞋嘅時候   佢又好驚我咁

12 點半走人   因為里奧大人公司有活動   本身約埋阿妹 12 點食午餐   但我話我無咁早囉   之後佢哋突然間話改 1 點半   我就可以一齊食午餐喇 ~

我同里奧大人食川辣包菜鹹肉套餐   阿妹就食榨菜豆卜蒸牛肉套餐

食完諗住番屋企   不過阿妹叫我陪佢   咁我話我有豬肉乾   佢答得好快話唔食   我忍唔住笑出嚟    我話 Sorry 喎   我頭先都未講完   我係想講話我有豬肉乾要擺番屋企   而唔係比妳食囉   哈哈哈哈 ~

原來中途有個 Break 可以休息同食下嘢   咁又好喎 ~

6 點左右放工   所以都係買外賣番屋企食算喇 ~

林志源招牌肉乾 + 半包培根肉乾

食完就沖涼休息   今晚無得睇 "中三"   有啲唔慣呀   哈哈 ~

又係睇 Youtube   里奧大人 10 點鬆啲就瞓覺喇   我就差唔多 11 點先瞓呀 ~