脆爆雞膇包套餐 (外賣) ( 3-MAY-2025 )

( 3-MAY-2025  SAT )

尋晚去完廁所都好快瞓得番   今朝 7 點 18 分都醒醒哋   諗住瞓到 7 點 45 分先起身   但諗諗下都係早啲食完早餐   之後靈修好過 ~

早餐食碎蛋豬柳包   雖然 Caramel Latte 唔提神   但好想飲   哈哈 ~

食完就靈修半個鐘   之後番工喇 ~

菇場唔忙   差唔多 12 點半   阿怪無啦啦比幾個 Box File 比溫總   咁溫總話呢啲唔係佢   係會計部   所以比番阿怪   阿怪又比番溫總   之後溫總拎去阿輸個位   話等阿輸番嚟處理   阿怪又好驚咁拎番啲 File 落自己位   咁擺明玩嘢啦 ~

我覺得佢係特登咁做   頭先我見佢喺 File 房 Pack 箱已經覺得奇怪   因為今日會計部得佢番   同埋佢好少會咁 Pack 箱   呢啲粗重嘢佢一定唔會做   之前叫佢拎個 File 都唔願拎家嘛   咁如果真係要比溫總   點解今日先比呢 ?!   唔係應該佢一嚟做嘅時候比呢 ?!   都做咗咁多年喇喎 ~

之後佢發顛啦   嬲爆爆衝去溫總個位度鬧佢   話佢尋日當住咁多人臉前話佢咩都唔識   又話成日蝦佢   但溫總尋日只話佢唔明   無人身攻擊喎 ~

溫總話會投訴佢   阿怪又會話訴佢番溫總   真係好笑   全世界都睇住妳走去鬧人呀 ~

咁溫總即刻打電話話比小說知   點知阿怪行去溫總隔離   問溫總同邊個講嘢 ?!   要比個電話佢聽   又扯開溫總張櫈   好在溫總即刻拉番再行去 BG 位置咋 ~

佢哋鬧咗成 10 分鐘呀   BG 話見到溫總隻手震得好利害   佢都驚溫總有事呀   如果暈咗   我哋全公司啲人都唔駛走㗎喇 ~

放工即走   我同里奧大人 家姐同 CC 糟糟講呢單嘢   佢哋都話阿怪黐線呀   點可能咁樣鬧人囉 ~

買埋午餐就去里奧大人公司一齊食   但同榴槤 阿妹傾咗成 10 分鐘先食得   因為今日呢單嘢太經典喇   哈哈 ~

食完就要參加 LA 活動   今日玩遊戲都好開心   但玩完好攰呀 ~

見有時間就去買急凍雞扒同金沙骨   買完就番屋企放低嘢   抖陣就同里奧大人番崇拜喇 ~

今晚我話想食麥記個脆爆雞腿包呀   里奧大人話估唔到   哈哈   咁等佢放工先去買呢 ~

沖埋涼先開餐   真係最鍾意咁樣呀 ~

終於睇哂 "軍檢察官多佰曼"   之後再睇多陣 Youtube   今晚 10 點 45 分都瞓 lu ~