( 10-MAY-2025 SAT )
感恩一覺瞓天光 所以 6 點 40 分起身都唔再瞓 lu ~
今朝早咗 可以一齊同 Berry 行街 我落車嘅時候 工人同家姐講話要準備好 因為 Berry 會衝去我嗰邊 咁我靜靜哋行到 Berry 面前啦 佢見到我就即刻撲埋嚟同尖叫呀 ~
同埋佢一齊番屋企 之後先再出去飲茶喇 ~
陳皮牛肉腸粉
一次過上枱
香煎韭菜角 - 新鮮炸起實好食 哈哈
木魚燒茄子
鮮蝦三寶餃 - 今次啲皮好厚
醬皇蒸鳳爪
鴛鴦燒賣皇
原盆馬拉糕 - 我叫㗎 不過最後太飽無食到 家姐就食咗 1 件 咁我可以留番一陣食 lu
食完同家姐行超市 行下睇下 之後買埋椰子汁就走喇 原來已經 10 點 係時候番屋企喇 ~
Berry 又好熱情撲我喇 咁工人幫 Berry 解狗繩 無啦啦講 Sorry 我以為阻住咗佢 原來佢同家姐講 Sorry 家姐話佢特登講 Sorry 㗎 我話唔明咩意思 家姐就話工人意思係 "Sorry 呀 Berry 唔係跟住你" 真係笑死 工人成日話 Berry 好鍾意我 不過佢想激家姐多啲就真 哈哈 ~
想望又唔望
我一行開就偷望
同家姐傾偈 講開啲同事點點點 估唔到佢啲同事同我啲同事差唔多咁奇特 又係鍾意簡單複雜化 做咗唔記得又話人無教佢 呢樣我就最憎 好多時唔記得點做但又好似做過 我就一定會 Refer 之前啲資料 到真係搵唔到先問人 起碼盡過力 唔係下下一開口就問人囉 ~
偷聽我哋講嘢 哈哈
之後瞓喺我隻腳上面
同佢自拍 佢本身瞓緊覺 我一郁就醒喇
無啦啦轉位 坐喺我同家姐中間瞓覺
家姐要整張証 咁佢已經有張相 但我話唔好睇 所以我話喺我電話搵張有佢樣嘅相比佢 之後佢話即刻影咪得囉 我真係覺得自己超級豬呀 哈哈 ~
工人煮麥皮 咁加啲冰糖 因為好大粒要劈開佢嘛 家姐以為係一粒粒嘅迷你冰糖 奇怪點解要劈開 工人話係一粒粒㗎 原來工人買錯咗原粒冰糖 但佢哋全程係咁講一粒粒真係好搞笑 兩個形容嘅一粒粒又真係一粒粒喎 只係大粒定細粒啫 ~
啱啱瞓醒 個樣變咗好老咁 哈哈
1 點左右走人喇 家姐同 Berry 女送我搭車 今次 Berry 真係望住我上巴士喇 不過個樣唔似係好唔捨得咁囉 哈哈 ~
里奧大人 2 點幾先放工 我話唔出去食喇 食埋尋晚盒叉燒炒意粉同埋馬拉糕仲好 ~
我食唔落呀 里奧大人每人食咗 1 件 又要留番夜晚食 我同家姐講話呢籠馬拉糕好抵食呀 食足 3 餐 哈哈
家姐買比我嘅南丫島南陵金卷辣味白飯魚 ($40)
脆卜卜好好食呀 但都幾辣
尋晚里奧大人見到可樂同出前一丁同啲廁紙 我話買牙膏送㗎 佢話咁抵嘅 所以我決定今日再去買喇 ~
我食完就出去買牙膏啦 咁買完就經過個攤位 職員話買滿 $200 有超市現金劵 我即刻話我係呀 同埋好在我係用電子支付咋 唔係就無得拎 $50 㗎喇 ~
買 4 支牙膏送咁多嘢 如果買 8 支要兩架車 不過其實我可以擺好啲嘅 哈哈
今次又係好感恩 因為我買 4 支牙膏只係 $199.6 但我見到香蕉又想買比里奧大人食 所以買咗 6 隻 最後埋單係 $209 如果唔買蕉就差少少到 $200 咁就無咗張 $50 Cash Coupon 我會好激氣㗎 哈哈 ~
其實番到屋企抖陣 差唔多 4 點幾同里奧大人出去屈臣氏買目清素 因為今日有 88 折呀 同埋滙豐卡買滿 $500 有 $70 電子現金回贈 好在家姐有滙豐卡 所以叫佢幫我買 4 盒呀 ~
買完就去里奧大人公司 之後就一齊番崇拜 lu ~
崇拜完畢就番屋企煮晚餐 里奧大人就要番公司做一陣嘢先走得 ~
家姐打嚟話 $70 電子現金劵係即時喺下一張單扣 佢話第一張單扣咗就係 $508 真係啱啱好 咁就可以一次用哂 2 張 $70 電子現金劵喇 ~
等埋里奧大人番屋企先煮辛辣麵 原來都已經 8 點 我覺得依家自己煮飯好慢咁呀 ~
是日晚餐 - 焗三文魚柳 + 福花
焗三文魚柳 - 方便簡單 同埋唔駛帶飯就想食下魚咁囉 ~
福花 - 買親福花真係至少食兩日 所以里奧大人問我係咪好鍾意食福花 哈哈 ~
洗埋碗就開機洗衫 之後沖涼休息喇 ~
同里奧大人睇" 協商的技術" 不過我睇到 11 點都瞓 lu ~
沒有留言:
發佈留言