迷你福建飯 + 乾炒叉燒意粉 (外賣) ( 9-MAY-2025 )

迷你福建飯 ($38) & 乾炒叉燒意粉 ($38) - 無諗過份量咁多   所以食剩盒意粉   咁可以留番聽日食喇

( 9-MAY-2025  FRI )

感恩一覺瞓天光呀   鬧鐘未響都起身 lu ~

早餐仍然食英式丹麥酥包   今次就搽花生醬喇 ~

菇場 3D   所以個個都好開心呀 ~

Lunch Time 出去行陣   今日唔駛去買菜   可以好輕鬆咁行   行夠半個鐘就番菇場開餐喇 ~

我都鍾意中午食薯仔   因為夠飽肚

忙咗個幾鐘就做自己嘢   話咁快就放工 lu ~

今晚里奧大人開夜   所以佢去買晚餐   咁我到咗佢公司就可以一齊開餐喇 ~

我食完抖陣就去超市買牙膏   只係 $191.6   咁我有 2 張 $100 Cash Coupon   無理由差 8.4 而唔用張 Coupon 嘛   因為留番下次用又未必買夠 $100   想買辣椒豉油但無特價   所以買盒涼粉比里奧大人啦   總共 $200.6   真係夠絕呀   哈哈 ~

我叫家姐估下我買咗幾錢   佢估 $200.5 呀   我話開估定再估 ?!   佢話估   之後打 200.7   我嗰下都笑咗出聲   咁佢話繼續估喎   打咗 200.3   200.2   200.1   200.6   我話好攰呀   哈哈 ~

買完就去里奧大人公司拎番盒意粉就番屋企   放低哂所有嘢就做大清潔   搞掂就整沙律   之後沖涼休息 lu ~

以前鍾意加埋沙律醬一齊撈勻去整   依家就加少少先   食嘅時候再加沙律醬   同埋食唔哂可以比里奧大人食   哈哈

又係睇一口氣睇完乜乜劇   好快就睇到 10 點幾   里奧大人啱啱番到屋企 ~

里奧大人話阿妹頭先搵我呀   仲唔信我走咗   因為個飯盒仲喺度   里奧大人話食唔哂一陣拎走㗎   但佢都唔信   之後黑珍珠話我真係走咗呀   里奧大人話我會一陣番嚟嘅   不過阿妹話太晏唔等我喇   我話阿妹唔信你都唔出奇   好多時我無咁早到你公司   又好少食完即去買嘢呢 ~

里奧大人沖完涼就話食沙律   之後陪我睇埋半集 " 協商的技術"   睇完已經 11 點 15 分   我話要瞓先喇 ~