住家飯 @ 媽咪屋企 + 驚喜薄撐 ( 14-jul-2010 )

豆豉蒸黃立鯧鵝翼 ( 外賣 )豬耳 ( 外賣 )腐乳炒通菜紅蘿蔔海參黃耳豬尾骨湯

( 14-jul-2010 wed )
熱呀熱呀   有陽光係好   但有陽光得黎有小小風   唔好咁曬就更好啦 
今朝又食多士 話時話   其實附近有大家樂   不過依家咁熱   根本唔想行咁遠囉 ~
 

一入菇場凍到震   真係超級非常極之凍   有時真係要入一入洗手間   咁先無咁寒咋   同開同事傾計   佢覺得呢排 d 骨好痛   都唔知係咪冷氣太勁有關呢 ~

食完 lunch box 又上網   諗住瞓陣又瞓唔到   但當想瞓嘅時候又要開工喇喎   噢 ~


里奧大人又上咗大陸   所以今晚番媽咪屋企食飯   叫佢自己搞掂   比 d 私人空間佢咁啦 ~

里奧大人今晚學人玩驚喜呀   佢襯我沖涼嘅時候   去煎薄撐   等我出黎就有得食   仲洗埋隻鑊添呀   幾咁好呀   主動洗嘢喎   呢 d 薄撐喺佢係大陸買架   佢食過覺得好食   同埋好多同事都買   佢就買番黎孝敬我咁啦   又幾好喎   會記得我   定係佢自己鍾意食呢   umm ~