生炒排骨 ( 6-jul-2010 )

( 6-jul-2010 tue  0.5 A/L )

今朝熱到爆燈   早餐又遲黎喎   火上加火呀 ~
 番到菇場又凍到爆燈   凍到對腳就黎行唔到   真係要飲熱水先得架 ~
晏晝 OFF 呀   約咗卜友小卡去發佈會呢 ~ 
去到尖沙咀都唔知食乜好   又唔想食 Burger King 同老麥   附近又無茶餐廳   所以最後都係去星林居食米線   估唔到有好多位   同埋好多都係一個 OL 食嘢   我都估唔到自己咁熱天時可以食米線   但食完又唔係好熱喎   坐坐下仲覺得有 d 凍添呀 ~

食完就去地鐵站等小卡   再一齊去發佈會 lu ~

好榮幸小卡比我陪佢出席呢個惠康活動發佈會呢   原來仲有其他 Bloggers 同傳媒   發佈會當中係介紹 " 史力加與 Dreamworks " 大頭公仔   又有 Bingo 遊戲玩   到最後可以同大大隻史力加影相   完畢之後再同小卡周圍影就走 lu ~

3 點 45 分就完畢   d 時間唔拖唔水   食嘢又唔係喎   大家又唔餓   但又唔見有飲嘢嘅地方   所以同小卡行無印良品   買 d 零食就走喇   我趕住要睇中醫呀   下次再約出黎食飯慢慢傾仲好過 ~
睇完中醫就買餸番屋企預備   里奧大人呢日上咗大陸   所以我 d 時間都幾鬆動   佢番到屋企就可以即刻開飯呢 ~ 
是日晚餐 - 生炒排骨
生炒排骨 - 唔記得係第二次定第三次煮 lu   今次好有心機慢慢整   真係好好味囉   里奧大人讚不絕口呀 ~
今晚無煮菜   因為想專心炸好 d 排骨   所以要食大大碗蘋果沙律取代蔬菜   食完凍冰冰好舒服呀 ~