小草屋 @ 將軍澳 ( 24-jul-2010 )

蜜汁牛柳粒

回鍋肉
蠔仔煎豉汁蒸倉魚金銀蛋莧菜 ( 24-jul-2010 sat )
呢朝要番工   不過就可以瞓晏小小   咁都唔錯架喇   車程又快   仲有時間慢慢嘆早餐添呀 ~番到菇場都係上網等收工   都唔知係好定唔好囉 ~
同里奧大人一齊去赤丸食 lunch   其實唔係好飽   但個胃又好脹咁喎   所以情願睇完樓再食好過 ~ 
冷烏冬 - 又貴咗 $2   得之前係有大同細 size   大嘅係 $15   細就唔記得   不過依家一律得 1 個 size   同埋呢間嘅冷烏冬都唔係咁煙韌囉 
蕃茄海鮮烏冬 - 我覺得湯底唔夠濃   但里奧大人話 ok   不過烏冬份量就好小囉

咖哩薯餅 - 有咖哩味喎   不過好油   食完有 d 漏 

睇到差唔多 5 點有 d 餓   所以去 Food Court 食 d 嘢再周圍行下就番屋企 ~

諗住坐 Shutter Bus 去官塘   但好耐都未有車   見隔離條隊係去姑奶屋企   所以同埋佢地一齊食飯喇 ~ 
因為未餓   所以上姑奶屋企坐陣   順便玩下貓貓   兒甥生女好搞嘢架   次次里奧大人一抱隻貓   佢明明做緊功課都會喺里奧大人手中抱番隻貓貓   所以里奧大人話次次佢一抱就黎搶    平時唔見佢抱喎   今晚真相終於大白喇   原來佢係喺里奧大人手中拎隻貓貓比我抱呀 ( 因為我次次一去到就抱住唔放架 )   噢   估唔到兒生女咁錫我   真係好感動呢 ~

8 點就去小草屋食飯   呢間酒樓又變成飯堂   但水準開始下降 lu ~