咖哩薯仔魚蛋配青瓜 + 薄撐 ( 16-jul-2010 )

(16-jul-2101 fri )
今朝好曬   所以我多數坐曬唔到嘅位   開車無耐就見到一個中年男人   無啦啦半開把遮黎遮太陽   真係 O 哂咀啦   女人都未咁做   同埋佢坐窗邊位   即係一早揀咗架啦   咁驚不如揀另一度坐   好過開遮咁肉酸丫 ~
講起開遮就諗番起之前坐 shuttle bus   有次坐車頭  ( 見有位就坐 )   點知坐定定之後   見到塊玻璃反射咗個女人用把縮骨遮遮住塊面   我個心當堂好寒   驚以為見到鬼呀   再望下隔離個女人   佢真係舉高手拎住把遮喺右邊耳仔附近   但把遮無開嘅   隔咗排又見到佢   唔知因乜事佢無啦啦鬧人   但係講外星話架   好驚囉   肯定係唔正常呀   但打扮絕對正常喎   最驚就係咁   因為睇樣睇唔出係唔正常嘛 ~ 
其實里奧大人都比呢個遮人嚇過架   事緣佢有次喺車度傾電話   所以等到最後先落   點知正想落車嘅時候   佢 feel 到有人企喺佢隔離   佢諗住等佢行先   點知遮人仲唔郁   佢以為係佢 d 家姐整鬼佢   點知佢一望有個人舉起把遮唔開   嚇到佢即刻落車   之後遮人又落車   佢急急行左邊   遮人急急行右邊咁   嘩   比我見到真係腳仔軟行唔到呀 ~  
早餐食 " 歐陸超值早餐 "   其實即係半件餐蛋治    不過我唔會食佢地 d 拌碟蕃茄同青瓜   好似擺咗好耐咁架 ~
 
成日覺得朝早嘅時間覺得過得快 d 咁架   所以一到 lunch time 就好開心   即係番多半日工就放工嘛   今日好想食炒米粉   加埋燒賣同牛肉真係好好味呀   估唔到辣椒油有指天椒喎   超正呀 ~

今晚唔駛買餸好他條   番到屋企仲熨咗 2 機衫   同埋里奧大人 7 點半先放工   我有好多時間預備呢 ~
是日晚餐 - 咖哩薯仔魚蛋配青瓜 + 薄撐
咖哩薯仔魚蛋配青瓜 - 咖哩尋晚整定架喇   仲加埋蟹籽丸同雞柳   今次又係非常之入味呀   不過食剩半盒   又要食多日 lu ~  
薄撐 - 里奧大人喺大陸買架   好似 $4 / 一份   超抵又好味呀 ~