( 13-feb-2011 sun )
番到香港都 3 點半 個飛機餐又超難食 根本都唔飽 但番到屋企又差唔多 4 點幾 食 tea 又覺遲 食飯又覺早喎 所以都係喺機場嘅翡翠拉麵食 d 嘢算喇 不過呢間嘢呢 唔會再幫襯 服務質素係惡劣呀 無禮貌 無 heart 人地未食完又想黎收嘢 一句講哂 不知所謂呀 ~
依家住喺九龍 真係感覺到搭車嘅方便快捷呀 又係差唔多 35 分鐘就番到屋企 所以同里奧大人講 真係好耐未試過喺機場 咁快番到屋企 以前真係計埋等車 真係最小要 1 個半鐘頭架 真係由香港去台灣都唔駛咁耐呀 嘩哈 ~
番到屋企痴咗線 係咁抹屋呀 可能之前唔舒服 根本無心機打理屋企 依家有番 d 精神 所以一入屋 行李都未 unpack 就抹嘢喇 咁多日唔喺屋企好多塵 鼻哥仔好唔舒服架 ~
里奧大人話想食煲仔飯 我話唔好喇 太 heavy 仲諗住食米粉 點知一路執嘢一路睇飲食節目 餓到我呢 最後決定食煲仔飯喇 ~
沒有留言:
發佈留言