愛愛愛 ♡ 台北 Day 2 ( 11-feb-2011 )

( 11-feb-2011 )

落雨濕濕

蚵仔大腸麵線 - 都係第一次去台灣嘅好食 d 
麻辣豆腐湯 - 叫錯咗   其實想叫炸豆腐   不過算啦   無咁熱氣 

黑椒腸 - 又係裡面微熱   點解咁架   上次度度都好好食架   糯米腸 - 我無食   見到咁巨都有 d 驚   同埋個樣十分之衰囉   真係睇見唔想食紅燒牛肉麵 - 個麵條好煙韌   有驚喜呀小籠包 - 無特別   最怪係只供應白醋   無紅醋   

紅豆抹茶銅鑼燒 - 里奧大人想食咋   我食咗一啖   不過里奧大人話好甜好漏


( 11-feb-2011 fri )

嘩   唔好講笑   瞓咗成晚   10 點起身   今朝真係精力十足呀 ~

呢間飯店包早餐架   諗住去食早餐   點知原來早餐時間只係到 10 點   咁無計啦   出去食啦   又係天黑黑呢 ~

歐式招牌堡 - 新鮮整架   超好味Pita 堡 - 都係新鮮整架   又係好好味



家姐想買黑糖   所以比咗張 List 我   話酒店會幫客人訂   點知呢間衰嘢呢   話唔幫我地打電話喎   咁我咪同里奧大人講   家姐 d 同事都係經酒店訂架   所以根本佢地唔想打   我咪黑面指住張 List 嘅 fax 號碼   叫佢地 fax   佢地先肯   做小小嘢都咁   下次唔會再住呢間飯店呀 ~ 


今日又係天陰陰   不過又無影響到心情喎   老土 d 講   因為里奧大人一整日會喺我身邊   有佢一齊我已經好開心   天氣點樣都無咩所謂呢 ~


尋晚決定今日會去淡水   所以就算落雨都照去架喇 ~ 

一出捷運站都幾大雨架   好在之後無咁大雨   感恩感恩   之前黎過淡水架喇   但掛住影相   所以都無留意淡水呢個地方   今次因為落雨關係   所以無乜影相   可以同里奧大人邊行邊傾   感覺好好呀 ~



泡菜臭豆腐 - 唔知食咩好   求其食下嘢咁咋

黑豆花芋圓 - 都唔好食嘅   好在叫咗一碗先咋

黑橋牌珍珠腸 - 超好味呀   食咗 2 串 ^^  魚丸湯 - 普普通通   無咩特別   旨在有地方可以坐下

蝦卷 - 又係要排隊   新鮮炸起真係好好味   不過都唔覺有蝦   得小小豬肉咁囉  細過成日玩 "健子" 架   依家真係好難有得買 lu 細個成日食 "朱古力眼鏡" 架   爸爸次次買零食比我同家姐都係每人兩件嘅   咁家姐唔捨得食   我偷埋佢果排食   佢喊呀   諗番起都覺得自己好衰呀   哈哈明明買糖果玩具   無啦啦有得買真嘅鹹蛋   咁里奧大人仲唔知係真   好大力咁楂住   仲話好真   之後同佢講話係真架   唔好亂玩呀 ~ 


又係行下食下咁囉   咁就差唔多 5 點   因為買咗 d 手信   所以番咗飯店   再出去食嘢 ~今晚就係去 Bell Boy 介紹嘅年宵夜士食嘢   不過都唔係好多嘢食啫   到最後喺附近舖頭食臭豆腐   再去捷運站附近食嘢   再行下地下街就番飯店喇 ~

( 呢件衫嘅叮噹好恐怖呀 )