愛愛愛 ♡ 台北 Day 1 ( 10-feb-2011 )

( 10-feb-2011 )

白苦瓜蜂蜜 - 清熱氣首選  鹽酥菇 ( 金菇 / 冬菇 / 雞肶菇 ) - 好香口   不過食得太多都幾漏   ( 我依家先知個老闆舉 v 字   其實我唔係影佢架   我影菇咋 )

蔓越莓 + 檸檬 - 買最大杯嘅   酸酸咪咪好消滯呀

水煎包 - 好好味架   個包濕濕地   我唔識形容   總知我覺得好好食囉

蚵仔煎 - 黎台灣必食架   其實真係無乜特別   不過梗係覺得台灣係正宗 d 咁囉

燒腸 - 我要黑椒腸   但今次唔好食嘅   內面微暖咋   上次好好食架   嗚嗚  胡椒餅 - 居然要排隊喎   好在唔係排咗好耐   一口氣買 4 個   原來好飽架   留番 2 個番飯店食   食完我同里奧大人講   呢幾日唔會再食胡椒餅呀

芒果沙冰 - 其實想食粉圓架   不過有 d 熱   所以食呢個喇   超好味呀 

( 10-feb-2011 thu )

今朝 9 點起身   食完早餐再番屋企梳洗就出發去機場 lu ~



我地搭 12 點 40 分飛機   所以 11 點半就要到機場   車程好順呀   覺得超快呀   35 分鐘就到機場   諗諗下先記得原來以前住大埔   搭架 E41   起碼要個幾鐘   仲要兜黎兜去先到   所以依家覺得 35 分鐘係超快呀 ~
Check-in 之後就周圍行下   不過呢   我好攰   同埋開始流鼻水   所以里奧大人話唔好行喇   搵個地方坐低食 d 嘢好過喎 ~     


唉   最後都係要食藥   仲要係里奧大人之前睇醫生嘅藥   話收鼻水一流喎   但就會令人昏昏欲睡囉 ~

諗住坐飛機瞓下   但又瞓唔到喎   不過個人就好呆呆滯滯咁囉   話咁快就到台灣   仲快過以前由大埔去機場呀   勁呀 ~



台灣天氣天陰陰   我都預咗呢幾日會落雨   最緊要唔好大風大雨就得架喇 ~  

一落機就去兌換站   再去買電話卡   之後就坐巴士去飯店喇 ~  

( 第 1 件事一定係唱錢啦 )
( 啱唔啱度數架 ?! )

( 坐飛狗巴士 )

我次次去旅行   媽咪都特別擔心咁架   所以我次次一到埗   第一時間會打電話報平安   佢知我安全到埗就會安心好多呢   養兒一百歲   長憂九十九絕對係事實呀 ~  

今次住嘅飯店係 "中源大飯店"   係翻新過架   不過 d 服務員就唔多想做嘢咁囉 ~

呢間飯店都幾多日本團   原來飯店隔離係三溫暖   唔怪之得啦 ~  

一入間房都幾乾淨   但就好暗   令到人好想瞓覺囉   我又好鬼攰   所以我沖個熱水涼   等自己精神 d 再出發去食嘢喇 ~


飯店 Bell Boy 話附近有個地方幾多嘢食   咁諗住行去   不過又搵唔到   所以最後打的去饒河街夜士食嘢算 lu ~

今晚 8 點幾就番酒店休息喇   里奧大人話休息夠   抖足精神   留番聽日玩好過喎 ~