愛愛愛 ♡ 台北 Day 3 ( 12-feb-2011 )

( 12-feb-2011 )

麻辣魚蛋 / 咖哩魚蛋 - 麻辣都幾辣   但個咖哩就完全唔掂呀

豪大大雞扒 - 排長龍呀   等咗 20 分鐘   都算快架喇   第一次食覺得 ok   今次食覺得一般

蚵仔煎 - 里奧大人好 like   所以又食喇   不過好小蚵仔

蕃鬼荔枝 - 無上次咁好食囉   唔夠凍呀   哈蜜瓜 - 都幾甜   買咗 NT200   超貴呀   份量得整個哈蜜瓜嘅 1/4 咋滷水鴨掌 - 尋日喺淡水買咗老天滷嘅鴨掌覺得好好食   所以又試下買其他人整嘅鴨掌   不過都係麻麻地滷水雞肶 / 雞腎 / 雞腳 - d 雞無咩味   反而鹹酸菜仲惹味 



( 12-feb-2011 sat )


間飯店唔知係咪開咗暖氣   尋晚熱到呢   瞓得好差呀   咁今朝又特登 9 點就起身落去食早餐   我已經無期望有好嘢食架喇   但估唔到連最基本嘅炒蛋都無   因為好餓呀   所以食咗小小粟米同菜就打道回府   梳洗之後再出去番尋朝嘅地方食早餐喇 ~


歐式招牌堡 ( 超厚牛肉芝士 ) - 真係好好味   所以又 encoreBagel ( 卡啦雞腿 ) - 即係炸雞腿   不過今次就麻麻地好味   因為我唔鍾意個包

今日又係天陰陰又落下毛毛雨   所以 plan 咗晏晝去鼎泰豐食小籠包   唔知係咪因為星期六   所以捷運站都幾多人噃   同埋鼎泰豐都好多人等位   我地攞咗飛就去 Food Court 坐下   食粉圓粉粿   煙煙韌韌我最 like 呢 ~

粉粿 / 粉圓 / 豆花 @ Food Court - 都幾煙韌  真係食完一碗都飽哂



周圍行下睇下   都差唔多行咗一個鐘就番去睇下有無位   但都要等   咁里奧大人去洗手間   我又入哂神望住 d 師傅整包   之後佢話聽到叫咗我地張飛嘅號碼喎   咁入去問一問   原來真係叫咗喎   噢 ~






今次再食   水準一樣無變   服務態度又好   如果香港所有食肆都係咁就好喇   真係比錢都比得開心 d 囉 ~


蟹粉小籠包 x 3 - 水準無變到   good 呀 

紅油抄手 - d 菜切到超細粒   好有心機咁   皮薄餡靚

紅油拍青瓜- 都唔係拍青瓜黎嘅   失望呀

食飽就去搵珍珠奶茶   第一次去台灣飲果杯珍珠奶茶   係用天仁茗茶沖   所以好好飲   今次特登再搵   點知無 lu   因為珍珠奶茶都唔係咁 hit 喇 ~


台灣嘅 Shopping Mall 好鬼好鬼焗   行兩行已經好攰   缺氧咁   所以去咗 Food Court 買杯珍珠奶茶坐陣喇   見到隔離個女仔食蒟蒻   我話好似好好味咁   之後里奧大人就睇天書   打機又去洗手間   佢去咗幾耐咁   我突然間心諗   會唔會特登去買蒟蒻比我食呢   估唔到真係買咗喎   果刻好感動呢 ~






食完之後就去誠品 lu   逗留咗兩個幾鐘   初初仲諗住無咩書想買   估唔到又買咗唔小   仲有 9折   好開心呀 ~ 


今次打的番飯店喇   超舒服呀   我終於明白點解今次台灣行好似好辛苦咁   原來係因為今次去所有地方都坐捷運   上次就次次打的   唔怪得啦 ~


今晚順便 book 埋的士聽朝去機場   NT1000   同上次一樣   我情願比多小小錢   都唔鐘意拎住行李上車落車   好辛苦嘛 ~ 


番到飯店休息 15 分鐘又再出發去市林夜士喇   今晚食完 Donut 再去夜市   因為我驚之後可能唔會經過呀   oh   去到市林覺得無咩驚喜   同埋今期興起司馬鈴薯呀   嘩   咁漏   點食喎   同埋見到好多好多醬汁喺薯仔上面   真係見到都漏   所以點都唔食呀 ~

行咗一個圈都諗唔到食咩   所以就去排隊買雞扒   再入室內夜市食蚵仔煎   但我真係唔飽囉   同埋我真係好鍾意買嘢番酒店慢慢食   咁先有旅行 feel 嘛   所以最後買咗 d 嘢食同生果就打的走人 lu   呢餐飽到胃痛呀 ~