焗三文魚柳 + 北京炸醬蒸脆肉瓜 ( 11-JAN-2025 )

( 11-JAN-2025  SAT )

今朝 8 點 45 分都起身喇   臨醒之前發夢個夢   咁我喺屋企搵到樽曼秀雷敦   我一開就見到發脹咗嘅啡色物體   之後再睇日子   原來係 2000 年呀   里奧大人叫我唔好掉呀   話好難得可以擺到 25 年喎   之後就醒咗 lu ~

沖埋涼就去食早餐   今朝早咗起身   啲時間真係好用好多 ~

食完番屋企   抖陣就執下屋同埋做小清潔   本來里奧大人番 1 點   但佢喺屋企都係做緊公司嘢   所以佢話番公司做好過   始終公司有齊文件   傾起上嚟方便好多 ~

咁里奧大人執哂嘢預備走   我就即轉睇福寶   佢笑住話轉得好快   哈哈 ~

每次執完嘢就會覺得有好多位剩咗出嚟咁   里奧大人以為我掉咗好多嘢   所以我話我成日要執嘢就係咁解囉 ~

差唔多 1 點就出發搞啲嘢   搞掂就去麥當勞買午餐去里奧大人公司一齊食喇 ~

我覺得以麥當勞嚟講   $58 一個餐係好貴   唔係里奧大人話要食   我唔買添呀   哈哈 ~

招財福寶系列有黃金脆薯牛堡 + 紅豆年糕批 + 中餐條 + 芬達

套餐送利是封

咁頭先我同阿妹講話麥當勞一個餐要 $58 真係唔值囉   不過我老公鍾意食先買   之後佢同里奧大人講話我話買比佢食唔值呀   我即刻話呢句係妳自己想講   唔係我頭先講囉   里奧大人話就係妳呢啲人   成日講講下會變哂第啲嘢   真係笑鬼死 ~

食完就番屋企再執嘢   差唔多 4 點幾就出去買菜   番屋企放低就去里奧大人公司幫手喇 ~

今晚同里奧大人一齊番崇拜   完畢之後就買泰國米粉   買完就即番到屋企即預備晚餐喇 ~

里奧大人本身話譚仔食米線   不過我話唔想   同埋又解凍咗三文魚   想今晚食囉 ~

煮完都 8 點幾   里奧大人 8 點幾番到屋企就啱啱好開餐 ~

我問里奧大人係咪好想去譚仔食米線 ?!   佢話其實只係想食熱辣辣嘅湯粉   咁我話真係好感恩呀   因為我都係崇拜完之後突然想食米粉   所以今晚先煮湯粉咋 ~

是日晚餐 - 焗三文魚柳 + 北京炸醬蒸脆肉瓜

焗三文魚柳 - 今次焗到塊皮都脆   所以好開心呢 ~

北京炸醬蒸脆肉瓜 - 食埋條脆肉瓜   1 條份量其實唔係好多   但唔想又再淥碟菜呀   夜啲食生果算數 ~

洗埋碗就沖涼休息   今晚睇啲記錄片   睇到 10 點 50 都要瞓 lu ~