孜然雞翼 + 韓國辣汁燜牛肋條 + 菠菜苗 + 炸魚皮 (外賣) ( 7-JAN-2025 )

( 7-JAN-2025  TUE )

感恩尋晚瞓得都唔錯   今朝鬧鐘未響都醒咗   但都係等到鬧鐵響先起身   其實都係幾分鐘嘅事   哈哈 ~

早餐食奶皇忌廉包同窩夫   咁樣一定夠哂飽 ~

今朝班車要 8 點 50 分   所以食完早餐去里奧大人公司坐陣先番工 ~

菇場唔忙就做自己嘢   一望個鐘已經 11 點 40 分   啲時間過得勁快 ~

Lunch Time 出去買菜   因為阿齋幫我蒸飯   佢話我唔出去都會趕我出去   佢好怕我又長氣講唔該呀   哈哈 ~

買完菜就番菇場   依家多數 12 點 20-25 分食飯   我覺得算係正常時間食飯   雖然都係早   但好過 11 點 45 分啦 ~

午餐就咁食雞+鴨+茄子   啲同事話估唔到我會食咁多肉

唔忙又做自己嘢   好快又放工 lu ~

買埋 2 支雞骨草同麵包就番屋企   里奧大人就啱啱放工   不過無咁快食得   呵呵 ~

是日晚餐 - 孜然雞翼 + 韓國辣汁燜牛肋條 + 菠菜苗 + 炸魚皮 (外賣)

孜然雞翼 - 上次食土匪雞翼   里奧大人叫我試下整   咁其實唔難就整啦   但就焗得唔夠乾身   最搞笑佢食唔出係咩味呀   哈哈   下次都係落重手啲先 ~

韓國辣汁燜牛肋條 - 好想食薯仔   所以燜牛肋條 ~

菠菜苗 - 見幾靚就買   唔駛成日食芥蘭苗 ~

炸魚皮 (外賣) - 想食好耐   今日忍唔住去買 ~

洗埋碗就做陣家務   里奧大人話抖下啦   屋企都好乾淨   我次次做家務都咁講   佢驚我辛苦   不過我又唔辛苦嘅   只係抹下地啫   始終屋企乾乾淨淨先舒服嘛 ~

里奧大人去做運動   咁我開埋機洗衫就沖涼喇 ~

日本買嘅芥末味脆脆 (378 Yen)

里奧大人食咗 2 條就話夠   我問係咪唔好食 ?!   佢話只係想試下味道   我覺得芥末味唔重   同埋食落甜甜哋   咁好肯定里奧大人唔係咁鍾意食   哈哈

打下機又睇下 Youtube   今晚 10 點 45 分先瞓覺 ~