蒸臘味 + 菜心苗 ( 12-JAN-2025 )

1 隻臘鴨肶 + 1 條玫瑰三花腸 + 2 條加瘦鮮鵝肝腸

( 12-JAN-2025  SUN )

今朝同里奧大人同一時間起身   因為我要去家姐屋企   里奧大人驚我搭錯番公司架巴士   我話我雖然鍾意番工   但都唔會鍾意到星期日都想番工呢   哈哈 ~

鮮蝦三寶餃

醬皇蒸鳳爪

豬潤腸粉

山竹牛肉球

蠔王鮮竹卷

木魚燒茄子

今次我話要請飲茶   雖然家姐話唔駛   不過我都會照比囉   之後我話放心   下幾次會係妳比番嘅   呵呵 ~

去完 360 買茶包同去超市買午餐   再去埋 A1 買麵包就番屋企 lu ~

Berry 女真係勁過癮   又唔知自己好肥   撲埋嚟真係差啲整跌我囉 ~

光頭咁   哈哈

依家 40 磅喇   家姐話糟糟鬧佢呀   叫佢唔好再比 Berry 繼續肥呀

佢隻玩具公仔喺我背脊   但佢只係輕輕力咁扯咗出嚟   之後放喺家姐後面係咁咬   家姐話以為我用隻腳整佢呀   哈哈

傾傾下偈   家姐話要入利是   咁我又幫手入啦   我最怕入新銀紙   因為有時會 2 張黐埋一齊呀 ~

好想食 After Eight 朱古力   所以買嚟同家姐 Share 食

姐夫仲係咳   但家姐話佢感冒清哂   但咳嘅時候好似扯蝦咁   所以佢想去北京同仁堂買啲止咳嘢   咁我陪佢去啦   職員介紹童康片   買 2 盒有 75 折   所以 $720 就搞掂 ~

番到屋企   Berry 又係勁撲我   好似頭先無見過我咁   哈哈 ~

肥中女

眼瞓眼

家姐行緊過嚟

終於肯瞓喺我隻腳上面

我係咁搓佢個頭仔   想佢快啲瞓呀

家姐話佢有好細嘅鼻鼾聲

傾下傾下又 1 點幾   係時候要走喇   家姐同 Berry 送我搭車 ~

有個女仔企喺 Berry 隔離   Berry 係咁索佢呀   家姐問佢隻狗係咪男仔 ?!   個女仔話係呀   之後家姐話佢有陣靚仔味   個女仔都喺度笑呀   真係唔明咩叫靚仔味   哈哈 ~

家姐話工人同佢講   Berry 明明係大狗   點解要叫佢做狗仔 ?!   工人有時問啲問題真係好好笑   所以有時定姐都唔知點答佢好 ~

我同里奧大人講話買咗蔥油餅同椰菜豬肉餃子做午餐   但佢話唔好焗咁煩   留番今晚食   咁是但啦   但我 2 點再打比佢又無人聽   所以我都整午餐喇   反正都係等 ~

里奧大人 2 點幾先放工   番到嚟可以即刻食午餐喇 ~

買咗 2 塊蔥油餅   見 1 塊都好多咁   所以另 1 塊就留番今晚先食

家姐比咗 2 支青檸桔仔水   原來要廿幾蚊支   我覺得貴呀

又比咗呢盒椒鹽白飯魚

仲有罐黑七味

之前買咗榴槤蕃薯   咁順便焗埋去   一陣可以當甜品咁食   哈哈 ~

里奧大人就沖涼瞓覺   不過睇到 4 點左右開始好眼瞓   之後瞓到 5 點呀 ~

見有時間就整神石榴汁   糟糟送比我嘅榨汁機終於開嚟用喇 ~

拻 2 個神石榴都拻咗成 20 分鐘呀   呢個盒只裝咗 2/3 咋

家姐話加埋蘋果仲好飲   不過我懶得切蘋果

今晚唔太餓   所以差唔多 7 點先開餐 ~

是日晚餐 - 蒸臘味 + 菜心苗

蒸臘味 - 呢排天氣凍   食臘味最好   不過其實無咩點食   因為食完塊蔥油餅都好飽   好在依家帶飯   咁就唔駛格硬食喇 ~

菜心苗 - 點都要食啲菜   食唔哂又留番做 Lunch Box ~

洗埋碗就開機洗衫   里奧大人熨完衫去做運動   咁我就沖涼休息喇 ~

我拎出嚟解凍   之後成間屋都充滿榴槤味   好彩里奧大人都食榴槤咋   唔係我都無得食呢   哈哈

今晚 9 點半做 "中年好聲音 3"   睇到 11 點 15 分先瞓呀 ~