薔紅宅急便 @ 紅磡 ( 9-JAN-2025 )

金牌脆皮燒雞配薯條 ($68) - 皮脆肉滑   呢個有驚喜

和風銷魂滑蛋叉燒飯 ($48) - 里奧大人之前都話要試呢個飯   但叉燒唔好食囉

( 9-JAN-2025  THU )

尋晚去完廁所   感恩都好快瞓得番   呢排成日食車厘子   覺得個人比較熱咁   希望呢兩晚快啲食哂去   之後就飲涼茶清熱氣   哈哈 ~

今朝一起身覺得凍咗   之後沖完涼都覺得凍   咁都應該係凍咗呢 ~

早餐食芝士條   里奧大人今日番晏   所以我自己食 ~

菇場唔忙就做下自己嘢喇   難得仍然 3D ~

Lunch Time 蒸完飯就出去行下   之後行咗 20 分鐘諗住番菇場   但聽日里奧大人同林謝謝食 Lunch   所以想買份禮物比佢呀   點知買完已經 12 點 25 分   要快啲番菇場食飯喇 ~

HERSHEY'S 朱古力麻糬曲奇   其實我鍾意有獨立包裝   下次買番盒比自己先   哈哈

仍然唔忙又做自己嘢   話咁快就 5 點半 lu ~

放工即走   今晚里奧大人要開會   所以同佢出去食喇 ~

我本身話食餃子   但里奧大人話難得咁早   去我想食嗰間啦   應該唔駛等位   但又講唔出邊間   只係話右手邊嗰間呢   去到終於知道係薔紅   哈哈 ~

始終新開將又做優惠   之前經過都成日有人排隊   所以今次里奧大人好醒呀   諗到去呢間食晚餐 ~

食完就去里奧大人公司睇啲嘢   估唔到見到阿妹   之後佢叫我揀糕點同新年食品   佢哋咁啱要買呀   真係好喇   家姐又係咁啱想買 ~

傾到 7 點 15 分   里奧大人都要去開會   咁我同阿妹 叻叻 大餅一齊傾偈   講開食車仔麵   我同阿妹都鍾意食豬腸   但大餅話好臭   因為佢唔食  不過我都話如果好臭   我都唔食㗎   之後再講榴槤   大餅鍾意食   但佢老公同仔唔食   有次買咗個榴槤放喺雪櫃   佢話佢老公唔比佢再買呀   因為所有嘢都吸哂榴槤味呀   對於唔食榴槤嘅人嚟講又係好難頂嘅   哈哈 ~

傾呀傾   傾到 8 點先走呀 ~

番到屋企即沖涼   抖陣就熨 2 機衫 ~

里奧大人 10 點番到屋企   佢入屋第一句就話做咩傾到咁晏嘅 ?!   阿妹又話要煮飯嘅 ?!   我話我都估唔到傾咁耐呀   其實每人幾句   時間係好快過㗎 ~

我喺淘寶買㗎   好似 HK$12   用嚟 Chop 月曆   里奧大人話個公仔樣都唔啱位   要自己擰嚟擰去先得   我話十二蚊咁多個   仲想有咩要求呀   之後佢話咁都要認真啲嘛   哈哈

今晚睇 Youtube 啲動物片   睇到 10 點 50 分先瞓 ~