蠔油燜冬菇鵝掌 + 北京炸醬蒸脆肉瓜 ( 20-JAN-2025 )

( 20-JAN-2025  MON )

尋晚去完廁所   好似醒醒哋咁   之後都唔知有無再瞓過   定其實瞓咗   總之聽到鬧鐘響咗就起身   咁起身係精神嘅   所以係瞓得唔錯呢 ~

早餐食餐包搽花生醬柚子果 Jam   好耐無試過咁食喇   所以覺得幾好味   哈哈 ~

菇場忙咗陣就同阿花 Whatsapp 成個鐘   所以好快就到 11 點喇   抖多陣就到 Lunch Time 喇 ~

差唔多出門口   奇怪個袋咁輕嘅   原來唔記得拎銀包呀   阿齋見我番轉頭   佢個樣好驚訝   我話唔記得拎銀包呀   佢話無錢買嘢咪仲好   哈哈 ~

今日要去 Mikiki 買衫呀   買咗 2 件長袖衫   上星期五係 $299 減到 $159   今日 $79 咋   所以即買 2 件同款唔同色   開心開心 ~

買完已經 12 點 20 分   要番菇場食飯喇 ~

唔忙就做自己嘢   今日派新銀紙   咁我數緊銀紙嘅時候   之後阿花喺我後面講多謝哂   比佢嚇鬼死   哈哈 ~

今次 $50 全部都係新銀紙   家姐勁開心

里奧大人 4 點要番公司處理緊急事   話要 6 點幾先走得   咁無問題啦   反正唔會咁早食到 ~

放工買麵包同香蕉就番屋企   一放低個袋就煮晚餐 lu ~

HKTVmall 買㗎   好似 $17   雖然日文字   但其實出產地係菲律賓

買錯咗花生燒餅   啲花生餡好鬼乾

是日晚餐 - 蠔油燜冬菇鵝掌 + 北京炸醬蒸脆肉瓜

蠔油燜冬菇鵝掌 - 想清埋啲冬菇   所以整呢個餸   特登去成興隆買嘅菠蘭頂級大鵝掌   今次燜到甩皮甩骨   但今次成個餸都好入味呀   次次求其燜就好食   比少少心機燜反而無咩味囉 ~

北京炸醬蒸脆肉瓜 - 依家帶飯就多數煮瓜   好在我都鍾意食咋   哈哈 ~

洗埋碗就做小清潔   開埋機洗衫就沖涼休息喇   里奧大人就熨衫   幫輕下我 ~

冠環球啲齋雞粒真係好好味   但元朗真係超級遠   所以真係靠阿莊去買同埋約家姐見面   我先有得食   哈哈

又睇下 Youtube 啲記錄片   今晚 10 點 50 分先瞓呢 ~