焗午餐肉 + 菠菜 + 柳州螺絲粉 + 自家制豬腳薑 ( 24-JAN-2025 )

( 24-JAN-2025  FRI )

尋晚半夜熱醒咗   但唔蓋被又凍喎 ~

感恩起身都精神   之後里奧大人都話尋晚有啲熱   不過就唔想開風   因為又會好凍   哈哈 ~

今朝諗住去大家樂食早餐   但無開冷氣咁   我成日都話熱唔係問題   最怕係焗   我好易焗病嘛   所以即走 lu ~

里奧大人問我件外套鬆唔鬆 ?!   我話 Oversize 嘛   之後佢笑住話其實我着咗佢嗰件呀   其實尋日我喺菇場掛起外套都覺得奇怪   見到件外套係 M 碼   但我記得好似係買咗 S 碼家嘛 ~

菇場唔忙又做自己嘢   咁樣先最忙呢 ~

Lunch Time 出去惠度買嘢   之後買葉橙   有個婆婆點我啲橙係咪好味 ?!   我話我覺得甜囉   之後我問佢點樣揀橙   佢好搞笑   話揀橙嘅外型要靚啦   妳揀老公都要靚仔啦 ?!   我聽完都忍唔住笑   哈哈 ~

今日要帶啲飯   唔係就咁食金湯骨會好鹹

阿齋話買咁多梨牌做咩 ?!   我話平呀   同埋買比老公用   佢話妳老公咁好肯用嘅   我話買埋都唔用 ?!   之後我話男人好多都唔鍾意搽 Hand Cream   所以我要買無咩香味嘅比佢搽囉   唔係佢啲同事以為邊個女仔成日搽 Hand Cream   呵呵 ~

1 支 $13.8 咋   平時最平都要 $18 㗎

唔忙就做自己嘢   一望個鐘已經 5 點 13 分   要即去洗杯喇 ~

放工即走   番到屋企即預備晚餐   里奧大人 7 點左右番到嚟   但今晚 7 點 15 分先食得呀 ~

我一定唔會要呢包酸筍   因為我覺得好臭   同埋酸醋都唔會落   哈哈

里奧大人買咗包蝴蝶酥   原來同事買多咗呀   所以叫我分啲比家姐同佢啲家姐   我覺得咁樣分比多啲人就最好   因為我仲有包杏仁條要食呀

是日晚餐 - 焗午餐肉 + 菠菜 + 柳州螺絲粉 + 自家制豬腳薑

焗午餐肉 - 諗住里奧大人早放工就買煎釀三寶   不過當佢放工都已經收檔   所以焗午餐肉算喇 ~

菠菜 - 好耐無食   係時候食下喇 ~

柳州螺絲粉 - 里奧大人鍾意食   咁煮比佢食啦 ~

自家制豬腳薑 - 鴻福堂換嘅   但唔好味囉 ~

洗埋碗就做小清潔   之後食湯丸喇   因為我好想食煙韌嘢呀   哈哈 ~

食完就開機洗衫   之後沖涼休息   里奧大人就熨衫喇 ~

真係好驚腳趾甲倒生   好在里奧大人之前幫我剪咗少少再挖下  等我啲腳趾甲可以唔駛插入啲肉入面   咁尋晚以為搞掂哂   但都係痛   今晚我再慢慢挖出嚟   終於成功   感恩感恩 ~

睇下 Youtube   今晚 11 點先瞓覺 ~