肉醬意粉 + 家鄉鹹水角 (外賣) ( 23-JUL-2025 )

( 23-JUL-2025  WED )

感恩一覺瞓天光呀   又係鬧鐘響都醒醒哋   不過我都會繼續瞓到鬧鐘響先起身呢 ~

里奧大人瞓得唔係咁好   所以晏啲番工   我仲諗住同佢出去食早餐添   依家唔駛諗 lu   哈哈 ~

早餐食牛油排包   搽芝麻醬都好味道呀 ~

諗住早啲搭車去買滿漢杯麵   不過無紙巾送   咁我唔買 lu ~

菇場忙呀   差唔多 10 點半先搞掂   之後同冰姑 Skype   又回復正常生活了   哈哈 ~

Lunch Time 蒸完芋絲再出去 7-11 買滿漢杯麵   買完都即番菇場喇   因為已經過咗半個鐘喇   我唔想煲乾水呀 ~

加咗鰹魚粉同辣椒油嘅雜丸芋絲

唔忙又繼續 Hea   今日出咗好多汗   所以想抖下 ~

放工即走   番到屋企即預備晚餐同煲蕃薯糖水喇   里奧大人無耐都番埋嚟   見佢係咁食零食   以為佢好餓添   不過我見佢食零食都開心嘅   起碼番到屋企係覺得好 Relax 咁嘛 ~

里奧大人話皇上今日開完會再出去開會   無時間出去食嘢   就咁食能量捧就算   之後里奧大人話點得㗎   因為知道皇上開會開到好夜   所以比個滿漢杯麵佢食   里奧大人話依家無哂杯麵 lu   我話真係好啱喎   咁啱我買咗 3 個   咁第再特價再買多幾個   等佢拎番公司   有人食可以比佢哋食喇 ~

3 個杯麵 + 3 件薯片 + 2 Pack 迷你紙巾 + 1 Pack 抹手紙 ($69)   其實我睇錯係 $59   但叫咗職員拎迷你紙巾出嚟就買啦

是日晚餐 - 肉醬意粉 + 家鄉鹹水角 (外賣)

肉醬意粉 - 里奧大人居然食得出係牛肉   之後問我係咩醬汁 ?!   真係笑死   我話用咗茄汁呀   佢唔話似嘅   我話可能落多咗啲豉油   哈哈   我話等我身體好番啲   我會加埋蕃茄蓉煮   咁樣係好食好多呢 ~

家鄉鹹水角 (外賣) - 尋晚見到做特價 $15 好抵   所以即買但食唔落   咁今晚一定要食喇   估唔到好好食呀   個皮好煙韌 ~

洗埋碗抖陣就同里奧大人去做機   今晚可以做半個鐘   其實我呢排條腰好痛   做半個鐘真係極限   等到每月一到走咗   我要睇番中醫調理喇 ~

沖埋涼抖陣就食蕃薯糖水   里奧大人鍾意食   咁又易煮   所以就煮比佢食喇   哈哈 ~

食完就熨 2 機衫   但只係熨哂底衫褲同襪   其他衫褲要里奧大人熨喇   因為我開始覺得熱   我唔想再沖多次涼呀 ~

我坐定定睇 "旅行最緊要近"   里奧大人就一路熨一路睇   不過佢又無咩所謂   同埋我其實都錄咗   之後再睇都無問題   哈哈 ~

睇多陣 Youtube   今晚 10 點半都瞓 lu ~