大食會 @ Party Room (官塘) ( 18-JUL-2025 )

煙三文魚沙律 - 份量都幾多

酸辣鳳爪 - 咁睇個賣相好似無咩味道   但原來味道都夠酸辣   同埋夠凍呢

炸雞配芥末醬

蒜片牛肉粒

咖哩雞配薄餅

金菇牛肉卷 - 如果多啲汁就更好喇

葡汁時蔬

白汁蝴蝶粉

肉醬意粉

白汁意粉

炒飯

吞拿魚碎蛋三文治

薄餅

( 18-JUL-2025  FRI )

感恩瞓得都唔錯   里奧大人 6 點 55 分起咗身   咁我又好似醒醒哋   不過見咁早又唔想起身住   所以懶床都 7 點 10 分先起身 lu ~

早餐食茄汁薄餅   我其實應該買 1 個 Share 食就夠   因為呢啲真係比較飽肚呢 ~

菇場唔忙   不過其實大家係各有各忙   哈哈哈哈 ~

Lunch Time 仲係黃雨   所以都無落街行 lu   其實好唔慣咁樣㗎   始終我都係鍾意出去行下   比自己對眼睛抖下呢 ~

唔忙又做自己嘢喇   今晚唔駛煮飯   因為里奧大人兒甥女個女搞生日 Party 呢 ~

放工即走   咁啱同里奧大人差唔多時間落車   所以行陣 APM 先喇 ~

6 點 45 分到   原來 7 點半先開始食嘢   所以我即去玩波波池呀   我好想玩好耐㗎喇   佢哋話我開心過班細路   我話梗係   我唔會無啦啦自己走去玩家嘛   哈哈 ~

食下傾下   以前覺得親戚角色唔太重要   因為始終有咩都會同老公同家姐同朋友傾   但真係年紀開始大喇   原來感覺又唔一樣   今晚同姑奶兒甥仔女傾偈   傾嘅嘢係好深入嘅   大家都無保留   呢個感覺就好似我同家姐傾偈一樣   其實我覺得好開心   始終以前我唔會咁做嘛   同埋其實愛多一個人就等如被多一個人愛咁   因為佢哋其實都好錫我嘅   上次同姑奶傾偈   佢仲記得我啲嘢   反而有時佢細佬啲嘢都唔記得   所以真係好感動㗎 ~

難得出開官塘   里奧大人就約埋菜仔見面   所以 8 點半都走喇 ~

買埋嘢飲就去菜仔舖頭   傾呀傾   最搞笑傾星座   我真係除咗記得自己同里奧大人嘅星座   我其他都唔記得㗎 ~

綿芝芒果 ($35) - 味道好淡呀

一路食一路傾   呢個朱古力泡芙好味呀

咩都傾一餐   之後個蜜瓜都凍喇   可以食得   無咩幾何 11 點半先食生果   哈哈 ~

菜仔買咗個網紋哈蜜瓜

估唔到都好甜呀   但價錢平靜崗好多   所以係好抵食

菜仔問幾點走 ?!   里奧大人話都諗住搭的士番屋企㗎喇   佢即刻話再繼續傾   傾到 1 點 20 分先走呀 ~

諗住走啦   菜仔話要影張相先走呀   之後同我講話食飯呀   我以為要有飯氣要食飯   原來係話約食飯呀   哈哈 ~

我同里奧大人話好多時見菜仔   佢講嘢成日無厘正經   今晚真係傾咗好多嘢   又笑餐死   所以真係超級開心呀 ~

番到屋企即沖涼啦   睇多陣手機都要瞓覺   因為已經 2 點喇 ~