燒汁五花腩 + 千層蔥爪餅 + 粟米蛋花湯 ( 31-OCT-2025 )

( 31-OCT-2025  FRI )

感恩瞓得唔錯   最搞笑里奧大人 5 點幾突然起身問我係咪拍門 ?!   如果唔係比佢嚇一嚇   我就一覺瞓到鬧鐘響呢 ~

早餐食芝士條   好似好耐無食   所以覺得好有新鮮感   哈哈 ~

食完去里奧大人公司坐陣先番工   今日唔駛咁早番公司呢 ~

菇場唔忙   難得 3D 又可以無限上網喇 ~

Lunch Time 出去行陣再食水餃上海麵   食完再去 Mikiki   行到差唔多 12 點 45 分就番菇場 lu ~

今日得幾個同事番工   好似啲家庭式營業咁 ~

突然好眼瞓   所以特登望下個鐘先合埋眼   咁就知道自己有無瞓   我望個鐘係 3 點 45 分   但一開眼已經 3 點 55 分   咁即係有瞓到啦 ~

一睇手機見到 8 卦 Whatsapp   咁就時間啱啱好   可以傾到放工   哈哈 ~

放工去買雞骨草比里奧大人   職員話我隻手好凍   仲講咗 2 次   可能佢都好難理解點解隻手可以咁凍   哈哈 ~

番到屋企已經目到里奧大人   不過肯定無咁快食得   我依家煮嘢好慢咁   不過我就真係唔想好似以前咁急趕就真嘅 ~

是日晚餐 - 燒汁五花腩 + 千層蔥爪餅 + 粟米蛋花湯

燒汁五花腩 - 用嚟夾手爪餅   所以煮燒汁   咁樣都夾㗎 ~

千層蔥爪餅 - 今晚好有心機整   脆卜卜好味呀 ~

粟米蛋花湯 - 懶得買菜   咁就滾呢個湯   但真係唔多覺有粟米粒囉 ~

洗埋碗抖陣就出去行   里奧大人就去做機   我行完再去惠康買廁紙   咁我唔記得咩牌子   所以即打比家姐   佢話以為咩事咁急搵佢   因為唔見有 Whatsapp   哈哈 ~

番到屋企都見到里奧大人   佢話熨埋 2 機衫先食生果   咁無問題啦   我都諗住沖完涼先食 ~

同里奧大人一齊睇 "臥底旅行團 2.0"   睇到 10 點 45 分都瞓覺 lu   好難得咁早瞓呀 ~

銘興山西刀削麵 @ 紅磡 ( 30-OCT-2025 )

熱拌雞扒刀削麵 ($55)

麻辣豬軟骨刀削麵 (酸辣湯底) ($52)

蘿蔔今晚嘅主菜   酸酸甜甜好開胃

( 30-OCT-2025  THU )

尋晚瞓得好差呀   但感恩起身都無難度 ~

今朝同里奧大人出去食早餐   飲完杯醒神咖啡當堂精神哂 ~

食完去里奧大人公司坐陣   咁同阿妹傾偈咗好耐啦   佢話我做咩咁快走   仲叫我搵日請假過嚟陪佢   我話唔駛咁恐怖呀嘛   哈哈 ~

菇場唔忙   又可以做自己嘢 ~

Lunch Time 出去行陣再去食牛筋米   之後又去 759 買濕紙巾   再行到 12 點 40 分就番菇場 lu ~

唔忙又繼續做自己嘢   個人開始攰攰哋添 ~

放工去睇中醫   依家血氣都好呀   所以醫師叫我得閒先再睇   感謝主 ~

睇完就去食店喇   咁我打比里奧大人問佢喺邊 ?!   佢話入嚟啦   之後見到碟醃蘿蔔   其實我真係好感動㗎   我好肯定佢一坐低就去拎比我   我成日話佢唔記得我鍾意食嘅嘢   佢會話我咁多嘢都鍾意食   點記得咁多喎   我話樣樣都鍾意食但有啲係特別鍾意食家嘛   嗰啲咪得煙韌嘢同乳豬之嘛 ~

食完去 Big C 買脆脆條   之後去 AEON 去買嘢   買完就走喇   但里奧大人就要再番公司整嘢呢 ~

番到屋企就開機洗衫   之後沖涼休息喇 ~

Big C 買嘅 BITEE 脆脆條 (冬蔭味 / 麻辣味) ($11/3 包) - 呢隻脆脆條好味道   所以特價又買嚟食喇

尋日買嘅甜醬 / 辣麵豉 / 越南油浸柊香馬友 / 臘肉 / 三花腸 / 鴨潤腸

睇下 Youtube 又打下機   今晚 11 點 15 分都瞓覺 lu   呢排真係好少 10 點幾瞓添 ~

翟道翟 (CHATUCHAK Thai Cuisine) @ 官塘 ( 29-OCT-2025 )

泰國金柚鮮蝦沙律 ($92) - 我真係第一次食咁好味嘅金柚沙律

豆醬炒椰菜苗 ($88) - 我成日覺得豆醬無咩味   估唔到又係咁好味   哈哈

冬蔭功蝦湯 ($88/小)  - 菜仔一坐低就話要飲

都有唔少料

慶住就唔會咁快凍

炭燒香茅魷魚 ($98) - 文西話有香茅味   同埋口感都彈牙   依家鍾意食魷魚   以前唔鍾意食㗎

炭燒沙爹雞牛豬 ($108) - 呢個都好味   但我哋 3 個食咗好少   要菜仔食埋去   最緊要佢唔嘥嘢   哈哈

芒果爆珠糯米飯 ($42/杯) - 芒果都甜   糯米飯係熱同埋腍呀

SINGHA ($28/支) - 叫咗 2 支   我叫里奧大人唔好飲咁多   唔係飲完眼瞓傾唔到偈   哈哈

( 29-OCT-2025  WED )

感恩瞓得都唔錯   同里奧大人瞓到自然醒   差唔多 9 點半都起身   沖埋涼又整呢樣嗰樣   10 點先出發食早餐 ~

今朝同里奧大人出去食早餐   因為一陣要體力勞動   我哋要食飽啲 ~

食完番屋企抖下   里奧大人洗冷氣機隔塵網   我就開機洗衫   晾埋衫就出發去 Y 姑屋企喇 ~

今日有大工程   所以姑奶同 Auntie C 都幫手   最搞笑佢哋話見到我覺得非常開心同驚喜   因為無諗過我會嚟幫手呀 ~

整到 3 點都有啲餓   但唔想食嘢住   最後大家都話餓   原來已經 4 點半   所以即叫下午茶喇 ~

5 個人食 3 個下午茶餐   最後食剩半盒炒飯同少少伊麵   我哋掛住傾偈都無咩點食   哈哈

Y 姑又燜咗鮑魚鴨掌同煲咗魚湯   我飲咗 3 碗細嘅   我仲食埋栗子蓮子   真係夠哂飽 ~

食完就要走喇   因為約咗菜仔   本身里奧大人約咗菜仔 3 點   之後再改 5 點   最後要 6 點先到 ~

估唔到見埋文西   同佢真係好耐無見啦   佢認唔到我呀   所以即刻叫里奧大人上前   唔係以為我係乜水   哈哈 ~

一路食榴槤月餅一路傾   其實我同里奧大人話食完晚餐先食啦   但菜仔係都要話依家食

傾到 7 點幾都走喇   菜仔話去新哥   我話不如試下翟道翟   不過我未去過喎   文西同里奧大人話去新哥啦   因為驚去到翟道翟無位要行番轉頭   之後菜仔係咁話要去翟道翟   文西咪話佢囉   頭先揀食咩就講咗幾次新哥   依家又係都要翟道翟   黐鬼線 ~

我再強調話未食過㗎   不過 CC 話食過幾好味   因為我好驚揀食店   上次尖沙咀嗰間好難食 ~

今晚 8 點先食晚餐   咁都好   因為其實仲飽緊   哈哈 ~

一齊影相最開心   之後又乜鬼都傾   太耐無見文西   都唔記得佢係咁 Talk 得   哈哈 ~

傾開食魚   佢哋話有人食錦鋰   我話唔係養嘅咩 ?!   之後文西話大家都係魚嚟啩   我話又唔見人食金魚 ?!   不過我以前聽過啲人話善字腸係金魚肉做嘅   嚇到我唔敢食   但其實又點會吖   邊嚟咁多金魚肉喎 ~

我問文西驚唔驚米奇同阿強 ?!   佢話梗係驚啦   咩妳唔驚咩 ?!   呢句好笑   我話問你唔代表我唔驚喎   呵呵 ~

菜仔話買咗件衫好耐   件衫好靚但唔捨得掉   我話依家仲啱着真係好喎   之後文西即問啱着但有無着先 ?!   菜仔話無   我哋即刻話捐咗去啦   頭先 Auntie C 先話佢老公話啲衫唔着 3 年就要捐   我話我依家唔着 1 年都捐喇   我依家斷捨離   如果諗緊仲着唔着到同用唔用到就即捐   因為真係要嘅話就唔駛諗啦   里奧大人都話我依家好狠呀 ~

文西同菜仔又係多數去日本   我話我朋友同公司同事又係   反而泰國真係少人去咗   不過依家咩都貴哂   我同佢哋講家姐上次按摩遇到不快事件呀   搞到我都唔想去按摩 ~

食下傾下又 9 點半   雖然間舖頭 10 點關門   但我哋坐到 9 點半都無哂客   咁我哋都唔好意思坐咁耐喇 ~

我哋覺得呢餐好味道呀   所以下次會約埋媚媚   之後我話下次都同 CC 轉嚟呢度食   哈哈 ~

食完就送文西搭車   我同里奧大人就要去菜仔舖頭拎嘢   之後又幫佢睇下嘢   差唔多 10 點先走   拎袋走嘅時候   菜仔講咗 2 次話好想摵我塊臉   真係黐鬼線 ~

番到屋企即沖涼喇   我日完全無睇到 Whatsapp   咁啱 CC 又問嘢   我 10 點幾先覆佢   佢以為我過咗關即覆佢嘢   我話得一日就肯定唔會去深圳啦   未得辛苦過咩   哈哈 ~

里奧大人 11 點 15 分瞓   我飲咗杯檸茶瞓唔着   差唔多 1 點 15 分先瞓呀 ~

泰式聖羅勒辣椒醬燜排骨 + 寧夏菜心 ( 28-OCT-2025 )

( 28-OCT-2025  TUE )

感恩一覺瞓到 7 點 21 分起身   咁都起身整早餐 lu ~

早餐仍然食甜餐包搽花生醬   里奧大人放假   所以我一定係買麵包   咁佢就唔駛特登出去食早餐喇 ~

食完就靈修 10 分鐘   之後番工喇 ~

菇場忙呀   真係估唔到 ~

Lunch Time 蒸飯   小說見到翻熱覺得好驚訝   話以為我啲嘢係新鮮整   我話我一定唔會囉   我唔想由朝煮到晚咁喎 ~

唔駛買菜就去 Mikiki 行下   行到 12 點 15 分都番菇場開餐 lu ~

唔忙但 3D   所以即上網睇嘢喇 ~

放工即走   行行下有人叫舅母   今次我終於第一時間認佢喇   哈哈 ~

阿花見我個銀包係綠色   話我其實都鍾意綠色   我話都係㗎   之後我開比佢睇銀包嘅間格   佢話個銀包長過以前嗰個   無諗過佢會記得 ~

番到屋企已經見到里奧大人   咁我都要即即刻煮晚餐了 ~

是日晚餐 - 泰式聖羅勒辣椒醬燜排骨 + 寧夏菜心

泰式聖羅勒辣椒醬燜排骨 - 唔想又整蒜蓉豆球排骨   同埋呢個餸配麵係好唔夾   所以即刻諗起用泰式醬焗排骨   好在之前拎咗樽醬出嚟   唔係真係唔知點煮排骨好喇   哈哈 ~

寧夏菜心 - 叫里奧大人幫手浸定菜   一番到屋企就可以淥得   真係慳番唔少時間㗎 ~

里奧大人食完飯要番公司做啲嘢   我洗埋碗就抖陣   之後同里奧大人去玩康樂棋   玩到 9 點就走喇 ~

番到屋企即沖涼   之後又玩 "上海麻將"   玩到 11 點半先瞓 ~

蒜蓉豆豉蒸排骨 + 寧夏菜心 ( 27-OCT-2025 )

尋晚食剩嘅燒鴨   已經夾咗幾嚿做聽日嘅午餐

( 27-OCT-2025  MON )

一覺瞓到 6 點幾   之後瞓下醒下   所以起身有啲攰 ~

早餐食芝麻餐包搽花生醬   今朝食覺得好乾呀   哈哈 ~

菇場忙到 10 點就搞掂   又做自己嘢啦 ~

大老闆請食奇異果   我好驚酸就唔拎啦   點知西瓜每人派一個喺枱面

Lunch Time 蒸完飯就出去行下   其實有啲攰   不過點都想出去行下囉 ~

尋日買咗包炒麵都無食過   所以留番做里奧大人今日嘅午餐   同埋我今日同後日嘅午餐

唔忙又做自己嘢   今日好攰   好想快啲放工 ~

放工即走   今晚樣樣都慢動作做   所以 6 點 50 分先開餐   仲諗住蒸嘢同淥菜好快添 ~

是日晚餐 - 蒜蓉豆豉蒸排骨 + 寧夏菜心

蒜蓉豆豉蒸排骨 - 諗唔到煮咩就蒸排骨啦   依家鍾意食排骨呀   里奧大人都覺得奇怪 ~

 

寧夏菜心 - 呢次啲菜心好甜呀   不過仲要食埋聽晚先食完   好處係買 1 次食 3 餐   唔好處係 3 日食同一樣菜好悶   哈哈 ~

洗埋碗就沖涼休息   里奧大人熨咗衫   我就可以抖下 ~

仍然咁好味

睇陣 Youtube 就玩 "上海麻雀"   玩到 11 點 15 分先瞓覺 ~

煙燻燒鴨 (外賣) + 十二字飯 + 寧夏菜心 + 炸魚皮 ( 26-OCT-2025 )

尋晚食剩嘅乳鴿同咕嚕肉

( 26-OCT-2025  SUN )

今朝同里奧大人一齊食早餐   我食完就去家姐屋企喇 ~

等車嘅時候   突然有個男人"隊"部電話埋嚟   再話妳都唔係去呢度   我嗰下嚇鬼死   因為我好專注咁睇   之後先知係里奧大人囉 ~

家姐 姐夫番到嚟   真係唔吠佢哋㗎喎   唔通因為知道係屋企人 ?!   Berry 真係好難理解   哈哈 ~

我要叫 Berry 做靚女   因為我次次話 Berry 好醜樣   家姐個樣會好慘咁問 Berry 好醜樣咩 ?!   哈哈

仲係抓到甩哂毛

佢好眼瞓   因為我點 Fing 佢都唔走

嬸嬸記得家姐血糖高   特登買野生羊肚菌比家姐   仲買埋比糟糟   但糟糟之前都有食羊肚菌   不過食完肚屙   所以要比埋家姐喇   咁我又唔識整   比我都無用

家姐都有盒 MAPLE CREAM COOKIES   啱哂佢口味

同家姐又傾下偈   之後佢話要做嘢   我話無問題   一路傾一路做咪得囉 ~

家姐話糟媽前晚襯糟糟沖涼   靜靜雞打比家姐   話想送啲嘢比叔叔   但糟糟話驚入唔到境   不過我哋都話唔駛送嘢   一齊食飯已經係最好嘅禮物啦   我哋都係比利是

唔知鍾意食啲咩唔敢買 ~

Berry 瞓咗足足 1 個鐘   又有鼻鼾聲   我同家姐講嘢   佢都仲係瞓   瞓得好林   我仲驚嘈住佢添   哈哈 ~

我托住佢下巴瞓覺   瞓到我隻手都有印

行到半路   家姐發覺漏低電話   所以又要番屋企攞番呢 ~

家姐話遲咗去整嘢   咁要搭的士出去喇   感恩會經過我去嘅地方   咁我可以落車去買嘢   買完就番屋企喇 ~

今日熱咗好多呀   所以要沖涼洗頭   咁一陣可以入房瞓覺 ~

半隻燒鴨

里奧大人 2 點放工   番到屋企即刻可以食午餐喇 ~

買咗半打水餃   里奧大人食水餃麵   我就咁食 3 隻水餃都夠 lu

糟糟喺德昌買嘅   家姐話食唔到咁多   所以比我喇

食完就睇下 Youtube   里奧大人好似 3 點鬆啲就瞓覺   我就 3 點 20 分瞓到 4 點 10 分   里奧大人就瞓到 5 點 10 分   之後就去搞退貨喇 ~

今晚有啲餓   所以 6 點 45 分都開餐喇 ~

是日晚餐 - 煙燻燒鴨 (外賣) + 十二字飯 + 寧夏菜心 + 炸魚皮

煙燻燒鴨 (外賣) - 晏畫突然間好想食就買啦   不過最後都無食到   但我叫里奧大人點都食少少啦   哈哈 ~

十二字飯 - 尋晚食剩   今晚蒸熱都好味道喎 ~

寧夏菜心 - $20/2 斤   下次真係買 1 斤就算   依家食唔到咁多菜 ~

炸魚皮 - 好味呀   不過里奧大人就鍾意食薄身嘅魚皮 ~

洗埋碗就開機洗衫   之後沖涼休息   里奧大人就做機   不過 Full 哂   所以叫佢沖埋涼就熨 2 機衫喇 ~

一路食一路睇 "臥底旅行團 5.0"   今次介紹越南   我上次跟團去胡志明加美拖   我覺得好玩呀   同埋團餐都好好食   所以介紹埋比 CC 同阿媽奶奶一齊去   佢哋都覺得正呀 ~

尋晚食剩嘅馬拉糕   仲有 3 件就留番聽晚食

睇完又打機   又 11 點 20 分瞓覺 ~