皮蛋酸薑 ($23/碟) - 叔叔嬸嬸都鍾意食啲前菜
紅燒乳鴿 ($68/隻) - 皮脆肉嫩又多汁 糟媽食得幾咁滋味呀 咁本身係叫燒鵝 之後見到有乳鴿 我話梗係食乳鴿啦 燒鵝好多地方都有得食嘛 咁里奧大人唔食 糟媽見到就問點解 ?! 里奧大人話唔食呢啲 之後糟糟同家姐好驚 話不如叫隻燒鵝吖 里奧大人話食其他嘢都夠飽呀 千奇唔好再叫燒鵝
紅燒斑腩 - 職員介紹 呢個好味呀 最緊要啲魚唔腥
家鄉香茜菇粒馬蹄粒墨魚餅 ($138) - 職員介紹 口感係好彈牙 個個都鍾意食
蝦干韭菜花小炒皇 ($178) - 我叫㗎 原來嬸嬸都鍾意食
第一刀菠蘿咕嚕肉 ($158) - 糟糟話食嘅 佢同里奧大人都鍾意食咕嚕肉
杏汁菜膽豬肺湯 ($368) - 好濃郁嘅杏仁味 碗湯係白色 里奧大人想夾件咕嚕肉比糟媽 糟媽好大反應話仲有湯呀 真係笑死 又好難怪里奧大人睇唔到有湯嘅 如果係菜湯應該會睇到 哈哈
好多豬肺 但呢啲真係唔可以食咁多
秘製化口蝦子柚子 ($118) - 糟媽鍾意食 咁一定叫啦
健康鮮茄十二字飯 - 職員介紹 不過我無食到呀 實在太飽了
蒜蓉蒸海中蝦 - 食到咁上下 家姐見到有職員撈蝦 佢就想叫埋叔叔食 啲蝦又係好彈牙 凍咗食都唔腥
馬拉糕 - 里奧大人鍾意食 所以我話食剩我要打包 佢哋個個話無問題啦 仲問駛唔駛叫多個 哈哈
香草綠豆沙 - 好香臭草嘅味道 個個都話好味道呀
雪花經典啤酒 ($36/大) - 我話要飲酒呀 因為今日好熱 出咗一身汗
( 25-OCT-2025 SAT )
尋晚瞓得唔錯 7 點 10 分醒咗 咁里奧大人出咗廳 之後我再懶床 7 點 20 分都起身 lu ~
我以為里奧大人睇電視啦 原來佢熨緊衫 佢話無哂褲要熨呀 我仲以為佢熨哂成機衫添 哈哈 ~
今朝都係同里奧大人出去食早餐 食完就去佢公司坐陣先番工 ~
我唔想食米粉同三文治 咁食魚柳 除咗條腸仔 我樣樣都食剩啲 呢啲豐富早餐真係要放假先食得 因為放假一定瞓夠 咁先可以食得哂 哈哈
菇場忙呀 真係做到 12 點 59 分 40 秒 今日約咗叔叔同嬸嬸拜爸爸媽咪 所以唔想遲放工呀 ~
同阿花一齊行去地鐵站 好在有佢教點行 哈哈 ~
我差唔多 1 點 35 分到油塘 企咗一陣就見到里奧大人 佢第一時間拎個甜餐包出嚟叫我食 我話其實都唔係咁餓 不過唔食又驚頂唔到 3 點 ~
叔叔嬸嬸 2 點左右到 之後我哋由大本型行番去 14S 巴士站喇 ~
今日好熱 真係要慢慢行
好在里奧大人尋晚睇下有無巴士咋 我成日只記住搭的士 同埋今日無咩人 上埋我哋就開車 仲要有位剩 感恩感恩 ~
墳場係一個背山面海 風涼水冷嘅地方
叔叔嬸嬸話無嘢燒比爸爸媽咪 我話有心就得㗎喇 同埋我真係唔識要買啲咩 咁佢哋仲更加唔知邊度買 我話家姐同糟糟之後都會嚟拜爸爸媽咪㗎 佢哋實會買嘢 順便比埋其他親友 上次買到成車都滿哂 路過啲人都話佢哋誇張呀 ~
叔叔真係好有記性 仲記得上年的士由後邊山上嚟 我話完全無印象 哈哈 ~
里奧大人就一定記得爸爸媽咪嘅位 仲教埋點樣行 所以真係好感激佢 ~
今次仲黐好個花樽仔 其實仲買咗花 不過想黐實啲就唔放花喇 ~
差唔多 3 點半就搭車去大本型 因為叔叔頭先同表妹拜完山又飲咗茶 我話食甜品啦 留肚食晚餐好過 ~
芒果雪泥芋圓 ($39) - 芒果酸酸甜甜都唔錯 天氣熱要食呢啲 哈哈
三色包餡芋圓好煙韌 但食完好滯
抹茶雪泥芋圓 ($39) - 里奧大人鍾意抹茶 所以叫佢食呢喇
紅豆位草配花奶 ($26) - 嬸嬸鍾意食仙草
豆腐雪泥芋圓 ($42) - 叔叔話要試新嘢 佢本身想食腐竹糖水 我話食啲自己唔會煮嘅甜品嘛 哈哈 佢話喺加拿大食一碗要加幣 12-15 我覺得好貴呀
依家叔叔嬸嬸湊孫好忙 佢話啲孫食完早餐要做功課 我話咁早做功課 ?! 嬸嬸話係叔叔同堂細佬外父要佢哋做㗎 同埋最緊要學中文字同廣東話 最搞笑話佢哋番學就會搶住答問題 但有個就話上堂好 Boring 因為學哂 哈哈 ~
叔叔嬸嬸尋日喺北京番香港 佢話其中個團友係飲茶成日見嘅朋友個仔 估唔到去到北京都見到 真係超級有緣呀 ~
我問下加拿大治安點 ?! 叔叔話堂細佬試過比人入屋爆格 仲要係經過車房入去再入屋偷哂啲名牌帽 之後再揸埋堂細佬架車走 我覺得好恐怖呀 ~
傾下傾下又已經 4 點幾 咁同叔叔佢哋行下商場 因為佢怕太熱呀 咁加拿大之前落初雪 見佢哋着哂厚褸過中秋 依家香港 30 度 溫差真係好大呀 哈哈 ~
經過天上野 嬸嬸話真係啱喇 堂妹想買隻雞碗 因為隻碗有少少崩咗唔捨得掉 我話我送比佢啦 難得佢哋鍾意 仲要買一送一咁抵添 ~
嬸嬸話堂妹夫成日叫堂妹陪多啲媽咪食嘢同去旅行 我話真係好乖好難得啦 因為鬼仔好少會咁 始終外國文化唔同 嬸嬸話見過唔少鬼仔細路一離開父母就吸毒 覺得好可憐呀 ~
同埋堂兄妹佢哋會好多時約埋一齊去其中一個屋企食飯傾偈 個個感情都好好 里奧大人話父母教得好 兄弟姊妹關係實會好 咁又係嘅 如果同其中一個關係唔好都慘啦 明明 3 個變得 2 個 但明明就應該係 3 個嘛 ~
我以為巴士總站可以搭 14X 點知原來又要行番去大本型樓下 里奧大人話如果頭先我比佢去搵咗路就好啦 唔駛叔叔佢哋周圍行 ~
感恩車程好暢順 5 點 45 分就到酒樓 咁家姐話 Book 咗位 之後職員話無人 Book 8 位 里奧大人即打比家姐 原來有人搞錯日子 好在都有枱咋 叔叔話最怕坐咗人哋張枱 變咗人哋無得食飯呀 ~
家姐 姐夫同糟糟 糟媽差唔多 6 點幾先到 我仲以為佢哋約埋 原來家姐唔識點行 糟糟叫等埋佢一齊上去 ~
個個都一路食一路傾 呢樣未傾完又傾另一樣 同埋糟糟 糟媽又係咩都傾 唔知以為佢係同我哋係一家人呀 哈哈 ~
大家一齊傾下加拿大嘅生活 又傾下香港嘅生活 呢樣最鍾意 因為都想知多啲唔同地方嘅嘢嘛 ~
以前番工 糟媽每日都會打電話比糟糟 我媽咪又係每日打次比我 所以有時我哋行開咗 就會幫對方聽電話 有次我叫家姐打嚟整鬼糟糟 嚇到糟糟即刻搵我 真係好無聊 哈哈 ~
糟媽好得意 成日食完一樣嘢就叫里奧大人食嘢啦 同糟媽食嘢好開心㗎 佢咩嘢都食先好 但就唔會過量 始終年紀大嘛 點都要節制下嘅 ~
差唔多走嘅時候 家姐比利是嬸嬸 嬸嬸又比手信比我哋同埋糟糟 真係太客氣喇 好在我哋不嬲都會比利是比嬸嬸買嘢 我成日好想買衫比佢哋 即場買就實唔要 但我買咗唔啱佢哋 Size 又麻煩 所以比利是最好 鍾意買咩就買咩 ~
呢餐食咗 $2,600 家姐話唔算貴 我話其實我都無理到啲價錢 覺得佢哋鍾意就叫咋 ~
呢間酒樓係糟糟負責搵同訂枱 所以一定會請埋佢哋 之後家姐話糟媽都想見叔叔嬸嬸呀 呢樣真係估唔到呢 ~
叔叔今次住深井呀 所以家姐 Call 車比叔叔番酒店 最搞笑係糟糟陪埋我哋一齊等 不過佢都唔理泊車時間嘅 遲咗都無所謂 ~
我同里奧大人就搭巴士 家姐同姐夫就搭地鐵 之後家姐話最後都係搭巴士 不過我唔係同佢一個方向行囉 ~
要去埋 Circle K 買嘢先番屋企 因為難得聽日見到家姐 ~
幫糟糟買貓咪手手伸縮八達通 ($138/個) 頭先講開話我仲見到 但我買嚟唔用都唔會比妳 糟媽話點解要咁呀 ?! 里奧大人叫糟媽咪理佢啦 哈哈 咁我見到最後 2 個就幫佢買啦 之後里奧大人叫我送比糟糟 我話無問題啦
番到屋企即沖涼喇 本來想洗衫 但都係抖下 ~
堂妹同叔叔嬸嬸一齊去睇袋 叔叔話呢個袋啱姐姐 所以堂妹買比我喇 真係好乖女
堂細佬香港無呢包甜品 所以買比我食 呢個勁好味㗎 我比半包家姐 每人都接近有 18 塊㗎 好在家姐都鍾意食 因為之前阿細買過番嚟 我拎咗啲比家姐食呢
睇多陣 Youtube 又打機 差唔多 11 點半先瞓覺 ~
沒有留言:
發佈留言