口水雞米線 + 去骨海南雞飯 + 香辣牛展 + 香辣無骨鳳爪 (外賣) ( 16-OCT-2025 )

口水雞米線 ($45) - 啲雞肉好滑   阿齋無介紹錯

我要喇沙湯底同埋招牌手工麵   兩樣都好味道呀   我會再買嚟食   不過要等下午茶時段先   哈哈

去骨海南雞飯 ($45) - 食咗少少   因為我叫里奧大人幫手食啲麵   呢個就可以留番聽日做 Lunch Box

香辣牛展 (追加 +$20) - 都幾辣

香辣無骨鳳爪 (追加 +$20) - 如果酸啲就更好喇

( 15-OCT-2025  THU )

今朝瞓到 6 點 48 分就醒醒哋   其實瞓唔到但唔想起身   再望鐘就係 7 點 05 分   之後瞓下又再望鐘都已經 7 點 17 分   咁起身整早餐 lu ~

早餐食魚肉燒賣   下次好想蒸埋潮州粉果呀   哈哈 ~

食完就靈修 10 分鐘先搭車番工   時間啱啱好 ~

菇場唔忙   又可以做自己嘢喇 ~

家姐同事同家姐慶祝生日   見到呢個紫色就一定係買比家姐   咁依家家姐又好忙   所以都無同佢食生日飯   但估唔到里奧大人喺群組話要正日同家姐食生日飯呀   家姐話嗰日喺屋企   食完飯要出去整嘢   我哋趕唔切入去一齊食囉   之後話要 11 月先得閒呀   有時都想夜晚同家姐食飯   不過我想佢快啲番屋企休息好過

Lunch Time 蒸完飯就出去 Mikiki 行下   之後買埋獅子狗卷同魚腐就番菇場開餐喇 ~

買比里奧大人㗎   佢鍾意細細包嘅零食

唔忙又繼續做自己嘢   難得 3D 呀 ~

放工買埋晚餐就去里奧大人公司喇   今晚佢 7 點半開會   所以我都唔煮飯 lu   感恩我可以係下午茶時段價錢買   平咗接近 $30 㗎 ~

阿妹見到啲晚餐就問邊度買 ?!   同里奧大人問嘅一樣   因為里奧大人驚我要行太遠   我話如果太遠就一定唔會買啦   我又行得慢   啲嘢會好快凍哂   哈哈 ~

想食嘅時候   榴槤見到我又入嚟傾下偈啦   但傾咗 15 分鐘呀   難得我買湯粉麵   點知依家凍哂   哈哈 ~

食食下飯   里奧大人問我背脊仲痛唔痛 ?!   我話唔痛喇   估唔到佢記得我背脊痛   之後我話我可能真係扯親   因為星期六日咁啱拎咗重嘢 ~

食完都差唔多 6 點 45 分   咁我都走喇   要去買麵包同埋去 HKTV mall 買生果呢 ~

番到屋企要將啲飯餸放落飯兜   之後又整呢樣嗰樣先沖得涼 ~

秋月梨 ($30/3 個)

蘇格蘭牛仔骨 (+52 換購) - 好似有 4 塊

打下機又睇下 Youtube   之後就熨衫   本來唔想熨   但又想郁下   所以就熨衫喇 ~

里奧大人 9 點 45 分番到屋企   佢話頭先好在聽我講   叫佢瞓咗半個鐘   話瞓咗真係成日人精神哂呀   咁因為家姐星期六日都忙   我成日都叫佢瞓下   上次佢話瞓咗 10 分鐘   之後真係精神好多呢 ~

睇多陣電視   今晚 10 點 45 分都瞓 lu ~