1 人蜂盛套餐 @ Jollibee (外賣) ( 6-OCT-2025 )

1 人蜂盛套餐 ($59) -  2 件樂脆雞配蘑菇飯+香芒蜜桃批+汽水

辣雞真係好辣   但我就好鍾意食喇

( 6-OCT-2025  MON )

感恩一覺瞓天光呀   瞓到 7 點 17 分都醒咗   所以起身整早餐 lu ~

里奧大人無啦啦出廳   以為佢想搵咩   原來話陪我食完早餐先瞓   我話唔駛啦   難得放假一定要瞓餐飽啦 ~

早餐食餐蛋包   其實我真係麻麻哋鍾意食   哈哈   本身以為星期日打風   所以星期六晚就買定麵包   仲買多個茄汁薄餅同里奧大人 Share 食   但今朝得我食就食餐蛋包囉 ~

菇場忙咗一個鐘就可以抖下   之後睇到公司群組訊息話今日收 4 點   極開心呀 ~

西瓜嘅手信

今日中秋節   Whatsapp 就會收到好多訊息   之後又要 Send 啲 Icon 出去   有時見到收嘅係同一樣 Icon   會覺得係咪自己睇漏咗咁㗎   不過呢啲 Send 多咗都無所謂嘅   哈哈 ~

估唔到又會同阿依 Whatsapp 咗成個鐘囉   佢記得我哋美孚見過   我話已經係 2019 年嘅時啦   哈哈   我話等我瘦身之後先搵佢食飯呀 ~

同阿依又係識咗好耐   但都係 Whatsapp 傾偈   最有印象一次係同佢坐地鐵去食飯   由柴灣坐到荃灣   一頭一尾坐咗成個鐘呀   好在全程傾偈就唔覺咋 ~

Lunch Time 蒸完飯就行陣再去買煲湯料   買咗 8 個蕃茄 + 3 條粟米 + 1 包栗子 + 1 嚿南瓜 + 2 個洋蔥   好耐無拎咁重呀   所以買完即番菇場喇 ~

肌美精濃潤抗皺修復精華 ($118 出位價)   我覺得都抵就買支嚟用下

唔忙就做自己嘢啦   其實個個都等緊放工   哈哈 ~

家姐 3 點放工   我就 4 點準時放工   番到屋企都 4 點半   里奧大人話去唔去食壽司 ?!   我話唔想食飯呀 ~

抖到 5 點幾先去 Jollibee   咁我去坐卡位   里奧大人話唔係買番屋企食咩 ?!   佢要飲啤酒呀   咁我無所謂啦   買完再去買埋糖水就番屋企 lu ~

食完抖陣就開機洗衫   之後沖涼休息 ~

同里奧大人一齊睇 "封神第一部 朝歌風雲"   又係睇完第二先再睇第一   哈哈   不過我都覺得好睇呀 ~

我唔食喇   因為我整咗蘋果椰果沙律

睇完再睇陣 Youtube   今晚 11 點先瞓覺 ~