沖繩二段料理 @ 紅磡 ( 20-OCT-2025 )

壽喜燒肉味噌湯烏冬配宮城辣醬雞 ($94) - 好味呀   烏冬好煙韌   里奧大人話佢咬第一啖就已經知道我實鍾意呀

特濃蕃茄湯烏冬配蜜糖芥末雞 ($89) - 好濃嘅蕃茄味道   里奧大人都鍾意食   炸雞都係新鮮炸起   又係唔錯呀

沖繩海鹽焦糖冬甩雪糕 - 冬甩口感又係煙煙韌韌

凍烏龍茶

( 20-OCT-2025  MON )

去完廁所好快瞓得番   今朝鬧鐘響都唔係咁想起身添呀   哈哈 ~

早餐食芝士捧   星期六喺 Cantevole 買嘅   佢哋啲麵包都唔錯㗎 ~

食完就靈修 10 分鐘   之後就搭車番工喇 ~

菇場忙咗 1 個鐘又可以 Hea 過   呢幾日 3D 實在太開心了 ~

Lunch Time 蒸完飯就出去 Mikiki 行下   最後買埋芝士年糕就番菇場開餐喇 ~

唔忙又做自己嘢啦   里奧大人幫我去拎醫生紙   之後再約佢喺中醫度等我 ~

放工即走   搭車嘅時候   里奧大人話診所無人   所以佢都睇埋中醫   醫師話佢係敏感體質   食補嘢唔得   開啲藥等佢好瞓啲   因為呢排佢瞓得唔係咁好 ~

我 6 點鬆啲就到   可以即刻睇   其實我都係瞓得唔好  同埋想食完西藥要調理下   之後我話上次背脊好痛   但食咗藥就唔痛   醫師話我可能係神經痛   叫我放鬆唔好咁緊張 ~

睇完就去食晚餐   我食緊嘅時候   我同里奧大人會話下次再嚟食   之後某啲原因話唔會再嚟   但一食個甜品就話會再嚟食呀   里奧大人都忍唔住笑   話我好似精神分裂   明明好強硬話唔嚟   轉頭就好開開心心咁話嚟   哈哈 ~

食完就去日本城買電芯   之後去 AEON 買鑊   因為個玫瑰鍋比我刮花咗   不過就算唔刮花都唔想再用佢   成日黐底好煩   我仲以為得我係咁   上網睇原來好多人都係咁呀   有啲直頭話把鬼   用咗兩次黐底都即刻掉添呀   我又唔記得邊度買同幾時買   只係好多時黐底但無心機去搵其他鍋代替咁囉 ~

moneta 雙提手燜鍋 (原價 $398   95折 $378.1)   我 Target 係 1,000   但係想買 Stainless Steel 嘅   所以好感恩買到又平又啱心水嘅鍋呀

最後忍唔住買個足浴盤   折咗只係 $36.1 咋 ~

買完即番屋企   沖埋涼就可以休息下   因為里奧大人今朝熨咗衫呢 ~

今晚睇陣 Youtube 就玩上海麻雀   玩到 11 點 20 分先瞓 ~