明爐香烤櫻桃谷 BB 鴨 (外賣) + 辣菜脯炒茄子 ( 9-OCT-2025 )

( 9-OCT-2025  THU )

感恩一覺瞓天光呀   瞓得好真係好緊要㗎 ~

今朝叫里奧大人去買早餐   我食法式吞拿魚包 ($12)   里奧大人就食腿蛋治 ~

食完就去里奧大人公司坐陣先番工   今日唔想咁早番公司呀 ~

菇場唔忙   又做自己嘢啦 ~

Lunch Time 蒸完飯就出去行下   行下行下又行咗半個鐘   要即番菇場開餐喇 ~

因為我負責放啲飯餸喺飯兜嘅   所以里奧大人唔知放咗幾多   同埋放咗啲咩   哈哈

唔忙就繼續做自己嘢   放工去大家樂買隻鴨   之後即番屋企預備喇   里奧大人一番到屋企就開 Pad 玩上海麻雀   仲着迷過我喎   哈哈 ~

是日晚餐 - 明爐香烤櫻桃谷 BB 鴨 (外賣) + 辣菜脯炒茄子

明爐香烤櫻桃谷 BB 鴨 (外賣) - 諗唔到煮咩就買隻鴨啦   其實 $59 真係唔貴   我覺得都唔係好細隻啫   我仲可以留番半隻聽晚食添呀 ~

辣菜脯炒茄子 - 咁樣就惹味啲嘅   好過炒肉碎   哈哈 ~

里奧大人問今晚玩唔玩康樂棋 ?!   我話玩呀   所以煮熱埋蕃薯糖水比佢食   咁唔駛太夜食嘛 ~

洗埋碗就去佢公司玩康樂棋   玩咗 1 個鐘就番屋企喇 ~

開埋機洗衫就即刻沖涼   我沖完涼見里奧大人又玩上海麻雀   我話要開機洗衫呀   佢話等佢玩埋呢舖先   好快㗎咋   真係好少見佢咁樣玩   哈哈 ~

佢沖完涼就出嚟問我過關未 ?!  我話整呢樣嗰樣無玩到呀   之後佢就即刻玩呀 ~

船頭比嘅雙黃荳蓉月

好味呀

今晚都無睇 Youtube   同里奧大人一齊玩 "上海麻雀"   不過玩都 11 點都瞓覺 lu ~