超值二人套餐 (外賣) ( 13-DEC-2025 )

超值二人套餐 ($69)

香辣脆雞 X 4 / 辣汁蘑菇白飯 (普通) / 家鄉雞皇飯 (普通) / 美年達 X 2 / 格格脆薯塊   我再加多 2 份 (+$18)   食剩 2 件雞+2份薯格+雞皇飯   聽晚要再食過

( 13-DEC-2025  SAT )

今朝瞓到 10 點自然醒   里奧大人以為我仲想瞓   我話 10 點唔瞓啦 ~

我問里奧大人尋晚開會開到幾點 ?!   佢話開到 12 點 20 分呀   我真係以為聽錯   開咗接近 3 個半鐘頭   真係聽見都攰 ~

沖埋涼就出去食早餐   里奧大人話去另一邊食早餐   難得今日唔趕 ~

豬柳漢堡扒蕃茄濃湯通粉 ($46) / 最強特濃沙爹牛麵 ($50) - 呢間其實食過   但今次係好食好多呀   蕃茄湯同咖啡係好熱   上次唔係咁㗎

食完番屋企執嘢   又係買買埋埋太多嘢   好似執極唔完咁   好在聽日比一大袋手信比家姐   感覺好少清咗一樣嘢咁   哈哈 ~

里奧大人 1 點出發番工  咁我約咗石頭食午餐   所以佢話番公司食杯麵算喇 ~

我 1 點 35 分到食店   石頭無耐就到   咁叫咗嘢食先傾偈 ~

夏日清爽海蜇拌麵 ($48) 石頭鍾意食冷麵   我話有人可以陪我食喇

韭菜豬肉煎餃拚椰菜雲耳豬肉煎餃 ($59) - 我哋覺得唔夠脆呀

凍豆漿 ($12/樽) - 我要無糖   都幾濃豆味   下次可以買比里奧大人飲

原來石頭又係鍾意食餃子   不過話食店好遠   但今日我陪佢食   佢有動力行去喎   笑鬼死 ~

傾下食下   同佢真係算有緣   我本身諗住退出事奉團隊   點知佢加入嚟   又令到我想再繼續事奉   但就因為某啲原因就大家一齊走   之後就開始 Whatsapp 傾偈   佢個人都係好鬼真   無諗過咩都同我講嘛   咁依家又再一齊事奉   所以又多咗見面呢   因為我哋講明大家要拍住做呀 ~

今次我埋單   佢又話下次請番我 ~

食完要帶小朋友去探訪 2 個家庭   但我認錯路   要兜番轉頭先到   小朋友見到係起點嘅地方即刻話 "吓"   真係笑死我   我話做咩啫   周圍睇下唔好咩 ?!   講完都頂自己唔順   哈哈 ~

石頭仲搞笑   寧願拎禮物都唔敢拖住小朋友   我話我又唔驚喎   同埋我要佢一定拖住我實一實   如果唔比我拖   我唔會帶佢出去㗎 ~

探訪完第 1 個家庭之後要行 10 分鐘先探到第 2 個家庭   所以時間都好近迫   感恩 4 點半完成 ~

Debriefing 完就即刻去始創中心拎藥   我記住係去調景嶺方向再轉線   好感恩一去到隻門開咗   咁即入去車廂啦   之後望到調景嶺線啲燈着哂   我心諗死啦   最衰心急上錯車啦   要去太子起碼 40 分鐘   實趕唔切去拎藥   咁當架車開嘅時候   我喺度諗無理由坐 1 個站就去到調景嶺家嘛   真係黐鬼線 ~

個人好攰加上又唔識搭地鐵   真係好在無搭錯咋 ~

拎完藥已經 5 點 45 分   本來想行花園街   但家姐應該仲喺旺角   所以都係約埋佢一齊搭地鐵喇 ~

好日唔約家姐   之後家姐話糟糟要拎蛋糕上去   所以家姐要等埋佢囉   好在都係 20 分鐘左右就搞掂 ~

家姐話做咩唔叫佢拎 ?!   我話唔駛佢特登行過嚟   反正我有時間嘛 ~

我其實只係搭幾個站   所以家姐話我咁快落車   咁對面係黃埔線   家姐即打嚟叫我唔好搭呀   無理由又去番旺角再去黃埔嘛   哈哈 ~

難得經過樓上就去買啲嘢   買完番屋企放低就去 KFC 買晚餐 ~

馬駮魚肉燒賣 ($14) / 特選加拿大花旗參片 ($139) / 老友記銀蝦 XO 醬 ($42)

急凍加拿大天然豬排骨粒 ($34) / 西班牙天然豬肉碎 ($39)

8 點左右番到屋企   之後里奧大人都番到嚟   咁就好喇   可以即刻開餐 ~

食完抖陣就沖涼   我話今日好熱呀   件褸完全無着過 ~

睇下 Youtube 又打下機   今晚 11 點都瞓覺 lu ~