香草辣椒肉碎煎蛋飯 (外賣) ( 25-DEC-2025 )

( 25-DEC-2025  THU )

今朝同里奧大人 7 點半起身   食完就一定要去佢公司幫手   因為今日有大型活動呀 ~

今朝凍咗咁呀   但我覺得凍啲更好   因為依家係冬天嘛   哈哈 ~

坐咗一陣就見到阿妹   咁等佢食完早餐就要一齊做嘢喇 ~

做到差唔多 11 點幾就同里奧大人出去買午餐   因為我哋 12 點要食午餐㗎喇   唔係就無時間食 lu ~

開餐

因為泰式濕炒河唔留得   所以同里奧大人食哂先   佢仲食咗啲香草辣椒肉碎煎蛋飯   我就食唔落喇   所以留番今晚食

食完就幫里奧大人執 File 櫃   但一定要佢喺度先得   因為我唔可以決定啲咩嘢唔要嘛 ~

終於清咗好多文件喇   之後我去另一間房碎紙   阿妹突然入嚟真係比佢嚇鬼死   之後仲好似想摸我咁   原來佢想比番飯錢比我呀   佢話里奧大人唔收   叫我收咗唔好同里奧大人講   我話我唔會咁做喎   同埋真係唔好比我囉   佢話成日都係咁   我話有咩所謂呀   又唔係我啲錢   哈哈 ~

做到 5 點半就突然好肚餓   因為我中午食咗半盒河粉   仲係主要食菜   之後我同皇太后講好鬼肚餓呀   見到啲蛋糕好想食   但係工作人員食咋㗎   皇太后話叫佢個女幫我攞   我話唔好喇   佢見到個女即刻話拎蛋糕比我   我口唇白哂要食啦   皇太后個女即刻拖住我入去拎   仲話要拎多件蝴蝶酥比我呀   我好感動呀   睇到佢哋兩母女個樣好緊張咁㗎 ~

我同里奧大人講咗話頭先食咗蛋糕呀   佢話妳都食得㗎   妳都係工作人員嚟㗎   我話咁我都無咁驚   哈哈 ~

同阿妹做到 7 點先放工   之後等埋里奧大人同阿妹食埋蛋糕先走 ~

里奧大人同阿妹都係食朱古力蛋糕   我就拎咗件合桃番屋企食   其他就比阿妹拎走

頂爺話有 4 盒飯剩咗   佢比 2 盒比我   佢同阿妹就 1 盒   啱啱好分得哂

番到屋企就蒸熱個飯   所以叫里奧大人沖涼先 ~

洗埋碗就開機洗衫   之後沖涼休息 lu ~

尋晚食剩蕃薯糖水   今晚都食埋去喇 ~

阿妹話雪凍都好食   但我都係鍾意食熱嘅蕃薯糖水

里奧大人 9 點半瞓喇   我就繼續睇 Youtube   睇到11 點 15 分先瞓覺 ~